ଭୁବନେଶ୍ବର: ନିର୍ବାଚନ ପୂର୍ବରୁ ବସିବ ଆମ ଆଦମୀ ପାର୍ଟିର ବୈଠକ । ଏଥିପାଇଁ ଭୁବନେଶ୍ବରରେ ପହଞ୍ଚିଛନ୍ତି ଆପ୍ ପ୍ରଭାରୀ । 3 ଦିନିଆ ଓଡ଼ିଶା ଗସ୍ତରେ ଆସିଛନ୍ତି ଦିଲ୍ଲୀ ମନ୍ତ୍ରୀ ତଥା ଆପ୍ ନେତା ସୌରଭ ଭରଦ୍ବାଜ ଏବଂ ରାଜ୍ୟ ପ୍ରଭାରୀ ବିରେନ୍ଦର ସିଂ କାଡିଆନ । ଦଳୀୟ କାର୍ଯ୍ୟକ୍ରମରେ ଯୋଗ ଦେବେ ଏହି ଦୁଇ ନେତା । ଆଜି ଭୁବନେଶ୍ୱର ବିଜୁ ପଟ୍ଟନାୟକ ବିମାନବନ୍ଦରରେ ସୌରଭ ଭରଦ୍ବାଜ ଏବଂ ରାଜ୍ୟ ପ୍ରଭାରୀ ବିରେନ୍ଦର ସିଂ କାଡିଆନ ପହଞ୍ଚିବା ପରେ ବିପୁଳ ଭାବରେ ସ୍ଵାଗତ ଜଣାଇଛନ୍ତି ଆପ କର୍ମକର୍ତ୍ତା । ଆଗାମୀ ନିର୍ବାଚନକୁ ଦୃଷ୍ଟିରେ ରଖି ଆଦମୀ ପାର୍ଟି (ଆପ୍) ମଧ୍ୟ ନିଜର ଦଳକୁ ମଜବୁତ କରିବା ଆରମ୍ଭ କରିଛି ।
ନିର୍ବାଚନ ପୂର୍ବରୁ ରାଜ୍ୟ ପ୍ରଭାରୀ ବିରେନ୍ଦର ସିଂ କାଡିଆନଙ୍କ ତିନି ଦିବସୀୟ ଓଡ଼ିଶା ଗସ୍ତରେ ରହିଛନ୍ତି । ତେବେ ରାଜ୍ୟ ପ୍ରଭାରୀ ବିରେନ୍ଦର ସିଂ କାଡିଆନ କହିଛନ୍ତି , "ଭାରତୀୟ ଜନତା ପାର୍ଟି ଏବଂ ବିଜୁ ଜନତା ଦଳ ଦୁହିଁଙ୍କ ମଧ୍ୟରେ ମେଣ୍ଟ ହେବାକୁ ଯାଉଛି। ଏହି ରାଜ୍ୟ ମଧ୍ୟରେ ଯେଉଁ ରାଜନୈତିକ ବାତାବରଣ ରହିଛି ସେଥିପାଇଁ ବହୁତ୍ କିଛି ବଦଳିବ। ଯେଉଁମାନେ ଦଳକୁ ନେଇ ବିଦ୍ରୋହୀ ରହିଛନ୍ତି ସେମାନଙ୍କ ମନୋଭାବ କିପରି ରହିଛି, ରାଜ୍ୟର ରାଜନୀତି ଉପରେ ଆଲୋଚନା କରାଯିବ । ନିର୍ବାଚନ ପାଖେଇ ଆସୁଥିବାବେଲେ ସେହି ଅନୁସାରେ ବିଜେପି ସମସ୍ତ ଦଳ ସହିତ ମେଣ୍ଟ କରିବା ଆରମ୍ଭ କରୁଛି ।"