ହାଇଦ୍ରାବାଦ: 2 ନଭେମ୍ବରରେ ଶାହାରୁଖ ଖାନ ତାଙ୍କର 59 ତମ ଜନ୍ମଦିନ ପାଳନ କରିବାକୁ ଯାଉଛନ୍ତି । ଏପରି ସମୟରେ ଶାହାରୁଖ ଖାନଙ୍କ ଫ୍ୟାନ୍ସ ସୋସିଆଲ ମିଡିଆରେ ଏବେ ଠୁ ତାଙ୍କ ଜନ୍ମଦିନ ସେଲିବ୍ରେଟ କରିବା ଆରମ୍ଭ କରିଦେଲେଣି । ତାଙ୍କ ଜନ୍ମଦିନ ପୂର୍ବରୁ, ଶାହାରୁଖ ଖାନ ତାଙ୍କ ପୁଅର କମ୍ପାନୀର ଏକ ଇଭେଣ୍ଟ ପାଇଁ ତାଙ୍କ ପରିବାର ସହ ଦୁବାଇର ଏକ ଇଭେଣ୍ଟରେ ସାମିଲ ହୋଇଥିଲେ । ଯାହାର ଭିଡିଓ ସାମ୍ନାକୁ ଆସିଛି ଯେଉଁଥିରେ ସେ ତାଙ୍କ ଶାଶୁଙ୍କ ସହ ନାଚୁଥିବାର ନଜର ଆସିଛନ୍ତି । ଏହି କାର୍ଯ୍ୟକ୍ରମରେ ଶାହାରୁଖ ଖାନ, ଗୌରୀ ଖାନ, ଆର୍ଯ୍ୟନ ଖାନ, ସୁହାନା ଖାନ ଏବଂ ଅଭିନେତାଙ୍କ ଶାଶୁ ସବିତା ଛିବର ମଧ୍ୟ ଯୋଗ ଦେଇଥିଲେ ।
ଶାଶୁଙ୍କ ସହ ନାଚିଲେ ଶାହାରୁଖ
ଦୁବାଇ ଇଭେଣ୍ଟରୁ ଶାହାରୁଖ ଖାନଙ୍କ ଅନେକ ଭିଡିଓ ଭାଇରାଲ ହେବାରେ ଲାଗିଛି । ଏଥିରେ ସେ ପ୍ରଥମେ ଶାହାରୁଖ ଖାନଙ୍କ 'ଝୁମେ ଜୋ ପଠାନ' ଗୀତରେ ଡ୍ୟାନ୍ସ କରୁଥିବା ନଜର ଆସିଛନ୍ତି । ଏହି ସମୟରେ ସେ ନିଜ ସିଗ୍ନେଚର ପୋଜ ମଧ୍ୟ କରି ଫ୍ୟାନ୍ସଙ୍କ ମନ ଜିତିଛନ୍ତି । ଆଉ ଏକ ଭିଡିଓରେ ଶାହାରୁଖ ଖାନ ତାଙ୍କ ଶାଶୁ ସବିତାଙ୍କ ସହ ନାଚୁଥିବାର ନଜର ଆସିଛନ୍ତି । ଶାହାରୁଖ ତାଙ୍କ ଶାଶୁଙ୍କ ହାତ ଧରି ନାଚୁଥିବାର ନଜର ଆସିଛନ୍ତି । ଏଥିସହ ଆଉ ଏକ ଭିଡିଓରେ ସେ ଫ୍ୟାନ୍ସହ୍କୁ ସମ୍ୱୋଧନ କରୁଥିବା ବେଳେ କିଛି ଫ୍ୟାନ୍ସ ଶାହାରୁଖ ଖାନଙ୍କୁ ତାଙ୍କର ଆଗାମୀ 59 ତମ ଜନ୍ମଦିନରେ ଅଭିନନ୍ଦନ ଜଣାଇଥିଲେ । ଯାହାକୁ ସୁନ୍ଦର ଭାବେ ଧନ୍ୟବାଦ ଜଣାଇ କିଙ୍ଗ ଖାନ ଶୁଭେଚ୍ଛା ଗ୍ରହଣ କରିଥିଲେ ।