ହାଇଦ୍ରାବାଦ: ମେଲବର୍ଣ୍ଣ ଟେଷ୍ଟରେ ଅଷ୍ଟ୍ରେଲିଆର ଧୂଆଁଧାର ବ୍ୟାଟିଂ । ଭାରତ ଆଗରେ ବିଶାଳ ରନ ଛିଡା କଲା କଙ୍ଗାରୁ ଦଳ । 474 ରନରେ ଘରୋଇ ଦଳର ପ୍ରଥମ ଇନିଂସ ଶେଷ । ଭାରତ ବିପକ୍ଷରେ ଷ୍ଟିଭ୍ ସ୍ମିଥ୍ଙ୍କ ଦମଦାର ଶତକ । ଟେଷ୍ଟ କ୍ୟାରିୟର୍ରେ 34ତମ ଶତକ ହାସଲ କଲେ ସ୍ମିଥ । ବୁମରା 4 ଓ୍ବିକେଟ ନେଇଥିବା ବେଳେ ଆକାଶ ଦୀପ 2 ଓ ଜାଡେଜା 3ଟି ଓ୍ବିକେଟ ନେଇଛନ୍ତି । ଓ୍ବିକେଟ ନେବାରେ ବିଫଳ ହେଲେ ମହମ୍ମଦ ସିରାଜ । 23 ଓଭର ବୋଲିଂ କରି ଦେଲେ 122 ରନ । ଏବେ ଆରମ୍ଭ ହୋଇଯାଇଛି ଭାରତୀୟ ଦଳର ପ୍ରଥମ ଇନିଂସ । 6 ଓଭରରେ 25 ରନ କରି ଗୋଟିଏ ଓ୍ବିକେଟ ହରାଇଛି ଭାରତ ।
ଅଷ୍ଟ୍ରେଲିଆର ପ୍ରଥମ ଇନିଂସ:
5ଟିକିଆ ଟେଷ୍ଟ ସିରିଜର ଚତୁର୍ଥ ମ୍ୟାଚ ଗତକାଲି ସକାଳ ସମୟରେ ମେଲବର୍ଣ୍ଣ ଗ୍ରାଉଣ୍ଡରେ ଆରମ୍ଭ ହୋଇଥିଲା । ଟସ ଜିତି ପ୍ରଥମେ କଙ୍ଗାରୁ ଦଳ ବ୍ୟାଟିଂ ନିଷ୍ପତ୍ତି ନେଇଥିଲା । ଆରମ୍ଭରୁ ଦମଦାର ପାଳି ଆରମ୍ଭ କରିଥିଲେ ସାମ କନଷ୍ଟାସ ଓ ଉସମାନ । 3 ଜଣଙ୍କ ଖେଳାଳି ଅର୍ଦ୍ଧଶତକ ହାସଲ କରିଥିବା ବେଳେ ଜଣେ ଶତକ ହାସଲ କରିଥିଲେ । ମେଲବର୍ଣ୍ଣରେ କାମ ଦେଇନଥିଲା ଭାରତୀୟ ବୋଲରଙ୍କ ଯାଦୁ । ଭାରତୀୟ ବୋଲରଙ୍କ ଗୋଟିଏ ଗୋଟିଏ ବଲକୁ ଲମ୍ବା ଲମ୍ବା ସଟ ମାରିଥିଲେ କଙ୍ଗାରୁ ବ୍ୟାଟର । ସାମ କନଷ୍ଟାସ 60, ଉସମାନ 57, ମରୁନସ 72, ସ୍ମିଥ 140 (ଶତକ), ଆଲେକ୍ସ 31, କମିନ୍ସ 49 କରିଥିଲେ ।
India plot their reply with the bat after dismissing Steve Smith and cleaning up the Australian tail in Melbourne.#AUSvIND live 📲 https://t.co/TrhqL1jI3z#WTC25 pic.twitter.com/A6nr5Hd7yJ
— ICC (@ICC) December 27, 2024
ମେଲବର୍ଣ୍ଣରେ ମନମୋହନଙ୍କୁ ଶ୍ରଦ୍ଧାଞ୍ଜଳି:
Team India wearing black armbands to pay respects to Manmohan Singh. 👏 pic.twitter.com/xiuMvqex3D
— Mufaddal Vohra (@mufaddal_vohra) December 27, 2024
ଭାରତର ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂହଙ୍କ ବିୟୋଗରେ ମେଲବର୍ଣ୍ଣରେ ଭାରତୀୟ ଖେଳାଳି ମାନେ ଶ୍ରଦ୍ଧାଞ୍ଜଳି ଜଣାଇଛନ୍ତି । ଆଜି ସକାଳୁ ମ୍ୟାଚର ଦ୍ବିତୀୟ ଦିନ ଆରମ୍ଭ ହୋଇଥିବା ବେଳେ ସମସ୍ତ ଖେଳାଳି ହାତରେ କଳା ପଟି ବାନ୍ଧି ପଡିଆକୁ ଓହ୍ଲାଇଥିଲେ । ଏହା ମନମୋହନଙ୍କ ପ୍ରତି ଭାରତୀୟ ଦଳର ଶ୍ରଦ୍ଧାଞ୍ଜଳି ।
