ହାଇଦ୍ରାବାଦ:ଫ୍ୟାନ୍ସ ଅପେକ୍ଷାର ଅନ୍ତ । ଓଡ଼ିଆ ଫିଲ୍ମ 'ରଙ୍ଗଶୁର' ଖୁବଶୀଘ୍ର ଆସୁଛି । ଫିଲ୍ମ ଘୋଷଣା ଦିନ ଠାରୁ ଏହାର ରିଲିଜକୁ ନେଇ ଫ୍ୟାନ୍ସ ଉତ୍ସାହର ସହ ଅପେକ୍ଷା କରିଛନ୍ତି । ନିକଟରେ ଫିଲ୍ମର ରିଲିଜ ତାରିଖ ଘୋଷଣା କରିଥିଲେ ନିର୍ମାତା । ଫିଲ୍ମ ଆସନ୍ତାବର୍ଷ ମକାର ସଂକ୍ରାନ୍ତି ଅବସରରେ, ଜାନୁଆରୀ 12ରେ ପରଦାକୁ ଆସିବ । ତେବେ ରିଲିଜର ଗୋଟିଏ ମାସ ପୂର୍ବରୁ ଅର୍ଥାତ୍ ଆଜି(ଡିସେମ୍ୱର 12)ରେ ନିର୍ମାତା 'ରଙ୍ଗଶୁର'ର ଟିଜର ରିଲିଜ କରିଛନ୍ତି । ଯାହାକୁ ଦେଖି ଫ୍ୟାନ୍ସଙ୍କ ପିଲ୍ମ ଦେଖିବା ଉତ୍ସାହ ବଢିଯାଇଛି ।
ନୂଆ ଅବତାରରେ ସୂର୍ଯ୍ୟମୟୀ
1 ମିନିଟର ଟିଜରର ଆରମ୍ଭରେ ଏକ ଗାଁରୁ ଆରମ୍ଭ ହୋଇଛି । ଏଥିରେ କିଛି ଓଡ଼ିଶା ଲୋକକଳା ନୃତ୍ୟର ଝଲକ ଦେଖିବାକୁ ମିଳିଛି । ଏହା ପରେ ଫିଲ୍ମର ଷ୍ଟାରକାଷ୍ଚଙ୍କ ଝଲକ ଦେଖିବାକୁ ମିଳିଛି । ଏଥିରେ ସୂର୍ଯ୍ୟମୟୀଙ୍କୁ ନୂଆ ଅବତାରରେ ଦେଖିବାକୁ ମିଳିଛି । ସୂର୍ଯ୍ୟମୟୀ ବାଘ ନାଚ କରୁଥିବାର ନଜର ଆସିଛନ୍ତି । ଏହି ସମୟରେ ଟିଜରର ପୃଷ୍ଠଭୂମିରେ ଚୌଧୁରୀ ଜୟପ୍ରକାଶ ଦାସଙ୍କ ସ୍ୱର ଶୁଣିବାକୁ ମିଳେ । ଯିଏ କୁହନ୍ତି, ବାଘ ନାଚ ଅତି ପ୍ରୀଚୀନ । ଏହି ନୃତ୍ୟ କରିବାକୁ ହେଲେ ସାଧୁତା, ଆବେଗ, ସମର୍ପଣ ଭାଗ ନିହାତି ଦରକାର । ମନେରଖ ଯେତେବେଳେ ବି ଏହି ନୃତ୍ୟ କରିବ ସେତେବେଲଲେ ବ୍ୟାଘ୍ରଦେବୀଙ୍କୁ ସ୍ମରଣ କରି ତାଙ୍କ ପାଖରେ ନିଜକୁ ସମର୍ପଣ କରି ନୃତ୍ୟ କରିବ ତେବେ ଏହି ନୃତ୍ୟର ପରାକଷ୍ଠା ହେବ ।
ଫିଲ୍ମ ଦେଖିବାକୁ ଉତ୍ସାହିତ ଫ୍ୟାନ୍ସ-ସେଲିବ୍ରିଟି
ଏହି ଫିଲ୍ମର ଟିଜର ଦେଖି ଲୋକଙ୍କ ଉତ୍ସାହ ବଢିଯାଇଛି । କେବଳ ଫ୍ୟାନ୍ସ ନୁହେଁ ଅନେକ ସେଲିବ୍ରିଟି ମଧ୍ୟ ଏହାର ପ୍ରଶଂସା କରିଛନ୍ତି । ସୂର୍ଯ୍ୟମୟୀଙ୍କ ଏହି ଅବତାର ଲୋକଙ୍କୁ ପସନ୍ଦ ଆସିଥିବା ବେଳେ ଲୋକେ ପ୍ରତିକ୍ରିୟାରେ ତାଙ୍କର ଖୁବ ପ୍ରଶଂସା କରିଛନ୍ତି । ସେଲିବ୍ରିଟି ସମେତ ଫ୍ୟାନ୍ସ ଫିଲ୍ମ ଟିମକୁ ଶୁଭକାମନା ଜଣାଇବା ସହ ଫିଲ୍ମ ରିଲିଜକୁ ଉତ୍ସାହର ସହ ଅପେକ୍ଷା କରିଥିବା କହିଛନ୍ତି । ଅଭିନେତ୍ରୀ ଭୂମିକା ଦାଶ କହିଛନ୍ତି, ସୂର୍ଯ୍ୟମୟୀ ତୁମେ ସବୁ ଭୂମିକାରେ ଭଲ ଅଭିନୟ କରୁଛ । ବହୁତ ସୁନ୍ଦର ଟିଜର । ତୁମକୁ ଏବଂ ତୁମ ଟିମକୁ ଶୁଭକାମନା । ସେହିପରି ଜଣେ ଫ୍ୟାନ୍ସ ଲେଖିଛନ୍ତି, ତୁଣେ ସବୁ ଫିଲ୍ମରେ ନୂଆ ରୂପରେ ଆସୁଛ । ବହୁତ ସୁନ୍ଦର । ଆଉ ଜଣେ ଲେଖିଛନ୍ତି, ମୋ ପାଖରେ କହିବାକୁ ଶଦ୍ଦ ନାହିଁ । ବହୁତ ସୁନ୍ଦର ।