ଭୁବନେଶ୍ୱର:ଆସନ୍ତା ସାଧାରଣ ନିର୍ବାଚନ ଲାଗି ବିଜେଡି ପକ୍ଷରୁ ଗଠନ ହୋଇଛି ଇସ୍ତାହାର କମିଟି । ବିଜେଡି ସଭାପତି ନବୀନ ପଟ୍ଟନାୟକଙ୍କ ଅନୁମୋଦନ କ୍ରମେ ଆଜି (ବୁଧବାର) ପ୍ରକାଶ ପାଇଛି ବିଜେଡିର ଇସ୍ତାହାର କମିଟି । କମିଟିରେ ଅଧ୍ୟକ୍ଷ, ଉପାଧ୍ୟକ୍ଷ, ଏକ୍ସପର୍ଟ ଓ ସଦସ୍ୟଙ୍କ ସଂଖ୍ୟା ୩୮ ରହିଛି । ୩୮ ଜଣିଆ କମିଟିରେ ଅଧ୍ୟକ୍ଷ ଭାବେ ନିଯୁକ୍ତି ହୋଇଛନ୍ତି ଦଳର ବରିଷ୍ଠ ଉପସଭାପତି ତଥା ବ୍ରହ୍ମପୁର ସାଂସଦ ଚନ୍ଦ୍ର ଶେଖର ସାହୁ । କମିଟିରେ ୬ ଜଣ ସହ ଅଧ୍ୟକ୍ଷ, ୩ ଜଣ ଏକ୍ସପର୍ଟ ଅଛନ୍ତି । ସେହିପରି ସବୁ ବର୍ଗଙ୍କୁ ସନ୍ତୁଷ୍ଟ କରି ୨୬ ଜଣ ସଦସ୍ୟଙ୍କୁ କମିଟିରେ ସ୍ଥାନ ମିଳିଛି । ଅମର ପଟ୍ଟନାୟକଙ୍କୁ ଆବାହକ ଦାୟିତ୍ୱ ପ୍ରଦାନ କରାଯାଇଥିବା ବେଳେ ସହ- ଆବାହକ ଦାୟିତ୍ୱରେ ରହିଛନ୍ତି ସସ୍ମିତ ପାତ୍ର ।
6 ଜଣିଆ ସହ ଅଧ୍ୟକ୍ଷ ତାଲିକା:
କମିଟିରେ 6 ଜଣ ସହ ଅଧ୍ୟକ୍ଷ ରହିଛନ୍ତି । ବରିଷ୍ଠ ବିଧାୟକ ତଥା ଦଳର ଉପସଭାପତି ଦେବୀ ପ୍ରସାଦ ମିଶ୍ର, ଆଳି ବିଧାୟକ ତଥା ମନ୍ତ୍ରୀ ପ୍ରତାପ କେଶରୀ ଦେବ, ମନ୍ତ୍ରୀ ସୁଦାମ ମାରାଣ୍ଡି, ବରିଷ୍ଠ ନେତା ମଙ୍ଗଳା କିଷାନ, ପୂର୍ବତନ ମନ୍ତ୍ରୀ ତଥା ବିଧାୟକ ପଦ୍ମନାଭ ବେହେରା ଓ ବରିଷ୍ଠ ନେତ୍ରୀ କସ୍ତୁରୀ ମହାପାତ୍ରଙ୍କୁ ଦଳ ସହ ଅଧ୍ୟକ୍ଷ ଦାୟିତ୍ୱ ପ୍ରଦାନ କରିଛି ।
- ଦେବୀ ପ୍ରସାଦ ମିଶ୍ର
- ପ୍ରତାପ ଦେବ
- ସୁଦାମ ମାରାଣ୍ଡି
- ମଙ୍ଗଳା କିଶାନ
- ପଦ୍ମନାଭ ବେହେରା
- କସ୍ତୁରୀ ମହାପାତ୍ର
3 ଏକ୍ସପର୍ଟ ତାଲିକା:
କମିଟିରେ 3 ଜଣ ଏକ୍ସପର୍ଟଙ୍କୁ ଦଳ ସ୍ଥାନ ଦେଇଛି । ଇସ୍ତାହାର ପ୍ରସ୍ତୁତିରେ ସେମାନେ ସହଯୋଗ କରିବେ । ସେମାନେ ହେଉଛନ୍ତି
- ସୁକାନ୍ତ କୁମାର ମହାପାତ୍ର
- ସୋପ୍ନେନ୍ଦୁ ମହାନ୍ତି
- ଅମୀୟ ମିଶ୍ର