ଭୁବନେଶ୍ବର:ନିର୍ବାଚନ ପାଇଁ ଚାଲିଛି ସମସ୍ତ ଦଳର ଜୋରଦାର ପ୍ରସ୍ତୁତି । ଶାସକ ବିଜେଡି ମଧ୍ୟ ଘନ ଘନ ବୈଠକ କରୁଛି । ବୈଠକରେ ସଂସଦୀୟ କ୍ଷେତ୍ରର ସ୍ଥିତି ସମୀକ୍ଷା କରୁଛନ୍ତି ମୁଖ୍ୟମନ୍ତ୍ରୀ ନବୀନ ବୈଠକ । ଆଜି ଯାଜପୁର ସଂସଦୀୟ କ୍ଷେତ୍ରର ସମସ୍ତ ବିଜେଡି ବିଧାୟକଙ୍କ ସହ ଆଲୋଚନା ହୋଇଛି । ଚଳିତ ନିର୍ବାଚନରେ ଦଳ କିପରି ଭଲ ପ୍ରଦର୍ଶନ କରିବ ସେନେଇ ଗୁରୁମନ୍ତ୍ର ଦିଆଯାଇଛି । ଯାଜପୁର ସଂସଦୀୟ କ୍ଷେତ୍ରର ପର୍ଯ୍ୟବେକ୍ଷକ ଦାୟିତ୍ବରେ ରହିଛନ୍ତି ଅଶୋକ ପଣ୍ଡା । ପୂର୍ବ ଅପେକ୍ଷା ଯାଜପୁର ସଂସଦୀୟ କ୍ଷେତ୍ର ଚଳିତ ନିର୍ବାଚନରେ ଅଧିକ ସଫଳତା ହାସଲ କରିବ ବୋଲି ଦମ୍ଭୋକ୍ତି ଦେଖାଇଛନ୍ତି ମନ୍ତ୍ରୀ ଅଶୋକ ପଣ୍ଡା ।
ସେ କହିଛନ୍ତି, "ଗତ ନିର୍ବାଚନରେ ଯାଜପୁର ସଂସଦୀୟ କ୍ଷେତ୍ରରେ ଦଳ ଯେଉଁଭଳି ସଫଳତା ହାସଲ କରିଥିଲା, ଚଳିତ ନିର୍ବାଚନରେ ତା'ଠାରୁ ଅଧିକ ସଫଳତା ହାସଲ କରିବ, ସେହି ରଣନୀତି ନେଇ ଆଲୋଚନା ହୋଇଛି। ଅତୀତରେ ଯାଜପୁର ଉତ୍ତମ ସଫଳତା ହାସଲ କରିଆସିଛି। ଆସନ୍ତା ନିର୍ବାଚନରେ ମଧ୍ୟ ଦଳ କିପରି ଆହୁରି ଭଲ ପ୍ରଦର୍ଶନ କରିବ ସେନେଇ ନିଷ୍ପତ୍ତି ହୋଇଛି।" ମୁଖ୍ୟମନ୍ତ୍ରୀଙ୍କ ନେତୃତ୍ୱରେ ଜିଲ୍ଲା ଅଧିକ ସଫଳତା ହାସଲ କରିବ ବୋଲି କହିଛନ୍ତି ଯାଜପୁର ସଂସଦୀୟ ନିର୍ବାଚନ ମଣ୍ଡଳୀ ପର୍ଯ୍ୟବେକ୍ଷକ।