ହାଇଦ୍ରାବାଦ:ଗଣତନ୍ତ୍ର ଦିବସର ଗୋଟିଏ ଦିନ ପୂର୍ବରୁ ଜାନୁଆରୀ ୨୫ରେ ପଦ୍ମ ପୁରସ୍କାରରେ ସମ୍ମାନିତ ହେବା ନେଇ ୧୩୨ଜଣଙ୍କ ନାମ ଘୋଷଣା କରାଯାଇଥିଲା । ଏହି ତାଲିକାରେ ପଦ୍ମ ବିଭୂଷଣ ପୁରସ୍କାର ପାଇଥିବା ପାଞ୍ଚ ଜଣଙ୍କ ମଧ୍ୟରେ ସାଉଥ ମେଗାଷ୍ଟାର ଚିରଞ୍ଜୀବୀଙ୍କ ନାମ ରହିଛି । ତେବେ ଏହି ସର୍ବୋଚ୍ଚ ସମ୍ମାନ ପାଇଁ ଅଭିନେତାଙ୍କୁ ବର୍ତ୍ତମାନ ଶୁଭେଚ୍ଛାର ସୁଅ ଛୁଟୁଛି । ଏହାରି ମଧ୍ୟରେ ଏବେ ନିର୍ଦ୍ଦେଶକ ଶ୍ରୀକାନ୍ତ ଓଡେଲା ଏବଂ ନିର୍ଦ୍ଦେଶକ ସନ୍ଦୀପ ରେଡ୍ଡୀ ଭଙ୍ଗା ପଦ୍ମ ବିଭୂଷଣ ସମ୍ମାନରେ ଅଭିନନ୍ଦନ ଜଣାଇବା ପାଇଁ ଚିରଞ୍ଜୀବୀଙ୍କୁ ଭେଟିଛନ୍ତି । ତେବେ ଉଭୟଙ୍କ ଫଟୋ ଭାଇରାଲ ପରେ ଦୁହେଁ ଏକାଠି ଫିଲ୍ମ କରିବାକୁ ଡିମାଣ୍ଡ କରିଛନ୍ତି ଫ୍ୟାନ୍ସ ।
ସୋସିଆଲ ମିଡିଆରେ ଭାଇରାଲ ଏକ ଫଟୋରେ ସନ୍ଦୀପ ରେଡ୍ଡୀ ଭଙ୍ଗା ଏବଂ ଶ୍ରୀକାନ୍ତ ଓଡେଲା ତାଙ୍କ ବାସଭବନରେ ଅଭିନେତାଙ୍କ ସହ ବାର୍ତ୍ତାଳାପ କରୁଥିବା ନଜର ଆସିଛନ୍ତି । ଚିରଞ୍ଜୀବୀ ଏକ ଧୂସର ରଙ୍ଗର ଡ୍ରେସରେ ନଜର ଆସିଥିବା ବେଳେ ସନ୍ଦୀପ ରେଡ୍ଡୀ ଭଙ୍ଗା ଏବଂ ଶ୍ରୀକାନ୍ତ ଓଡେଲା ବ୍ଲୁ ରଙ୍ଗରେ ଆଉଟଫିଟରେ ନଜର ଆସିଛନ୍ତି । ଏହି ଫଟୋ ଏବେ ଖୁବ ଭାଇରାଲ ହେଉଛି । ଯାହା ଫଳରେ ଫ୍ୟାନ୍ସ ସନ୍ଦୀପ ରେଡ୍ଡୀ ଭଙ୍ଗା ଏବଂ ଚିରଞ୍ଜୀବୀଙ୍କୁ ଏକାଠି ଫିଲ୍ମରେ କାମ କରିବାକୁ ଡିମାଣ୍ଡ କରିଛନ୍ତି ।