ନୂଆଦିଲ୍ଲୀ : ଟିମ୍ ଇଣ୍ଡିଆର ଷ୍ଟାର ବ୍ୟାଟର କେଏଲ୍ ରାହୁଲ ହଠାତ୍ ସୋସିଆଲ୍ ମିଡିଆରେ ଖୁବ ଚର୍ଚ୍ଚାକୁ ଆସିଛନ୍ତି । ପ୍ରଥମେ ସେ ତାଙ୍କ ଇନଷ୍ଟାଗ୍ରାମ ଆକାଉଣ୍ଟରେ ଏକ ଷ୍ଟୋରୀ ସେୟାର କରିଥିଲେ, ଯେଉଁଥିରେ ଲେଖାଥିଲା ସେ ଖୁବଶୀଘ୍ର ସମସ୍ତଙ୍କୁ କିଛି କହିବାକୁ ଯାଉଛନ୍ତି । ଏହାପରେ ସୋସିଆଲ ମିଡିଆରେ ଅନ୍ୟ ଏକ ପୋଷ୍ଟ ଖୁବ ଭାଇରାଲ ହେଉଛି । ଏହା କେଏଲ୍ ରାହୁଲଙ୍କ ଇନଷ୍ଟାଗ୍ରାମ ଷ୍ଟୋରୀ ଓ ସେ ଅନ୍ତର୍ଜାତୀୟ କ୍ରିକେଟରୁ ସନ୍ୟାସ ନେଇ ଘୋଷଣା କରିଛନ୍ତି ବୋଲି ଦାବି କରାଯାଉଛି । ତେବେ ଏହି ପୁରା ଖବରରେ ସତ୍ୟତା କେତେ ? କ'ଣ ସତରେ ଅନ୍ତର୍ଜାତୀୟ କ୍ରିକେଟରୁ ଅବସର ନେଇଛନ୍ତି କି ରାହୁଲ ? ଜାଣନ୍ତୁ ପୂରା ଘଟଣା,
କ'ଣ ପୂରା ଘଟଣା ? :-
କେଏଲ୍ ରାହୁଲଙ୍କ ଅବସର ନେଇ ସୋସିଆଲ ମିଡିଆରେ ପବନ ବେଗରେ ଭାଇରାଲ ହେଉଛି ଏକ ପୋଷ୍ଟ । ଏହି ପୋଷ୍ଟ କେଏଲ୍ ରାହୁଲଙ୍କ ଇନ୍ଷ୍ଟାଗ୍ରାମ ଷ୍ଟୋରୀ ପରି ଲାଗୁଛି, କାରଣ ଏଥିରେ ରାହୁଲଙ୍କ ଫଟୋ ମଧ୍ୟ ରହିଛି । ଏହି ପୋଷ୍ଟରେ ଲେଖାଯାଇଛି, "ବହୁ ବିଚାର ପରେ ମୁଁ ବୃତ୍ତିଗତ କ୍ରିକେଟରୁ ଅବସର ନେବାକୁ ନିଷ୍ପତ୍ତି ନେଇଛି । ଏହି ନିଷ୍ପତ୍ତି ସହଜ ନଥିଲା, କାରଣ ଅନେକ ବର୍ଷ ଧରି କ୍ରୀଡା ମୋ ଜୀବନର ଏକ ଗୁରୁତ୍ୱପୂର୍ଣ୍ଣ ଅଂଶ ହୋଇ ରହିଥିଲା । ମୋର କ୍ରିକେଟ କ୍ୟାରିୟର ମଧ୍ୟରେ ମୋ ପରିବାର, ବନ୍ଧୁ, ସାଥୀ ଖେଳାଳି ଏବଂ ପ୍ରଶଂସକଙ୍କ ଠାରୁ ମୁଁ ପାଇଥିବା ସମର୍ଥନ ଏବଂ ଉତ୍ସାହ ପାଇଁ ମୁଁ କୃତଜ୍ଞ । ମୁଁ ପଡ଼ିଆରେ ତଥା ପଡ଼ିଆ ବାହାରେ ପାଇଥିବା ଅନୁଭୂତି ଏବଂ ସ୍ମୃତିଗୁଡ଼ିକ ପ୍ରକୃତରେ ଅମୂଲ୍ୟ ଅଟେ । ମୋତେ ଦେଶକୁ ପ୍ରତିନିଧିତ୍ୱ କରିବା ଏବଂ ବହୁ ପ୍ରତିଭାବାନ ଖେଳାଳିଙ୍କ ସହ ଖେଳିବାର ସୁଯୋଗ ମିଳିଥିବାରୁ ମୁଁ ଗର୍ବିତ । ମୋ ଜୀବନର ନୂତନ ଅଧ୍ୟାୟ ପାଇଁ ମୁଁ ଉତ୍ସାହିତ । ଖେଳ ଜୀବନକୁ ମୁଁ ସର୍ବଦା ମନେ ରଖିବି । ଏହି ଅବିଶ୍ବସନୀୟ ଯାତ୍ରାର ଏକ ଅଂଶ ହୋଇଥିବାରୁ ସମସ୍ତଙ୍କୁ ଧନ୍ୟବାଦ ।" ତେବେ ପରବର୍ତ୍ତୀ ମୁହୂର୍ତ୍ତରେ ରାହୁଲ ଏହି ପୋଷ୍ଟକୁ ଡିଲିଟ କରିଦେଇଥିବା ଦାବି କରାଯାଉଛି ।
ରାହୁଲଙ୍କ ଏହି ପୋଷ୍ଟ କେତେ ସତ ? :-