ହାଇଦ୍ରାବାଦ: ବରୁଣ ଧୱନ ଅଭିନୀତ 'ବେବି ଜନ' ବର୍ଷର ବହୁ ପ୍ରତୀକ୍ଷିତ ଚଳଚ୍ଚିତ୍ର ଥିଲା । ରିଲିଜ ହେବା ପୂର୍ବରୁ ଏହି ଆକ୍ସନ୍ ପ୍ୟାକ୍ ହୋଇଥିବା ଚଳଚ୍ଚିତ୍ର ବିଷୟରେ ଚର୍ଚ୍ଚା ଜୋର ରହିଥିଲା । ଏହାକୁ ଦୃଷ୍ଟିରେ ରଖି ଏହି ଚଳଚ୍ଚିତ୍ରଟି ବକ୍ସ ଅଫିସରେ ଏକ ବମ୍ପର କଲେକ୍ସନ ସହ ଓପନିଂ କରିବ ବୋଲି ଆଶା କରାଯାଉଥିଲା । ହେଲେ ପ୍ରେକ୍ଷାଳୟକୁ ଆସିବା ପରେ ଫିଲ୍ମ ଭଲ ପ୍ରଦର୍ଶନ କରିବାରେ ବିଫଳ ହୋଇଛି । ଦ୍ୱିତୀୟ ଦିନରେ ମଧ୍ୟ ବରୁଣ ଧୱନଙ୍କ ଅଭିନୀତ ଚଳଚ୍ଚିତ୍ର ଏକ ବଡ଼ ହ୍ରାସର ସମ୍ମୁଖୀନ ହୋଇଛି । ଚଳଚ୍ଚିତ୍ର ରିଲିଜର ଦ୍ୱିତୀୟ ଦିନରେ କେତେ ଆୟ କରିଛି? ଜାଣନ୍ତୁ,
'ବେବି ଜନ' କଲେକ୍ସନ
ଖ୍ରୀଷ୍ଟମାସ ଅବସରରେ'ବେବି ଜନ୍' ମୁକ୍ତିଲାଭ କରିଥିବା ବେଳେ ଦର୍ଶକଙ୍କ ମନ ଜିତିପାରିନାହିଁ । ଫିଲ୍ମ ଓପନିଂ ଭଲ କରିଥିବା ବେଳେ କିନ୍ତୁ ଦ୍ୱିତୀୟ ଦିନରେ ଏହାର ବ୍ୟବସାୟରେ ବହୁତ ହ୍ରାସ ଘଟିଛି ।|ଖ୍ରୀଷ୍ଟମାସ ଛୁଟିଦିନର 'ବେବି ଜନ୍' ଭାରତରେ 11.25 କୋଟି ଟଙ୍କା ରୋଜଗାର ସହ ଓପନିଂ କରିଥିବା ବେଳେ ଏବେ ଫିଲ୍ମ ରିଲିଜ ହେବାର ଦ୍ୱିତୀୟ ଦିନର ରୋଜଗାରର ପ୍ରାରମ୍ଭିକ ଆକଳନ ମଧ୍ୟ ଆସିଛି । ସାକନିକଙ୍କ ରିପୋର୍ଟ ଅନୁଯାୟୀ, ଦ୍ୱିତୀୟ ଦିନ ଅର୍ଥାତ୍ ଗୁରୁବାର ଦିନ 'ବେବି ଜନ୍' ମାତ୍ର 4.5 କୋଟି ଟଙ୍କା କଲେକ୍ସନ କରିଛି । ଏହା ସହିତ ଦୁଇ ଦିନ ମଧ୍ୟରେ 'ବେବି ଜନ'ର ମୋଟ ଆୟ 15.75 କୋଟି ଟଙ୍କା ହୋଇଛି ।
'ବେବି ଜନ' ଉପରେ ଭାରି ପଡିଲା 'ପୁଷ୍ପା ୨' ଏବଂ 'ମୁଫାସା'
ଏହି ସମୟରେ, ଅଲ୍ଲୁ ଅର୍ଜୁନଙ୍କ ବ୍ଲକବଷ୍ଟର 'ପୁଷ୍ପା 2' ଏବଂ 'ମୁଫାସା' ସହ କଡ଼ା ପ୍ରତିଯୋଗିତାର ସମ୍ମୁଖୀନ ହୋଇଛି । ଫଳରେ 'ବେବି ଜନ' ଉପରେ ଭାରି ପଡିଛି 'ପୁଷ୍ପା ୨' ଏବଂ 'ମୁଫାସା' । 22 ଦିନ ପୁରୁଣା ରିଲିଜ ପୁଷ୍ପା 2 ସର୍ବଶେଷ ରିଲିଜ 'ବେବି ଜନ'କୁ ପଛରେ ପକାଇଛି । ଚତୁର୍ଥ ଗୁରୁବାରରେ ପୁଷ୍ପା ୨ ଭାରତୀୟ ବକ୍ସ ଅଫିସରେ 9.6 କୋଟି ଟଙ୍କା ଆୟ କରି ନିଜର ଶୀର୍ଷ ସ୍ଥାନ ବଜାୟ ରଖିଛି। ଏହି ଚଳଚ୍ଚିତ୍ରଟି ଲାଇଭ୍ ଆକ୍ସନ୍ ଡିସ୍ନି ଚଳଚ୍ଚିତ୍ର 'ମୁଫାସା: ଦ ଲାୟନ କିଙ୍ଗ' ମଧ୍ୟ ଭଲ ପ୍ରଦର୍ଶନ କରୁଛି ।
ଏହା ମଧ୍ୟ ପଢନ୍ତୁ: ବିବାହ ପରେ ପ୍ରଥମଥର ନଜର ଆସିଲେ କୀର୍ତ୍ତି ସୁରେଶ, ମଙ୍ଗଳସୂତ୍ର ଲୁକ୍ ଦେଖି ଫିଦା ଫ୍ୟାନ୍ସ
'ବେବି ଜନ' ବିଷୟରେ କହିବାକୁ ଗଲେ, କାଲିସଙ୍କ ଦ୍ୱାରା ନିର୍ଦ୍ଦେଶିତ ହିନ୍ଦୀ ଆକ୍ସନ୍ ଫିଲ୍ମରେ ପୋଲିସ୍ ଇନ୍ସପେକ୍ଟର ସତ୍ୟ ବର୍ମା ଏବଂ ଜନ ଡବଲ୍ ଭୂମିକାରେ ଧୱନ ଅଭିନୟ କରିଛନ୍ତି । ଏହି ଚଳଚ୍ଚିତ୍ରଟି ହେଉଛି 2016 ତାମିଲ ଚଳଚ୍ଚିତ୍ର "ଥେରି" ର ହିନ୍ଦୀ ରିମେକ୍ । ତାମିଲ ଚଳଚ୍ଚିତ୍ର ଥେରି ଅଟଲିଙ୍କ ଦ୍ୱାରା ନିର୍ଦ୍ଦେଶିତ ହୋଇଥିଲା ଏବଂ ଏଥିରେ ମୁଖ୍ୟ ଭୂମିକାରେ ଥାଲାପତି ବିଜୟ ଅଭିନୟ କରିଥିଲେ । ବରୁଣଙ୍କ ବ୍ୟତୀତ 'ବେବି ଜନ୍'ରେ ଭାମିକା ଗାବି, କିର୍ତ୍ତୀ ସୁରେଶ ଏବଂ ଜ୍ୟାକି ଶ୍ରଫ ଏହି ଚଳଚ୍ଚିତ୍ରର ମୁଖ୍ୟ ଭୂମିକାରେ ନଜର ଆସିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
