ହାଇଦ୍ରାବାଦ:ବିଶ୍ବରେ ତୈଳ ଚାହିଦା ହ୍ରାସ ପାଇବାର ଆଶଙ୍କା ଦେଖା ଦେଇଛି । ବିଶ୍ବରେ ତୈଳ ଉତ୍ପାଦନ ନେଇ ଥିବା ଚାପ ମଧ୍ୟ ହ୍ରାସ ପାଇବ। IEAର (ଅନ୍ତର୍ଜାତୀୟ ଶକ୍ତି ଏଜେନ୍ସି) ଅନୁସାରେ, ଏଣିକି ବଜାରରେ ତୈଳ ବ୍ୟବସାୟ ନେଇ ନୂଆ ଢାଞ୍ଚା ଦେଖିବାକୁ ମିଳିବ । ନିକଟରେ IEAର ପ୍ରକାଶିତ ବାର୍ଷିକ ରିପୋର୍ଟ 'ଅଏଲ 2024' ଅନୁସାରେ, ତୈଳ ଯୋଗାଣ ସୁରକ୍ଷା, ବିଶୋଧନ, ବାଣିଜ୍ୟ ଏବଂ ପୁଞ୍ଜି ବିନିଯୋଗ ପାଇଁ ସୁଦୂରପ୍ରସାରୀ ପଦକ୍ଷେପ ଆବଶ୍ୟକ । ରିପୋର୍ଟରେ ଦର୍ଶାଯାଇଛି ଯେ, ଅତ୍ୟାଧୁନିକ ନୀତି ଏବଂ ବଜାର ଧାରା ଉପରେ ଆଧାର କରି ଏସିଆର ଦ୍ରୁତ ଅଭିବୃଦ୍ଧିଶୀଳ ଅର୍ଥନୀତି ତଥା ବିମାନ ଚଳାଚଳ ଏବଂ ପେଟ୍ରୋକେମିକାଲ୍ କ୍ଷେତ୍ର ଗୁଡିକର ଚାହିଦା ଆଗାମୀ ବର୍ଷରେ ତୈଳ ବ୍ୟବହାରକୁ ଆଗକୁ ବଢିବାରେ ସହାୟକ ହେବ ।
ଏହାଦ୍ବାରା ବୈଦ୍ୟୁତିକ କାର ବିକ୍ରିରେ ବୃଦ୍ଧି ହୋଇପାରେ । ପାରମ୍ପରିକ ଯାନରେ ଇନ୍ଧନ ଦକ୍ଷତା ବୃଦ୍ଧି ସହ ମଧ୍ୟ ପୂର୍ବରେ ବିଦ୍ୟୁତ ଉତ୍ପାଦନ ପାଇଁ ତୈଳ ବ୍ୟବହାର ହ୍ରାସ ପାଇପାରେ । ଏକ ରିପୋର୍ଟରେ ଆକଳନ କରାଯାଇଛି ଯେ, ଜୈବ ଇନ୍ଧନ ସମେତ ବିଶ୍ବର ତୈଳ ଚାହିଦା 2023 ମସିହାରେ ଦୈନିକ ହାରାହାରି 102 ନିୟୁତ ବ୍ୟାରେଲରୁ ଅଧିକ ହେବ ଏବଂ ଦଶନ୍ଧି ଶେଷ ସୁଦ୍ଧା ଦିନକୁ ପ୍ରାୟ 106 ନିୟୁତ ବ୍ୟାରେଲରେ ପହଞ୍ଚିପାରେ।
ସେହିପରି ଯୁକ୍ତରାଷ୍ଟ୍ର ଆମେରିକା ଏବଂ ଅନ୍ୟାନ୍ୟ ଆମେରିକୀୟ ଉତ୍ପାଦନକାରୀଙ୍କ ନେତୃତ୍ବରେ ବିଶ୍ବର ଉତ୍ପାଦନ କ୍ଷମତା ବୃଦ୍ଧି ପାଇପାରେ । 2030 ମଧ୍ୟରେ ଏହାର ଚାହିଦା ବୃଦ୍ଧି ପାଇବା ନେଇ ଆକଳନ କରାଯାଇଛି । ରିପୋର୍ଟରେ ଦର୍ଶାଯାଇଛି ଯେ 2030 ସୁଦ୍ଧା ମୋଟ ଯୋଗାଣ କ୍ଷମତା ଦିନକୁ ପ୍ରାୟ 114 ନିୟୁତ ବ୍ୟାରେଲକୁ ବୃଦ୍ଧି ପାଇବ । ଯାହା ବିଶ୍ବର ଦୈନିକ ଚାହିଦା 8 ନିୟୁତ ବ୍ୟାରେଲ ଠାରୁ ଅଧିକ ଅଟେ ।
ଏହା ବି ପଢନ୍ତୁ...ରାଜନୀତିରେ ସ୍ବାର୍ଥ ହାସଲ ପାଇଁ ସୀମା ଲଙ୍ଘିଲେ ଟ୍ରୁଡୋ, ଭାରତ-କାନାଡା ସମ୍ପର୍କରେ ତିକ୍ତତା