ଭୁବନେଶ୍ବର: ବିଜେପି ଛାଡି କଂଗ୍ରେସରେ ମିଶିଲେ ଦେବାଶିଷ। କଂଗ୍ରେସ ଦଳରେ ମିଶିବା ପରେ ଦେବାଶିଷ ନାୟକଙ୍କ ପ୍ରତିକ୍ରିୟା ରଖିଛନ୍ତି। ସେ କହିଛନ୍ତି, "ବିଜେପି ଦଳରେ ସଂସ୍କାର ନାହିଁ। ଯେଉଁ ସ୍ଥାନରେ ସଂସ୍କାର ନାହିଁ ସେଠାରେ ରହିବା ଆବଶ୍ୟକତା ନାହିଁ। ବିଜେଡି ଠାରୁ ଅଧିକ ଗଡ଼ବଡ଼ିଆ ଦଳ ହେଉଛି ବିଜେପି। ବିଜେପି ଦଳରେ ଜିତିବା ନେତାଙ୍କୁ ନୁହେଁ, ହାରିବା ନେତାଙ୍କୁ ଟିକଟ ଦିଆଯାଉଛି। ଟିକଟ ଆଶା ନେଇ ମୁଁ କଂଗ୍ରେସ ଦଳରେ ସାମିଲ ହୋଇନାହିଁ। ମୁଁ ଚାହିଁଲେ, "ବରୀରୁ ସ୍ୱାଧୀନ ଭାବରେ ମଧ୍ୟ ଲଢ଼ିପାରିବି। କଂଗ୍ରେସ ଦଳ ମୋତେ ଟିକଟ ଦେବ କି ନାହିଁ ତାହା ଦଳ ଉପରେ ନିର୍ଭର କରେ। ମୋ ଲକ୍ଷ୍ୟ ହେଉଛି ବରୀବାସୀଙ୍କ ସେବା କରିବା ।"
"ମୁଁ ଏବେ ଗୋଟିଏ ଜାତୀୟ ଦଳରେ ସୁରକ୍ଷିତ ଭାବରେ ରହିଛି। ମୋତେ ପ୍ରାର୍ଥୀ କରାନଗଲେ ଦଳ ବରୀ ନିର୍ବାଚନ ମଣ୍ଡଳୀରେ ଯାହାକୁ ପ୍ରାର୍ଥୀ କରିଛି ତାକୁ ସମର୍ଥନ କରିବି ବୋଲି କହିଛନ୍ତି ଦେବାଶିଷ ନାୟକ। ସେ କହିଛନ୍ତି , "ବିଜେପିରେ ଯେଉଁମାନଙ୍କୁ ପ୍ରାର୍ଥୀ କରାଯାଉଛି ସେମାନେ ସବୁ ଦୁର୍ବଳ। ଯାହା ଫଳରେ ସେମାନେ ଜିତିବା ସ୍ଥାନରେ ହାରିବେ। ତେଣୁ ସେହି ଦଳରେ ରହିବା ସନ୍ତୁଷ୍ଟି ଲାଗୁନଥିଲା। ବରୀରୁ ଟିକଟ ନେଇ ଦଳ ନିଷ୍ପତ୍ତି ନେବ। ଯେଉଁ ସ୍ଥାନରେ ସଂସ୍କାର ନାହିଁ ସେଠାରେ ରହିବା ଆବଶ୍ୟକତା ମନେ କଲିନାହିଁ।"