ଏସବୁ ଖାଦ୍ୟ ଖାଉଛନ୍ତି କି ? ବଢାଏ ମୃତ୍ୟୁ ଆଶଙ୍କା, ହୁଏ ମାରାତ୍ମକ ରୋଗ ! - Unhealthy food to avoid

Food that increases your risk of death: କିଛି ଖାଦ୍ୟ ଅଛି ଯାହା ଆପଣଙ୍କ ମୃତ୍ୟୁ ଆଶଙ୍କା ବୃଦ୍ଧି କରେ । ସେସବୁ ଖାଦ୍ୟ ଖାଇଲେ ହୃଦରୋଗ, ଷ୍ଟ୍ରୋକ ଓ ଟାଇପ୍-2 ଡାଇବେଟିସ୍‌ ହେବାର ସମ୍ଭାବନା ଅଧିକ ଥାଏ । ଜାଣନ୍ତୁ କେଉଁ ଖାଦ୍ୟ ଖାଇବେ ? କ'ଣ ନ ଖାଇବେ ?

ହାଇଦ୍ରାବାଦ:ଏକ ନୂଆ ଅଧ୍ୟୟନରୁ ଜଣାପଡିଛି ଯେ, କିଛି ଖାଦ୍ୟ ମଣିଷର ମୃତ୍ୟୁ ଆଶଙ୍କା ବଢାଏ । ଏଥିରେ ହୃଦରୋଗ, ଷ୍ଟ୍ରୋକ ଓ ଟାଇପ୍-2 ଡାଇବେଟିସ୍‌ ହେବାର ସମ୍ଭାବନା ଅଧିକ ଥାଏ । ତେଣୁ ନିଜକୁ ସୁସ୍ଥ ରଖିବାକୁ ହେଲେ କେମିତି ନିଜ ଖାଦ୍ୟ ଅଭ୍ୟାସରେ ପରିବର୍ତ୍ତନ କରିବେ, ସେନେଇ ବିଶେଷଜ୍ଞ ପରାମର୍ଶ ଦେଇଛନ୍ତି । ବିଶେଷଜ୍ଞଙ୍କ ଅନୁସାରେ, ନିଜ ଡାଏଟରେ ଫଳ, ପନିପରିବା, ଶସ୍ୟ, ଚର୍ବି ମୁକ୍ତ ଓ ଲୋ ଫ୍ୟାଟ ଥିବା ଦୁଗ୍ଧଜାତ ପଦାର୍ଥ ସାମିଲ କରନ୍ତୁ । ଏଥିସହ ପତାଳ ମାଂସ ଟୁକୁଡା (lean meats), ଚିକେନ, ମାଛ, ଅଣ୍ଡା ଓ ବାଦାମ ମଧ୍ୟ ଖାଇପାରିବେ ।

Here's how the food you eat increases your risk of death (Getty Image)

NIH ବୈଜ୍ଞାନିକମାନେ କହିଛନ୍ତି, ଭୋଜନ ସହ ଜଡିତ 10ଟି ଉପାଦାନ ହୃଦରୋଗ, ଷ୍ଟ୍ରୋକ ଓ ଟାଇପ-2 ଡାଇବେଟିସ୍‌ ଭଳି ରୋଗ ସୃଷ୍ଟି କରିଥାଏ, ଯାହା ଆପଣଙ୍କୁ ମୃତ୍ୟୁମୁଖରେ ପକାଏ । ଏହାକୁ କାର୍ଡିଓମେଟାବୋଲିକ ରୋଗ (cardiometabolic diseases) କହନ୍ତି । ଏହି ବୈଜ୍ଞାନିକ ଟିମ୍ CDCର ଜାତୀୟ ସ୍ବାସ୍ଥ୍ୟ ଓ ପୋଷଣ ପରୀକ୍ଷା ସର୍ବେକ୍ଷଣ (NHANES) ଓ ଜାତୀୟ ମୃତ୍ୟୁଦର (national mortality) ତଥ୍ୟ ଉପରେ ଆଧାର କରି ଏହି ବିଶ୍ଲେଷଣ କରିଥିଲେ ।

ଏଥିରୁ ବୈଜ୍ଞାନିକମାନେ ଜାଣିବାକୁ ପାଇଥିଲେ ଯେ, ସୋଡିୟମ, ପ୍ରୋସେସଡ ମାଂସ (ସସେଜେସ୍, ହଟ ଡଗ୍, ଚିକେନ ନଗେଟ୍ସ, ମାଂସ ଭିତ୍ତିକ ସସ୍‌ ପ୍ରଭୃତି), ଶର୍କରା ଯୁକ୍ତ ପାନୀୟ ପଦାର୍ଥ (ସୋଡା, ଫ୍ରୁଟ ଡ୍ରିଙ୍କ, ଏନର୍ଜି ଡ୍ରିଙ୍କ, କଫି, ଚା) ଓ ଅନପ୍ରୋସେସଡ ଲାଲ୍ ମାଂସ (ମଟନ, ପୋର୍କ, ଲ୍ୟାମ୍ବ) ଅତ୍ୟଧିକ ଖାଇବା ଦ୍ବାରା ଡାଇବେଟିସ, ଷ୍ଟ୍ରୋକ ଓ ହୃଦରୋଗ ଆଶଙ୍କା ଅଧିକ ଥାଏ ।

Here's how the food you eat increases your risk of death (Getty Image)

ସେହିପରି ବାଦାମ ଓ ମଞ୍ଜି (କଖାରୁ, ସୂର୍ଯ୍ୟମୁଖୀ, ସିସେମ ଇତ୍ୟାଦି), ସିଫୁଡ୍‌ ଓମେଗା-3 ଫ୍ୟାଟ୍ସ, ସବୁଜ ପନିପରିବା, ଫଳ, ପଲିଅନସାଚୁରେଟଡ ଫ୍ୟାଟ (polyunsaturated fats) ଭଳି ଖାଦ୍ୟ ଯଥେଷ୍ଟ ପରିମାଣରେ ଖାଉନଥିବା ଲୋକେ ମଧ୍ୟ ଏହିସବୁ ରୋଗରେ ପୀଡିତ ହୋଇ ମୃତ୍ୟୁମୁଖରେ ପଡିବାର ସମ୍ଭାବନା ଅଧିକ ରହିଛି ।

ବିଶ୍ଲେଷଣ ଅନୁଯାୟୀ, 2012ରେ ଡାଇବେଟିସ୍, ଷ୍ଟ୍ରୋକ ଓ ହୃଦରୋଗରେ ପ୍ରାଣ ହରାଇଥିବା ଲୋକଙ୍କ ମଧ୍ୟରୁ 45 ପ୍ରତିଶତ ଲୋକ ଏସବୁ ଖାଦ୍ୟ ଅଧିକ ଓ କମ୍ ଖାଇଥିଲେ ।

Here's how the food you eat increases your risk of death (Getty Image)

NIHର ହୃଦରୋଗ ଓ ଜନସ୍ବାସ୍ଥ୍ୟ ବିଶେଷଜ୍ଞ ଡ. ଡେଭିଡ୍ ଗୋଫ କହିଛନ୍ତି, '' ଅଧ୍ୟୟନ ଅନୁସାରେ କାର୍ଡିଓମେଟାବୋଲିକ ମୃତ୍ୟୁ ଆମେରିକୀୟ ଖାଦ୍ୟ ଅଭ୍ୟାସ ସହ ଜଡିତ ହୋଇପାରେ ଏବଂ ଏଥିରେ ମୃତ୍ୟୁସଂଖ୍ୟା ଖୁବ୍ ଅଧିକ । ତେବେ ଖାଦ୍ୟପେୟରେ ସୁଧାର ପରେ ସମ୍ପ୍ରତି ଏହି ମୃତ୍ୟୁସଂଖ୍ୟା କେମିତି ହ୍ରାସ ପାଇଛି ତାହା ମଧ୍ୟ ଦର୍ଶାଯାଇଛି ।'' ହୃଦରୋଗ ବିପଦ କମାଇବାକୁ ଆହୁରି ଅନେକ କିଛି କାର୍ଯ୍ୟ କରାଯିବାର ଆବଶ୍ୟକତା ଅଛି । ହେଲେ ଆମେ ସ୍ବାସ୍ଥ୍ୟକର ଖାଦ୍ୟପେୟ ଦ୍ବାରା ନିଜକୁ ସୁସ୍ଥ ଓ ନିରୋଗ ରଖିପାରିବା ବୋଲି ସେ କହିଛନ୍ତି । Ref- https://newsinhealth.nih.gov/2017/05/how-your-eating-habits-affect-your-health

ଏହା ମଧ୍ୟ ପଢନ୍ତୁ:ଭାରତରେ ପଶିଲା ମଙ୍କିପକ୍ସ; ସ୍ବାସ୍ଥ୍ୟ ବିଶେଷଜ୍ଞ କହିଲେ-କାହା ପାଇଁ ଅଧିକ ବିପଦ, ଏଥିରୁ କେମିତି ପାଇବେ ରକ୍ଷା ? - Health Expert On Monkeypox ଏହା ମଧ୍ୟ ପଢନ୍ତୁ:ରୁଟି ତିଆରି ବେଳେ ଜମାରୁ ବି କରନ୍ତୁନି ଏମିତି ଭୁଲ, ହୋଇପାରେ ମାରାତ୍ମକ ରୋଗ - Roti on Direct Flame Not good ଏହା ମଧ୍ୟ ପଢନ୍ତୁ:ବିନା ଔଷଧ ବି ଭଲ ହୋଇଯିବ ସିଆଟିକା ଯନ୍ତ୍ରଣା; ଘରେ ଏମିତି କରନ୍ତୁ ଉପଚାର - Sciatica Pain

Disclaimer- ଏଠାରେ ଦିଆଯାଇଥିବା ସ୍ବାସ୍ଥ୍ୟ ସମ୍ବନ୍ଧୀୟ ସୂଚନା କେବଳ ଆପଣଙ୍କ ଜାଣିବା ପାଇଁ । ଏହା ଉପରେ ବିଚାର କରିବା ପୂର୍ବରୁ ଡାକ୍ତରଙ୍କ ପରାମର୍ଶ ନେବା ଭଲ ।