ହାଇଦ୍ରାବାଦ:ଆଜି ପବିତ୍ର ଜନ୍ମାଷ୍ଟମୀ । ଏହି ଅବସରରେ ସାଉଥ ସୁପରଷ୍ଟାର ମହେଶ ବାବୁ ନିଜ ଫ୍ୟାନ୍ସଙ୍କୁ ଭେଟି ଦେଇଛନ୍ତି । 'ମୁଫାସା: ଦ ଲାୟନ କିଙ୍ଗ'ର ନିର୍ମାତା ଆଜି 26 ଅଗଷ୍ଟରେ ଫିଲ୍ମର ତେଲୁଗୁ ଟ୍ରେଲର ମୁକ୍ତିଲାଭ କରିଛନ୍ତି । ସାଉଥ ସୁପରଷ୍ଟାର ମହେଶ ବାବୁ ଫିଲ୍ମର ତେଲୁଗୁ ସଂସ୍କରଣରେ ମୁଫାସା ପାଇଁ ସ୍ୱର ଦେଇଥିବା ବେଳେ ଟ୍ରେଲର ଦେଖି ଫିଦା ହୋଇଛନ୍ତି ସୁପରଷ୍ଟାରଙ୍କ ପତ୍ନୀ ଏବଂ ଝିଅ ।
ମୁଫାସା ଟ୍ରେଲର
ଆଜି, ସୋମବାର ମହେଶ ବାବୁ ତାଙ୍କ ଅଫିସିଆଲ ଇନଷ୍ଟାଗ୍ରାମରେ ତେଲୁଗୁ ସଂସ୍କରଣର 'ମୁଫାସା: ଦ ଲାୟନ କିଙ୍ଗ'ର ଟ୍ରେଲରକୁ ସେୟାର କରି କ୍ୟାପସନରେ ଲେଖିଛନ୍ତି,''ଆମେ ଜାଣିଥିବା ଏବଂ ଭଲପାଉଥିବା ଚରିତ୍ରର ଏକ ନୂଆ ଦିଗ । ତେଲୁଗୁରେ ମୁଫାସାଙ୍କ ସ୍ୱର ହେବାକୁ ମୁଁ ବହୁତ ଉତ୍ସାହିତ । କ୍ଲାସିକ୍ସର ଜଣେ ବଡ଼ ପ୍ରଶଂସକ ହୋଇ, ଏହା ମୋ ପାଇଁ ଏକ ବିଶେଷ କଥା । ରାଜାଙ୍କ ଜୟ ହେଉ ।''
ତେବେ ଫିଲ୍ମର ଟ୍ରେଲର ଦେଖି ସୁପରଷ୍ଟାରଙ୍କ ଝିଅ ସୀତାରା ଏବଂ ସ୍ତ୍ରୀ ପ୍ରତିକ୍ରିୟା ଦେଇଛନ୍ତି । ସୀତାରା ନିଜ ଇନଷ୍ଟାଗ୍ରାମ ଷ୍ଟୋରୀରେ 'ମୁଫାସା: ଦ ଲାୟନ କିଙ୍ଗ'ର ତେଲୁଗୁ ଟ୍ରେଲରକୁ ସେୟାର କରି ଲେଖିଛନ୍ତି,' ତୁମକୁ ତେଲୁଗୁରେ ମୁଫାସା ବୋଲି ଶୁଣିବାକୁ ଅପେକ୍ଷା କରିପାରୁ ନାହିଁ '। ସେହିପରି ସ୍ତ୍ରୀ ଲେଖିଛନ୍ତି, ''ଆମ ଘରର ରାଜା ବର୍ତ୍ତମାନ ଜଙ୍ଗଲର ରାଜା । ତେଲୁଗୁରେ ମୁଫାସାଙ୍କ ଜୀବନ ବିଷୟରେ ବର୍ଣ୍ଣନା କରୁଥିବା ଦେଖି ଆମେ ଗର୍ବିତ ।''