ହାଇଦ୍ରାବାଦ:ମଧୁମେହର ଲକ୍ଷଣ ଜାଣିବା ପାଇଁ ରକ୍ତ ଶର୍କରା ସ୍ତର (Blood Sugar Level) ଗୁରୁତ୍ୱପୂର୍ଣ୍ଣ । ଶରୀରକୁ ଶକ୍ତି ଯୋଗାଇବା ପାଇଁ ରକ୍ତରେ ସର୍କରା ଆବଶ୍ୟକ, କିନ୍ତୁ ଯଦି ରକ୍ତରେ ସର୍କରା ସ୍ତର ଅତ୍ୟଧିକ (ହାଇପରଗ୍ଲାଇସେମିଆ) କିମ୍ବା ବହୁତ କମ (ହାଇପୋଗ୍ଲାଇସେମିଆ) ଓ ଅନିୟନ୍ତ୍ରୀତ ହୋଇଯାଏ, ତେବେ ଏହା ସ୍ୱାସ୍ଥ୍ୟ ଉପରେ ଗଭିର ପ୍ରଭାବ ପକାଇଥାଏ । ଏପରି ସ୍ଥିତିରେ, ଗ୍ଲୁକୋଜ୍ ସମ୍ବନ୍ଧୀୟ ସ୍ଥିତିର ସଠିକ ପ୍ରାରମ୍ଭିକ ଚିହ୍ନଟ, ପ୍ରତିରୋଧ, ବୟସ ଏବଂ ଜୀବନଶୈଳୀ ଉପରେ ଆଧାରିତ ସାମାନ୍ୟ ରକ୍ତ ଶର୍କରା ଜାଣିବା ଉପରେ ନିର୍ଭର କରେ । ଏହି ଖବରରେ ବୟସ ଅନୁସାରେ ସାଧାରଣ ରକ୍ତ ସର୍କରା ସ୍ତର ଚାର୍ଟ, ବିଭିନ୍ନ ବୟସ ମଧ୍ୟରେ ଏହା କିପରି ପରିବର୍ତ୍ତନ ହୁଏ ଏବଂ ଏହାର କ’ଣ ପ୍ରଭାବ ପଡ଼େ ତାହା ଆଲୋଚନା କରିବୁ । ସ୍ୱାସ୍ଥ୍ୟ ଏବଂ ସୁସ୍ଥତା ପାଇଁ ସୁସ୍ଥ ରକ୍ତ ଶର୍କରା ସ୍ତର କିପରି ନିୟନ୍ତ୍ରଣରେ ରଖିବା ଆସନ୍ତୁ ଜାଣିବା ।
ଆମେରିକୀୟ ଡାଇବେଟିସ୍ ଆସୋସିଏସନ୍ (ADA) ଅନୁସାରେ ରକ୍ତରେ ସର୍କରା ସ୍ତର କେତେ ରହିବା ଆବଶ୍ୟକ ?
ଦୁଇଟି ପରୀକ୍ଷା ଦ୍ବାରା ରକ୍ତ ସର୍କରା ସ୍ତର ମପା ଯାଇଥାଏ । ପ୍ରଥମଟି ହେଉଛି ଫାଷ୍ଟିଂ ବ୍ଲଡ୍ ସୁଗାର (fasting blood sugar ) । ଏହା ଅତି କମରେ 8 ଘଣ୍ଟା ଉପବାସ କିମ୍ବା ଖାଦ୍ୟରୁ ଦୂରେଇ ରହିବା ପରେ ଶରୀରରେ ରକ୍ତ ସୁଗାର ସ୍ତର ମାପିଥାଏ । ଏହି ପରୀକ୍ଷା ଆପଣଙ୍କୁ ଜଣାଇଦେବ ଯେ, ଉପବାସ ସମୟରେ ଆପଣଙ୍କ ଶରୀର କିପରି ଗ୍ଲୁକୋଜକୁ ଭାଙ୍ଗିଥାଏ ।
- ଦ୍ୱିତୀୟଟି ହେଉଛି ଅନିୟମିତ ରକ୍ତ ସର୍କରା (Random Blood Sugar )। ଏହା ଦ୍ବାରା ଯେକୌଣସି ସମୟରେ ଗ୍ଲୁକୋଜ୍ ସ୍ତର ଏହା ମାପିଥାଏ, ଶେଷ ଥର କେତେବେ ବେଳେ ବି ଖାଇଥିଲେ ତାହା ଗୁରୁତ୍ୱପୂର୍ଣ୍ଣ ନୁହେଁ । ଏହା ହାଇପରଗ୍ଲାଇସେମିଆ କିମ୍ବା ହାଇପୋଗ୍ଲାଇସେମିଆର ଲକ୍ଷଣ ଚିହ୍ନଟ କରିବା ପାଇଁ ବ୍ୟବହୃତ ହୁଏ, କାରଣ ଏହା ଦ୍ବାରା ଜଣାପଡେଯେ, ଆପଣଙ୍କ ଶରୀର ଯେକୌଣସି ସମୟରେ ଗ୍ଲୁକୋଜ୍ ସହିତ କିପରି କାର୍ଯ୍ୟ କରେ ।
- ଏହି ଦୁଇ ପରୀକ୍ଷା ଆପଣଙ୍କ ଶରୀର ରକ୍ତ ସର୍କରା ସ୍ତରକୁ କିପରି ପରିଚାଳନା କରୁଛି ସେ ବିଷୟରେ ଅବଗତ କରାଇଥାଏ । ତେଣୁ, ମଧୁମେହ କିମ୍ବା ଅନ୍ୟାନ୍ୟ ମେଟାବୋଲିକ୍ ବ୍ୟାଧିର ଲକ୍ଷଣ ଚିହ୍ନଟ କରିବା ପାଇଁ ଏହି ପରୀକ୍ଷା ବହୁତ ଗୁରୁତ୍ୱପୂର୍ଣ୍ଣ ।
ଏହା ମଧ୍ୟ ପଢନ୍ତୁ-ଏଣିକି ବିନା ନିଡିଲ୍ରେ ହେବ ବ୍ଲଡସୁଗାର ଟେଷ୍ଟ - NO NEEDLES FOR BLOOD SUGAR TEST
ରକ୍ତ ସର୍କରା ସ୍ତର ବ୍ୟକ୍ତିର ବୟସ ଏବଂ ଅବସ୍ଥା ସହିତ ପରିବର୍ତ୍ତନ ହୁଏ । ଏଗୁଡ଼ିକ ଜାଣିବା ଦ୍ଵାରା ଶରୀରରେ ଗ୍ଲୁକୋଜ ଠିକ୍ ସ୍ଥର ମଧ୍ୟରେ ଅଛି କି ନାହିଁ ତାହା ଜାଣିବାର ସାହାଯ୍ୟ କରେ । ବୟସ ଅନୁସାରେ ବର୍ଗୀକରଣ ଆଧାରରେ ନର୍ମାଲ ଉପବାସ ଏବଂ ଅନିୟମିତ ରକ୍ତ ଶର୍କରା ସ୍ତର ବିଷୟରେ ଜାଣିପାରିବେ ...
| ବୟସ | ଫାଷ୍ଟିଂ ବ୍ଲଡ ସୁଗାର ସ୍ତର (mg/dL) | ରାଣ୍ଡମ ବ୍ଲଡସୁଗାର ଲେବଲ | ଗୁରୁତ୍ୱପୂର୍ଣ୍ଣ ତଥ୍ୟ |
| ଶିଶୁ (0-3 ବର୍ଷ) | 60-110 | 60-180 | ରକ୍ତ ସର୍କରା ସ୍ତରର ପରିବର୍ତ୍ତନ ହୋଇପାରେ । ଫାଷ୍ଟିଂ ବ୍ଲଡ ସୁଗାର ସାଧାରଣତଃ 60 ରୁ 110 mg/dL ମଧ୍ୟରେ ହ୍ରାସ ପାଏ । ଖାଦ୍ୟ ଖାଇବା ପରେ ରାଣ୍ଡମ ବ୍ଲଡସୁଗାର ଲେବଲ ସାମାନ୍ୟ ଅଧିକ ହୋଇପାରେ । |
| ଶିଶୁ (3-12 ବର୍ଷ) | 70-140 | 70-180 | ଏହାର ସ୍ତର ଶିଶୁମାନଙ୍କ ତୁଳନାରେ ଟିକିଏ ଅଧିକ । ବିଶେଷ କରି ଯଦି ପରିବାରରେ ମଧୁମେହ ରୋଗୀ କେହି ଥାନ୍ତି, ତେବେ ଯାଞ୍ଚ କରିବା ଆବଶ୍ୟକ । |
| କିଶୋର (13-18 ବର୍ଷ) | 70-140 | 70-180 | କିଶୋର ଅବସ୍ଥାରେ ହରମୋନ ପରିବର୍ତ୍ତନ ଗ୍ଲୁକୋଜ୍ ସ୍ତରକୁ ପ୍ରଭାବିତ କରିପାରେ । ବିକାଶ ସମୟରେ ଅସ୍ଥାୟୀ ଇନସୁଲିନ୍ ପ୍ରତିରୋଧ ବିକଶିତ ହୋଇପାରେ । |
| ଆଡଲ୍ଟ (19 ବର୍ଷରୁ ଉର୍ଦ୍ଧ୍ବ) | 70-130 | 70-180 | କିଶୋର ଅବସ୍ଥାରେ ହରମୋନ ପରିବର୍ତ୍ତନ ଗ୍ଲୁକୋଜ୍ ସ୍ତରକୁ ପ୍ରଭାବିତ କରିପାରେ । ବିକାଶ ସମୟରେ ଅସ୍ଥାୟୀ ଇନସୁଲିନ୍ ପ୍ରତିରୋଧ ବିକଶିତ ହୋଇପାରେ। |
ରକ୍ତ ସର୍କରା ସ୍ତରକୁ ପ୍ରଭାବିତ କରୁଥିବା କାରଣଗୁଡ଼ିକ
ଖାଦ୍ୟ ଖାଇବା ବ୍ୟତୀତ ଅନ୍ୟାନ୍ୟ କାରଣ ଯୋଗୁଁ ରକ୍ତ ସର୍କରା ସ୍ତରର ପରିବର୍ତ୍ତନ ହୋଇଥାଏ ।