ଓ୍ବାସିଂଟନ: ଟି-20 ବିଶ୍ବକପରେ ଆଜି ଗ୍ରୁପ ପର୍ଯ୍ୟାୟରେ ଅନ୍ତିମ ମ୍ୟାଚ ଖେଳିବ ଟିମ ଇଣ୍ଡିଆ । କାନାଡାକୁ ଭେଟିବ ମେନ ଇନ ବ୍ଲୁ । ଆମେରିକାର ସେଣ୍ଟ୍ରାଲ୍ ବ୍ରୋଓ୍ବାଡ ରିଜିଓନାଲ ପାର୍କ ଷ୍ଟାଡିୟମରେ ଭାରତୀୟ ସମୟ ରାତି 8ଟାରେ ଖେଳାଯିବ ମ୍ୟାଚ । ଗ୍ରୁପ 'ଏ' ରେ ପ୍ରଥମ ଦଳ ଭାବେ ଭାରତ ସୁପର 8ରେ ପ୍ରବେଶ କରିସାରିଛି । ବର୍ତ୍ତମାନ ସୁଦ୍ଧା 3ଟି ମ୍ୟାଚ ଖେଳି ଦଳ 6 ପଏଣ୍ଟ ସହ ଶୀର୍ଷରେ ରହିଛି ରୋହିତ ବାହିନୀ । ଦ୍ବିତୀୟ ଦଳ ଭାବେ ଆମେରିକା ସୁପର 8କୁ ପ୍ରବେଶ କରି ପଏଣ୍ଟ ଟେବୁଲର ଦ୍ବିତୀୟ ସ୍ଥାନରେ ରହିଛି ।
ଗ୍ରୁପ ପର୍ଯ୍ୟାୟରେ ଭାରତ 3ଟି ମ୍ୟାଚ ଜିତି ସୁପର 8ରେ ପ୍ରବେଶ କରିଥିବାରୁ ଆଜିର ମ୍ୟାଚ ଏତେଟା ଗୁରୁତ୍ବପୂର୍ଣ୍ଣ ନୁହେଁ । କିନ୍ତୁ ଅପରାଜୟ ରହିବାକୁ ଆଶାବାଦୀ ଟିମ ଇଣ୍ଡିଆ । ତେଣୁ ଏହି ମ୍ୟାଚରେ ବିଜୟୀ ହୋଇ ବିଜୟ ଧାରାକୁ ବଜାୟ ରଖିବାକୁ ଚେଷ୍ଟା କରିବ ଭାରତ । ଅନ୍ୟପଟେ କାନାଡା 3ଟି ମ୍ୟାଚ ଖେଳି ମାତ୍ର ଗୋଟିଏରେ ବିଜୟୀ ହୋଇଛି । ସୁପର 8କୁ ପହଞ୍ଚିବା ଆଶା ମଉଳିଛି । କିନ୍ତୁ ପଏଣ୍ଟ ସଂଖ୍ୟା ବଢାଇବାକୁ ଭାରତକୁ ହରାଇବାକୁ ପୁରା ପ୍ରସ୍ତୁତ କାନାଡା । ଦୁଇ ଦଳ ପ୍ରଥମ ଥର ପାଇଁ ଟି 20ରେ ପରସ୍ପରକୁ ଭେଟିବାକୁ ୟାଉଛନ୍ତି ।