ହାଇଦ୍ରାବାଦ:ପ୍ରେକ୍ଷାଳୟରେ ଚାରି ସପ୍ତାହ ପରେ ମଧ୍ୟ 'ପୁଷ୍ପା ୨: ଦ ରୁଲ' କ୍ରେଜ କମିବାର ନା ନେଉନି । ସୁକୁମାରଙ୍କ ଦ୍ୱାରା ନିର୍ଦ୍ଦେଶିତ ଏବଂ ଅଲ୍ଲୁ ଅର୍ଜୁନ, ରଶ୍ମିକା ମନ୍ଦାନା, ଏବଂ ଫହାଦ୍ ଫସିଲଙ୍କ ଅଭିନୀତ ଏହି ଜନ ଆକ୍ସନ୍ ଫିଲ୍ମ ନୂଆ ବକ୍ସ ଅଫିସ୍ ରେକର୍ଡ ସ୍ଥାପନ କରି ବର୍ଷର ସବୁଠାରୁ ବଡ ବ୍ଲକବଷ୍ଟର ଭାବରେ ସ୍ଥାନ ପାଇଛି। ଚଳଚ୍ଚିତ୍ରଟି ଏହାର ଚତୁର୍ଥ ଶନିବାର (ଦିନ 24) ରେ ମୋଟା ଅଙ୍କର ଆୟ କରି ଭାରତରେ 1150 କୋଟି ପାଖାପାଖି ଆୟ କରିଛି ।
'ପୁଷ୍ପା ୨' ଭାରତରେ କଲେକ୍ସନ
ସାକନିକଙ୍କ ରିପୋର୍ଟ ଅନୁଯାୟୀ, 'ପୁଷ୍ପା ୨' ଚତୁର୍ଥ ଶନିବାର (ଦିନ 24) ରେ 12.5 କୋଟି ଟଙ୍କା ଆୟ କରିଛି । ଏକାଧିକ ଭାଷାରେ ଶକ୍ତିଶାଳୀ ପ୍ରଦର୍ଶନ ସହ ଫିଲ୍ମ ଜୋରଦାର କଲେକ୍ସନ କରୁଛି । ଏହାର ଚତୁର୍ଥ ସପ୍ତାହରେ ମଧ୍ୟ ଚଳଚ୍ଚିତ୍ରଟି ହିନ୍ଦୀରେ ଅତ୍ୟନ୍ତ ଭଲ ପ୍ରଦର୍ଶନ ଜାରି ରଖିଛି, ଯାହା ମୋଟ ରୋଜଗାରରେ ବିଶେଷ ଅବଦାନ ଦେଇଛି । 24 ଦିନରେ 'ପୁଷ୍ପା ୨' ତେଲୁଗୁ ଭାଷାରେ 2.1 କୋଟି ଟଙ୍କା, ହିନ୍ଦୀରେ 10 କୋଟି, ତାମିଲରେ 35 ଲକ୍ଷ, କନ୍ନଡରେ 4 ଲକ୍ଷ ଓ ମାଲାୟାଲମ ଭାଷାରେ 1 ଲକ୍ଷ ଟଙ୍କା ଆୟ କରିଛି । ତେବେ ଫିଲ୍ମର ମୋଟ ଘରୋଇ କଲେକ୍ସନ 1141.35 କୋଟି ଟଙ୍କାକୁ ବୃଦ୍ଧି ପାଇଛି ।