ହାଇଦ୍ରାବାଦ:ସ୍ୱାଧୀନତା ଦିବସ ଅବସରରେ ପ୍ରେକ୍ଷାଳୟରେ ମୁକ୍ତିଲାଭ କରିଥିବା ଚଳଚ୍ଚିତ୍ର 'ସ୍ତ୍ରୀ 2' ପ୍ରଥମ ଦିନରୁ ବକ୍ସ ଅଫିସରେ ଦୂଆଁଧାର କଲେକ୍ସନ କରୁଛି । ଏହି ଚଳଚ୍ଚିତ୍ର 9 ଦିନ ମଧ୍ୟରେ ଭାରତରେ ମଧ୍ୟ ଫିଲ୍ମ 300 କୋଟି କ୍ଲବରେ ସାମିଲ ହୋଇଥିବା ବେଳେ ଏହି ଫିଲ୍ମ କେବଳ ଦେଶରେ ନୁହେଁ ବିଦେଶରେ ମଧ୍ୟ ହଇଚଇ ସୃଷ୍ଟି କରୁଛି । ସାରା ବିଶ୍ୱରେ 456 କୋଟି ଟଙ୍କା ରୋଜଗାର କରିଛି । ଏହିପରି ଫିଲ୍ମ ଖୁବଶୀଘ୍ର 500କୋଟି କ୍ଲବରେ ସାମିଲ ହେବାକୁ ଯାଉଛି ।
ବକ୍ସ ଅଫିସରେ 'ସ୍ତ୍ରୀ 2'ର ରାଜ୍
'ସ୍ତ୍ରୀ 2' ର ପ୍ରଥମ ସପ୍ତାହ ଶେଷରେ ଏକ ଧମାକା କରିଥିଲା । ଏହି ଚଳଚ୍ଚିତ୍ରଟି ପ୍ରଥମ ସପ୍ତାହ ଶେଷରେ ଅର୍ଥାତ୍ 9ମ ଦିନ ମଧ୍ୟରେ ଭାରତୀୟ ବକ୍ସ ଅଫିସରେ 300 କୋଟି ପାର୍ କରି ସଫଳତା ହାସଲ କରିଛି । ତେବେ 10ମ ଦିନରେ ଫିଲ୍ମ ବକ୍ସ ଅଫିସରେ ଜଲୱା ଜାରି ରଖିଛି । ସାକନିକଙ୍କ ରିପୋର୍ଟ ଅନୁସାରେ, ଏହି ଫିଲ୍ମ 10ମ ଦିନରେ ପ୍ରାୟ 33 କୋଟି ଆୟ କରିଛି। ତେବେ ପିଲ୍ମର ମୋଟ ଆୟ 342.15 କୋଟିକୁ ବୃଦ୍ଧି ପାଇଛି ।
'ସ୍ତ୍ରୀ 2' ବକ୍ସ ଅଫିସ କଲେକ୍ସନ :-
- ପ୍ରଥମ ଦିନ - 60.3କୋଟି ଟଙ୍କା (ପ୍ରିଭ୍ୟୁ)
- ଦ୍ୱିତୀୟ ଦିନ- 31.4 କୋଟି ଟଙ୍କା
- ତୃତୀୟ ଦିନ- 43.85 କୋଟି ଟଙ୍କା
- ଚତୁର୍ଥ ଦିନ - 55.9 କୋଟି ଟଙ୍କା
- ପଞ୍ଚମ ଦିନ - 38.1 କୋଟି ଟଙ୍କା
- ଷଷ୍ଠ ଦିନ - 25.8 କୋଟି ଟଙ୍କା
- ସପ୍ତମ ଦିନ - 19 କୋଟି
- ଅଷ୍ଟମ ଦିନ- 16.8 କୋଟି
- ନବମ ଦିନ- 17.5 କୋଟି
- ଦଶମ ଦିନ- 33 କୋଟି