ହାଇଦ୍ରାବାଦ:ସଲମାନ ଖାନ ବଲିଉଡର ସବୁଠାରୁ ସଫଳ ଅଭିନେତାଙ୍କ ମଧ୍ୟରୁ ଜଣେ। ଫ୍ୟାନ୍ସମାନେ ତାଙ୍କୁ ପରଦାରେ ଦେଖିବା ପାଇଁ ଯେତିକି ଉତ୍ସାହିତ ଏବଂ ସେତିକି ତାଙ୍କ ବ୍ୟକ୍ତିଗତ ଜୀବନରେ ମଧ୍ୟ ଜାଣିବାକୁ ଆଗ୍ରହୀ। ସଲମାନ ଖାନଙ୍କ ନାମ ଅନେକ ଅଭିନେତ୍ରୀ ଏବଂ ମଡେଲଙ୍କ ସହ ଯୋଡା ଯାଇଛି କିନ୍ତୁ ସେ ଏପର୍ଯ୍ୟନ୍ତ ବିବାହ କରିନାହାଁନ୍ତି। ଏହି ବିଷୟଟି ସର୍ବଦା ଇଣ୍ଡଷ୍ଟ୍ରି ଏବଂ ପ୍ରଶଂସକଙ୍କ ମଧ୍ୟରେ ଶିରୋନାମାରେ ରହିଥାଏ। ସଲମାନ ଖାନ 59 ବର୍ଷ ହୋଇଥିଲେ ହେଁ କେବେ ବିବାହ କରିବେ ସେ ବିଷୟରେ ଫ୍ୟାନ୍ସ ଦ୍ୱନ୍ଦ୍ୱରେ ରହିଛନ୍ତି। ଏବେ ତାଙ୍କ ବାପା ସଲିମ ଖାନ ତାହ୍କ ବିବାହ ନ କରିବା ପଛର କାରଣ କହିଛନ୍ତି। ଜାଣନ୍ତୁ,
ସଲମାନ ଖାନ କାହିଁକି ବିବାହ କରିନାହାନ୍ତି ?
ସଲମାନ ଖାନ ତାଙ୍କ ବାପାଙ୍କୁ ବହୁତ ଭଲ ପାଆନ୍ତି। ତାଙ୍କ ବାପା ପ୍ରାୟତଃ ତାଙ୍କ ପୁଅର ଜୀବନ ସହିତ ଜଡିତ କାହାଣୀ ସେୟାର କରିଥାନ୍ତି । ଏହି ସମ୍ପର୍କିତ ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି ଯେଉଁଥିରେ ସଲିମ ଖାନ କହୁଛନ୍ତି ଯେ ସଲମାନ ଆଜି ପର୍ଯ୍ୟନ୍ତ କାହିଁକି ଅବିବାହିତ । ଏକ ସାକ୍ଷାତକାରରେ ସଲିମ ଖାନ କହିଛନ୍ତି, 'ମୁଁ ଜାଣିନାହିଁ ସଲମାନ କିପରି। ସଲମାନ ବିବାହ ନ କରିବାର ଗୋଟିଏ କାରଣ ହେଉଛି ତାଙ୍କର ଚିନ୍ତାଧାରା ଟିକେ ଭିନ୍ନ। ସେ ବିବାହ ନକରିବାର ଏହା ଏକ କାରଣ ।'
'ଗାର୍ଲଫ୍ରେଣ୍ଡ ଭିତରେ ମାଆଙ୍କୁ ଖୋଜନ୍ତି'
ଏହା ପରେ ସେ କହିଛନ୍ତି ଯେ ଯେତେବେଳେ ସଲମାନ କୌଣସି ଅଭିନେତ୍ରୀଙ୍କ ସହ ସମ୍ପର୍କରେ ଆସନ୍ତି, ସେ ସେହି ମହିଳାଙ୍କଠାରେ ତାଙ୍କ ମାଆଙ୍କ ଗୁଣ ଖୋଜିବା ଆରମ୍ଭ କରନ୍ତି। ସଲିମ ଖାନ କହିଛନ୍ତି ଯେ ସଲମାନଙ୍କ ଦ୍ୱାରା ଏହା ଆସା କରିବା ଭୁଲ ଯେ ଜଣେ କ୍ୟାରିଅର-ପ୍ରେରିତ ମହିଳା ତାଙ୍କ ଇଚ୍ଛାକୁ ପରିତ୍ୟାଗ କରି କେବଳ ଘର କାମରେ ଧ୍ୟାନ ଦେବେ । ଯେତେବେଳେ ଦୁହିଁଙ୍କ ମଧ୍ୟରେ କମିଟମେଣ୍ଟ ହୁଏ, ସେତେବେଳେ ସେ ତାଙ୍କୁ କନଭର୍ଟ କରିବାକୁ ଚେଷ୍ଟା କରନ୍ତି ଏବଂ ତାଙ୍କ ଭିତରେ ତାଙ୍କ ମାଆଙ୍କୁ ଖୋଜନ୍ତି । ଏବେ ତାହା ସମ୍ଭବ ନୁହେଁ। ସଲିମ କହିଛନ୍ତି ଯେ ଜଣେ କ୍ୟାରିଅର ମୁଖୀ ମହିଳା ପିଲାମାନଙ୍କୁ ସ୍କୁଲ ନେବା ଏବଂ ଘର କାମ କରିବା ଭଳି କାର୍ଯ୍ୟକଳାପ କରିପାରିବେ ନାହିଁ। ଏହି କାରଣରୁ ସେ ବିବାହ ଯାଏଁ ପହଞ୍ଚିପାରନ୍ତି ନାହିଁ ।'
ଏହା ମଧ୍ୟ ପଢନ୍ତୁ:'ସିକନ୍ଦର'ରୁ ଭାଇଜାନଙ୍କ ପ୍ରଥମ ଲୁକ୍ ଆଉଟ୍, ବଡ଼ି ଟ୍ରାନ୍ସଫର୍ମେସନ ଦେଖି ଫିଦା ଫ୍ୟାନ୍ସ
ସଲମାନ ଖାନଙ୍କ ୱାର୍କପ୍ରଣ୍ଟ ବିଷୟରେ କହିବାକୁ ଗଲେ, ସଲମାନଙ୍କୁ ଫିଲ୍ମ 'ସିକନ୍ଦର'ରେ ଦେଖିବାକୁ ମିଳିବ । ଏହି ଫିଲ୍ମର ନିର୍ଦ୍ଦେଶନା ଦେଉଛନ୍ତି ଆର୍ ମୁରୁଗାଦୋସ । ସଲମାନଙ୍କ ସହ ପ୍ରଥମ ଥର ପାଇଁ କାମ କରିବେ ଏହି ନିର୍ଦ୍ଦେଶକ । ଏଥିସହ ଏହି ଫିଲ୍ମର ନିର୍ମାତା ଅଟନ୍ତି ସାଜିଦ ନାଦିଆଡୱାଲା । ବର୍ତ୍ତମାନ ୧୦ବର୍ଷ ପରେ ସଲମାନ ଖାନ ଏବଂ ସାଜିଦ ନାଦିଆଡୱାଲା ପୁଣିଥରେ ଏକାଠି କାମ କରିବାକୁ ଯାଉଛନ୍ତି । ରମଜାନରେ ଏହି ଫିଲ୍ମ ଘୋଷଣା କରିଥିବା ବେଳେ ଇଦରେ ଏହାର ଟାଇଟଲ ଘୋଷଣା କରିଥିଲେ । ଚଳଚ୍ଚିତ୍ର 'ସିକନ୍ଦର' ଆକ୍ସନ୍ ଏବଂ ରୋମାଞ୍ଚରେ ପରିପୂର୍ଣ୍ଣ ରହିବ । ସଲମାନଙ୍କ ବ୍ୟତୀତ ରଶ୍ମିକା ମନ୍ଦନା, ଶର୍ମାନ ଯୋଶୀ ଏବଂ ପ୍ରତୀକ ବାବରଙ୍କ ପରି ଅଭିନେତାମାନେ ଏହି ସିନେମାରେ ନଜର ଆସିବେ । ଚଳିତ ବର୍ଷ ଇଦରେ ଏହି ଫିଲ୍ମ ରିଲିଜ ହେବ ।
ବ୍ୟୁରୋ ରିପୋର୍ଟ, ଇଟିଭି ଭାରତ
