ହାଇଦ୍ରାବାଦ:ମୁମ୍ୱାଇ ଇଣ୍ଡିଆନ୍ସ କ୍ୟାପଟେନ ହାର୍ଦ୍ଦିକ ପାଣ୍ଡ୍ୟାଙ୍କୁ ବଡ ଝଟକା । ଆଗାମୀ ଆଇପିଏଲର ପ୍ରଥମ ମ୍ୟାଚ ଖେଳିପାରିବେନି ହାର୍ଦ୍ଦିକ । ମନ୍ଥର ବୋଲିଂ(ସ୍ଲୋ ଓଭର ରେଟ) ପାଇଁ ହାର୍ଦ୍ଦିକଙ୍କୁ ଆଇପିଏଲର ଆଗାମୀ ମ୍ୟାଚରୁ ନିଲମ୍ବିତ କରାଯିବା ସହ ୩୦ ଲକ୍ଷ ଟଙ୍କାର ଜରିମାନାରେ ଦଣ୍ଡିତ କରାଯାଇଛି । ତେବେ ଚଳିତ ସିରିଜରେ ମୁମ୍ବାଇ ଇଣ୍ଡିଆନ୍ସର ପ୍ରଦର୍ଶନ ଫ୍ୟାନ୍ସମାନଙ୍କୁ ବେଶ ନିରାଶ କରିଛି । ୫ଥର ଟାଇଟଲ ହାତେଇଥିବା ମୁମ୍ବାଇ ଏଥର ପଏଣ୍ଟ ଟେବୁଲର ଶେଷରେ ରହିଛି ।
ଏହାମଧ୍ୟ ପଢନ୍ତୁ... ସାଥ ଦେଲା ଭାଗ୍ୟ, ଚେନ୍ନାଇକୁ ହରାଇ ପ୍ଲେ ଅଫରେ ବେଙ୍ଗାଲୁରୁ - IPL 2024
ମେ' ୧୭ ତାରିଖରେ ମୁମ୍ବାଇ ସ୍ଥିତ ଓ୍ବାଙ୍ଖଡେ ଷ୍ଟାଡିୟମରେ ସୁପରଜିଆଣ୍ଟ୍ସ ବିପକ୍ଷ ମ୍ୟାଚରେ ହାର୍ଦ୍ଦିକ ପାଣ୍ଡ୍ୟା ସ୍ଲୋ ବୋଲିଂ କରିଥିବା ଦେଖିବାକୁ ମିଳିଥିଲା । ଯାହାକୁ ନେଇ ଟିମ ମ୍ୟାନେଜମେଣ୍ଟ ପକ୍ଷରୁ କଡା ପଦକ୍ଷେପ ଗ୍ରହଣ କରାଯାଇଛି । ପାଣ୍ଡ୍ୟାଙ୍କୁ ଆଇପିଏଲର ଆଗାମୀ ମ୍ୟାଚ ପାଇଁ ନିଲମ୍ବନ କରାଯିବା ସହ ୩୦ ଲକ୍ଷ ଟଙ୍କା ଜରିମାନା ଭରିବାକୁ ନିର୍ଦ୍ଦେଶ ଦିଆଯାଇଛି । ଫଳରେ ସେ ପରବର୍ତ୍ତୀ ମ୍ୟାଚ ଖେଳିପାରିବେ ନାହିଁ ।