ରାଉରକେଲା: ଆଜିଠୁ ରାଉରକେଲାର ବିର୍ସାମୁଣ୍ଡା ହକି ଷ୍ଟାଡିୟମରେ ଆରମ୍ଭ ହେବ ହକି ପ୍ରୋ ଲିଗ ମ୍ୟାଚ । ପ୍ରଥମ ଥର ପାଇଁ ମହିଳା ହକି ପ୍ରୋ ଲିଗର ମ୍ୟାଚ ରାଉରକେଲାରେ ଆୟୋଜନ କରାଯାଇଛି । ପୁଣି ଦର୍ଶକଙ୍କ କର ତାଳିରେ କମ୍ପିବ ଷ୍ଟାଡିୟମ । ଆଜି ସନ୍ଧ୍ୟାରେ 2ଟି ମ୍ୟାଚ ରହିଛି । ପ୍ରଥମ ମ୍ୟାଚ ୟୁଏସଏ ଏବଂ ନେଦରଲ୍ୟାଣ୍ଡ ମହିଳା ଦଳ ମଧ୍ୟରେ ମୁକାବିଲା ହେବ । ପରେ ଭାରତ ଓ ଚୀନ ମଧ୍ୟରେ ମ୍ୟାଚ ଖେଳାଯିବ । ଭୁବନେଶ୍ବରରେ ଖେଳାଯାଇଥିବା ହକି ପ୍ରୋ ଲିଗରେ ଭାରତର ନୈରାଶ୍ୟଜନକ ପ୍ରଦର୍ଶନ ରହିଥିଲା । 3ଟି ମ୍ୟାଚ ଜିତିଥିବା ବେଳେ ଗୋଟିଏ ମ୍ୟାଚରେ ଜିତିଥିଲା ଭାରତ । ତେଣୁ ପୁରୁଣା ଭୁଲକୁ ସୁଧାରି ପୁଣି ଥରେ ଭାରତ ଆଜି ଭଲ ପ୍ରଦର୍ଶନ କରିବ ବୋଲି ଆଶା କରାଯାଉଛି । ଆଜିର ମ୍ୟାଚ ପାଇଁ ଦଳ ଜୋରଦାର ପ୍ରସ୍ତୁତି କରିଛି ।
ଶେଷ ଚାରୋଟି ମ୍ୟାଚର ପ୍ରଥମ ମ୍ୟାଚରେ ଚାଇନା ଠାରୁ, ଦ୍ୱିତୀୟ ମ୍ୟାଚରେ ନେଦରଲାଣ୍ଡ୍ସ , ତୃତୀୟ ମ୍ୟାଚରେ ଅଷ୍ଟ୍ରେଲିଆ ବିପକ୍ଷରେ ଏକ ପାଖିଆ ପରାସ୍ତ ହୋଇଥିଲା ଭାରତୀୟ ଦଳ ଏବଂ ଶେଷ ମ୍ୟାଚରେ USA ବିପକ୍ଷରେ ବିଜୟ ଲାଭ କରିଥିଲା । ରାଉରକେଲାରେ ପ୍ରୋ ଲିଗର ଦ୍ୱିତୀୟ ଫେଜରେ ପୁଣି ଚାଇନା ସହ ମୁହାଁମୁହିଁ ହେବ ଦଳ । ତେବେ ଏହି ମ୍ୟାଚକୁ ଭାରତ ଜିତିବାକୁ ହେଲେ ପ୍ରଥମ କ୍ୱାଟର ରୁ ହିଁ ଆଟାକ୍କିଂ ମୁଡରେ ଖେଳିବାକୁ ପଡିବ । ଆଜିର ମ୍ୟାଚରେ କିଏ ବାଜି ମାରିବ ତାହା ଉପରେ ସମସ୍ତଙ୍କ ନଜର ।