ତାଳଚେର:ଏଥର ସାଧାରଣ ନିର୍ବାଚନରେ ଅନୁଗୋଳ ଜିଲ୍ଲାର ଆଠମଲ୍ଲିକ ବିଧାନସଭା ନିର୍ବାଚନ ମଣ୍ଡଳୀରେ ଗୋଟିଏ ପଞ୍ଚାୟତରୁ ଦୁଇ ପୁରୁଖା ନେତା ପ୍ରତିଦ୍ବନ୍ଦିତା କରୁଛନ୍ତି । ତାହା ପୁଣି ଦୁଇ ପ୍ରମୁଖ ରାଜନୈତିକ ଦଳ ବିଜେପି ଓ ବିଜେଡିରୁ । ବିଜେଡିରୁ ବରିଷ୍ଠ ନେତା ନଳିନୀ କାନ୍ତ ପ୍ରଧାନ ଓ ବିଜେପିରୁ ପୂର୍ବତନ ମନ୍ତ୍ରୀ ସଞ୍ଜୀବ ସାହୁ ନିର୍ବାଚନ ରଣାଙ୍ଗନରେ ଅବତୀର୍ଣ୍ଣ ହୋଇଛନ୍ତି । ଉଭୟ ଅଙ୍ଗପଡା ପଞ୍ଚାୟତର ଅଟନ୍ତି । ତେଣୁ ସମସ୍ତଙ୍କ ନଜର ଏବେ ସେହି ଦୁଇ ତୁଙ୍ଗ ନେତାଙ୍କ ଉପରେ ।
ବାଜିସାରିଛି ନିର୍ବାଚନ ବିଗୁଲ । ପ୍ରମୁଖ ଦଳଗୁଡିକ ଉଭୟ ଲୋକସଭା ଓ ବିଧାନସଭା ନିମନ୍ତେ ଅଧିକାଂଶ ପ୍ରାର୍ଥୀ ନାଁ ମଧ୍ୟ ଘୋଷଣା କରି ସାରିଛନ୍ତି । ତେବେ ସମ୍ବଲପୁର ସଂସଦୀୟ କ୍ଷେତ୍ର ଅଧୀନରେ ରହିଛି ଆଠମଲ୍ଲିକ ବିଧାନସଭା ନିର୍ବାଚନ ମଣ୍ଡଳୀ । ଯେହେତୁ ଏଥର ସମ୍ବଲପୁର ଲୋକସଭାରେ ଦୁଇ ହେବିୱେଟ ନେତା ପ୍ରଣବ ପ୍ରକାଶ ଦାସ ଏବଂ ଧର୍ମେନ୍ଦ୍ର ପ୍ରଧାନ ପରସ୍ପର ମୁହାଁମୁହିଁ ହେଉଛନ୍ତି ତେଣୁ ସାରା ରାଜ୍ୟର ନଜର ସେହି ଲୋକସଭା ଉପରେ ରହିଛି । ଅନ୍ୟପଟେ ଆଠମଲ୍ଲିକ ବିଧାନସଭା ନିର୍ବାଚନ ମଣ୍ଡଳୀରେ ବିଜେଡିରୁ ବିଧାୟକ ପ୍ରାର୍ଥୀ ଭାବେ ଲଢ଼ୁଛନ୍ତି ବରିଷ୍ଠ ନେତା ନଳିନୀକାନ୍ତ ପ୍ରଧାନ । ୨୦୧୯ରେ ଲୋକସଭା ନିର୍ବାଚନରେ ସମ୍ବଲପୁର ସଂସଦୀୟ କ୍ଷେତ୍ରରୁ ଲଢିଥିବା ବେଳେ ମାତ୍ର ୯୧୬୨ ଖଣ୍ଡ ଭୋଟରେ ବିଜେପିର ନୀତିଶ ଗଙ୍ଗଦେବଙ୍କ ପରାଜିତ ହୋଇଥିଲେ ବିଜେଡିର ନଳିନୀ କାନ୍ତ । କିନ୍ତୁ ରାଜନୀତିରେ ବେଶ ସକ୍ରିୟ ଅଛନ୍ତି ନଳିନୀ । ଆଉ ଚଳିତ ବିଧାନସଭା ନିର୍ବାଚନରେ ସେ ବିଜୟ ହେବେ ବୋଲି ଦୃଢୋକ୍ତି ପ୍ରକାଶ କରିଛନ୍ତି । ତାଙ୍କ ସମର୍ଥକମାନେ ମଧ୍ୟ ସମାନ କଥା ଦୋହରାଇଛନ୍ତି ।
ଏହାମଧ୍ୟ ପଢନ୍ତୁ.. ଆଠମଲ୍ଲିକ ବିଜେଡ଼ିରେ ଫାଟ ! ନଳିନୀଙ୍କ ପରେ ବିଧାୟକଙ୍କ ପାୱାର ଶୋ'