କଟକ:ଆଜି(ରବିବାର) ଭାରତ ଓ ଇଂଲଣ୍ଡ ମଧ୍ୟରେ ଦ୍ୱିତୀୟ ଦିନିକିଆ ମ୍ୟାଚ ଆରମ୍ଭ ହୋଇଯାଇଛି । କଟକ ବାରବାଟୀ ଷ୍ଟାଡିୟମରେ ଅନୁଷ୍ଠିତ ଏହି ମ୍ୟାଚରେ ଟସ ଜିତି ପ୍ରଥମେ ବ୍ୟାଟିଂ ନିଷ୍ପତ୍ତି ନେଇଥିଲା ଟିମ ଇଂଲଣ୍ଡ । ଫଳରେ ପ୍ରଥମେ ବୋଲିଂ କରିଛି ଭାରତୀୟ ଦଳ । ତେବେ ଶେଷ ଓଭରରେ ସମସ୍ତ ଓ୍ବିକେଟ ହରାଇ ୩୦୪ ରନ ହାସଲ କରିଛି ଇଂଲଣ୍ଡ । ଅନ୍ୟପଟେ ଜାଡେଜା ସର୍ବାଧିକ ୩ଟି ଓ୍ବିକେଟ ହାସଲ କରିଛନ୍ତି ।
ଇଣ୍ଡିଆ ଆଗରେ ୩୦୫ ରନର ଟାର୍ଗେଟ:
ପ୍ରଥମରୁ ଇଂଲଣ୍ଡ ଖେଳାଳିଙ୍କ ଆକ୍ରାମକ ଖେଳ ଦେଖିବାକୁ ମିଳିଥିଲା । ତେବେ ୧୦.୫ ଓଭରରେ ବରୁଣ ଚକ୍ରବର୍ତ୍ତୀ ବୋଲିଂ ସଲ୍ଟଙ୍କୁ ଆଉଟ କରି ପ୍ରଥମ ଓ୍ବିକେଟ ହାସଲ କରିଥିଲେ । ଏହାପରେ ୧୫.୫ ଓଭରରେ ଇଂଲଣ୍ଡର ଡକେଟଙ୍କ ଓ୍ବିକେଟର ପତନ ଘଟିଥିଲା । ଏହାପରେ ୨୯.୪ ଓଭରରେ ବ୍ରୁକଙ୍କ ଓ୍ବିକେଟ ନେଇଥିଲେ ହର୍ଷିତ ରାଣା । ୩୮.୪ ଓଭରରେ ବଟଲର କ୍ୟାଚ ଆଉଟ ହୋଇଯାଇଥିଲେ । ଏହାପରେ ରୁଟ ୪୨.୩ ଓଭରରେ ରବିନ୍ଦ୍ର ଜାଡେଜାଙ୍କ ବୋଲିଂ କରୁଥିବା ବେଳେ କୋହଲିଙ୍କ ହାତରେ କ୍ୟାଚ ଆଉଟ ହୋଇଥିଲେ ।
ବେନ ଡକେଟ, ରୁଟ ଓ ଲିଭିଙ୍ଗଷ୍ଟୋନଙ୍କ ବିସ୍ଫୋରକ ବ୍ୟାଟିଂ ବଳରେ ନିର୍ଦ୍ଧାରିତ ଓଭରରେ ଓ୍ବିକେଟ ହରାଇ ରନ ସଂଗ୍ରହ କରିଛି ଇଂଲଣ୍ଡ । ତେବେ ଭାରତ ଆଗରେ ଏବେ ୩୦୫ ରନର ଟାର୍ଗେଟ ରହିଛି । ଓପନର ବେନ ଡକେଟ ୫୬ବଲରେ ୬୫ରନ କରିଥିବା ବେଳେ ଜୋ ରୁଟ ୭୨ ବଲରେ ୬୯ ଓ ଲିଭିଙ୍ଗଷ୍ଟୋନ ୩୨ ବଲରେ ୪୧ ରନ କରିଛନ୍ତି । ଶେଷ ଓଭରରେ ଲିଭିଙ୍ଗଷ୍ଟୋନ ରନ ଆଉଟ ହୋଇଯାଇଥିଲେ ।
ଜାଡେଜାଙ୍କୁ ସର୍ବାଧିକ ଓ୍ବିକେଟ: