ହାଇଦ୍ରାବାଦ:ଅଲ୍ଲୁ ଅର୍ଜୁନଙ୍କ ଫିଲ୍ମ 'ପୁଷ୍ପା ୨: ଦ ରୁଲ' ଇତିହାସ ସୃଷ୍ଟି କରିଛି । ଡିସେମ୍ବର 5(ଗୁରୁବାର) ସାରା ବିଶ୍ୱ ପ୍ରେକ୍ଷାଳୟରେ ମୁକ୍ତିଲାଭ କରିଥିବା 'ପୁଷ୍ପା ୨' ଲୋକଙ୍କ ମନ ଜିତିବା ସହ ବକ୍ସ ଅଫିସରେ ଧମାକା କରିଛି । କେବଳ ଏତିକି ନୁହେଁ 'ପୁଷ୍ପା ୨' ପ୍ରଥମ ଦିନରେ ବମ୍ପର କଲେକ୍ସନ ସହ ସମସ୍ତ ଫିଲ୍ମ ରେକର୍ଡକୁ ଭାଙ୍ଗିଛି ଏବଂ ଏହିପରି ଫିଲ୍ମ ଭାରତରେ ତଥା ବିଶ୍ୱ ବକ୍ସ ଅଫିସରେ ସର୍ବ ବୃହତ ଓପନର ଭାରତୀୟ ଚଳଚ୍ଚିତ୍ର ହୋଇପାରିଛି ।
ଓପନିଂ ଦିନ ଏତିକି ଆୟ କଲା 'ପୁଷ୍ପା 2'
'ପୁଷ୍ପା 2' ତେଲୁଗୁ, ହିନ୍ଦୀ, ତାମିଲ, କନ୍ନଡ଼, ମାଲାୟାଲମ ଭାଷାରେ ରିଲିଜ ହୋଇଥିବା ବେଳେ ଫିଲ୍ମ ଦେଖିବାକୁ ପ୍ରଥମ ଦିନରେ ଜମିଥିଲା ଦର୍ଶକଙ୍କ ଭିଡ଼ । ଫିଲ୍ମ ଏହି ଫିଲ୍ମକୁ ଉତ୍ସାହର ସହ ଅପେକ୍ଷା କରିଥିବା ବେଳେ ଫିଲ୍ମ ଦେଖି ମଧ୍ୟ ଦ4ଶକ ଫିଦା ହୋଇଛନ୍ତି । ଅଲ୍ଲୁ ଅର୍ଜୁନ ଏବଂ ନିର୍ଦ୍ଦେଶକଙ୍କୁ ପ୍ରଶଂସାରେ ପୋତି ଫିଲ୍ମକୁ ବ୍ଲକବଷ୍ଟର ଟ୍ୟାଗ ଦେଇଛନ୍ତି । ଫିଲ୍ମର କ୍ରେଜ ଅନୁସାରେ ଫିଲ୍ମ ପ୍ରଥମ ଦିନରେ ଧୂଆଁଧାର କଲେକ୍ସନ ମଧ୍ୟ କରିଛି । ପ୍ରଥମ ଦିନରେ 100 କୋଟି ପାର୍ କରିଛି ଫିଲ୍ମ ।
'ପୁଷ୍ପା 2' ବକ୍ସ ଅଫିସ କେଲକ୍ସନ
ସାକନିକଙ୍କ ରିପୋର୍ଟ ଅନୁଯାୟୀ 'ପୁଷ୍ପା 2' ପ୍ରଥମ ଦିନରେ 175 କୋଟି ଟଙ୍କା କଲେକ୍ସନ କରିଛି। ଏହି ଚଳଚ୍ଚିତ୍ର ପ୍ରଥମ ଦିନରେ 175 କୋଟି ଟଙ୍କା ରୋଜଗାର କରି ଆଜି ପର୍ଯ୍ୟନ୍ତ ଭାରତର ସର୍ବାଧିକ ଆୟ କରିଥିବା ଚଳଚ୍ଚିତ୍ର ହୋଇପାରିଛି। ପ୍ରିମିୟର ସୋରୁ 10.1 କୋଟି ଟଙ୍କା ବ୍ୟବସାୟ କରିଥିଲା ।
ଭାଷା ଅନୁଯାୟୀ 'ପୁଷ୍ପା 2' କଲେକ୍ସନ:
- ପ୍ରିମିୟର ସୋ- 10.1 କୋଟି
- ତେଲୁଗୁ: 85 କୋଟି
- ହିନ୍ଦୀ: 67 କୋଟି
- ତାମିଲ: 7 କୋଟି
- କନ୍ନଡ: 1 କୋଟି
- ମାଲାୟାଲମ୍: 5 କୋଟି
- ମୋଟ କେଲକ୍ସନ: 175.1 କୋଟି