ହାଇଦ୍ରାବାଦ: ରାମାନନ୍ଦ ସାଗର 'ରାମାୟଣ' ସହ ପୁଣି ଦର୍ଶକଙ୍କୁ ମନ ଜିତିବାକୁ ପ୍ରସ୍ତୁତ ରହିଛନ୍ତି । ଭାରତୀୟ ଟେଲିଭିଜନ ଇତିହାସରେ ନିର୍ମିତ ସମସ୍ତ ପିରିୟଡ ଡ୍ରାମା ମଧ୍ୟରୁ ରମାନନ୍ଦ ସାଗରଙ୍କ 'ରାମାୟଣ'କୁ ଦର୍ଶକମାନେ ଅଧିକ ପସନ୍ଦ କରିଛନ୍ତି । ୧୯୮୭ରେ ରିଲିଜ ହୋଇଥିବା ଏହି ସିରଏଲ ଆଜି ବି ଲୋକଙ୍କ ମନରେ ସ୍ମରଣୀୟ ହୋଇ ରହିଛି । ତେବେ ପୁଣି ଥରେ 'ରାମାୟଣ' ଟେଲିଭିଜନ ପରଦାକୁ ଫେରୁଛି । ଦୂରଦର୍ଶନ ସୋସିଆଲ ମିଡିଆରେ 'ରାମାୟଣ'ର ଦର୍ଶକଙ୍କ ସହ ଏହି ଖୁସି ଖବର ସେୟାର କରିଛନ୍ତି ।
ଦୂରଦର୍ଶନରେ ପ୍ରସାରିତ ହେବ 'ରାମାୟଣ' ଧାରାବାହିକ । ସୋସିଆଲ ମିଡିଆ ଏକ୍ସରେ 'ରାମାୟଣ'ର ପୁନଃ ପ୍ରସାରଣ ଖବରକୁ ସେୟାର କରି ଦୂରଦର୍ଶନ ଲେଖିଛନ୍ତି,' ଧର୍ମ, ପ୍ରେମ ଏବଂ ଉତ୍ସର୍ଗର ଅନନ୍ୟ ଗାଥା । ପୁଣି ଥରେ ସମଗ୍ର ଭାରତର ସବୁଠାରୁ ଲୋକପ୍ରିୟ ଶୋ' 'ରାମାୟଣ' ହେଉଛି । ଖୁବଶୀଘ୍ର ଦୂରଦର୍ଶନରେ ପ୍ରସାରିତ ହେବ ଏହି ଧାରାବାହିକ । ଏହି ପୋଷ୍ଟ ପରେ ଦର୍ଶକଙ୍କ ମଧ୍ୟରେ ଭିନ୍ନ ଉତ୍ସାହ ଦେଖିବାକୁ ମିଳିଛି । ଲୋକେ ସୋସିଆଲ ମିଡିଆରେ ଏହି ପୋଷ୍ଟ ଉପରେ ପ୍ରତିକ୍ରିୟା ଦେଇ ନିଜର ଖୁସି ବ୍ୟକ୍ତ କରୁଛନ୍ତି ।