ହାଇଦ୍ରାବାଦ: ବଲିଉଡର ଅନ୍ୟତମ ଶ୍ରେଷ୍ଠ ଅଭିନେତ୍ରୀ କରୀନା କପୁର ଖାନ ଗତକାଲି ଏକ ପୋଷ୍ଟ ସେୟାର କରି ଖୁସିବ୍ୟକ୍ତ କରିଛନ୍ତି ଏବଂ ତାଙ୍କ ପ୍ରଶଂସକମାନଙ୍କୁ ସୂଚନା ଦେଇଛନ୍ତି ଯେ ତାଙ୍କୁ ୟୁନିସେଫ୍ ଇଣ୍ଡିଆର ନ୍ୟାସନାଲ ବ୍ରାଣ୍ଡ ଆମ୍ୱାସଡର କରାଯାଇଛି । ଏହା ପରେ ଅଭିନେତ୍ରୀଙ୍କୁ ଶୁଭେଚ୍ଛାର ସୁଅ ଛୁଟୁଛି । ବର୍ତ୍ତମାନ ଗ୍ଲୋବାଲ୍ ଆଇକନ୍ ପ୍ରିୟଙ୍କା ଚୋପ୍ରା ମଧ୍ୟ ତାଙ୍କୁ ଶୁଭକାମନା ଜଣାଇବା ସହ ପ୍ରଶଂସା କରିଛନ୍ତି ।
ପ୍ରିୟଙ୍କା ତାଙ୍କ ସୋସିଆଲ ମିଡିଆ ହ୍ୟାଣ୍ଡେଲ ଇନଷ୍ଟାଗ୍ରାମର ଷ୍ଟୋରୀରେ କରୀନାଙ୍କ ଏକ ଫଟୋ ସେୟାର କରିଛନ୍ତି । ଏହା ସେୟାର କରି ସେ କ୍ୟାପସନରେ ଲେଖିଛନ୍ତି ଯେ ପରିବାରରେ କରୀନା କପୁର ଖାନଙ୍କୁ ସ୍ୱାଗତ, ତୁମେ ଏହାର ଯୋଗ୍ୟ ଅଟ । ଏହା ପରେ ଏହାକୁ ବେବୋ ନିଜ ସୋସିଆଲ ମିଡିଆରେ ସେୟାର କରି ତାଙ୍କୁ ଧନ୍ୟବାଦ ଜଣାଇଛନ୍ତି । କହିରଖୁଛୁ କି, କରୀନା ଏହି ଅଧିକାର ପାଇ ଭାବବିହ୍ୱଳ ହୋଇଥିଲେ । ସେ କହିଛନ୍ତି, 'ମୁଁ ଅକ୍ଲାନ୍ତ ପରିଶ୍ରମ କରିଛି । ବର୍ତ୍ତମାନ ମୁଁ ସେମାନଙ୍କୁ ନ୍ୟାସନାଲ ବ୍ରାଣ୍ଡ ଆମ୍ୱାସଡର ଭାବରେ ଯୋଗ ଦେଉଛି । ଏହା ସହିତ ଏକ ବଡ଼ ଦାୟିତ୍ୱ । ପ୍ରତ୍ୟେକ ଶିଶୁ ତାଙ୍କର ଅଧିକାର ପାଇବା ଉଚିତ । ଏଣୁ ସମସ୍ତେ କିପରି ନିଜ ମୌଳିକ ଅଧିକାର ପାଇବେ କିପରି ସେ ନେଇ ମୁଁ ନିଶ୍ଚିତ କାର୍ଯ୍ୟ କରିବି ।