ହାଇଦ୍ରାବାଦ: ଦୀର୍ଘ ଦିନର ବ୍ୟବଧାନ ପରେ ସୁପରଷ୍ଟାର ଆମୀର ଖାନଙ୍କ ପୂର୍ବତନ ପତ୍ନୀ କିରଣ ରାଓ ଫିଲ୍ମି ଦୁନିଆକୁ ଫେରିଛନ୍ତି । କିରଣ ରାଓ ତାଙ୍କ ଫିଲ୍ମ 'ଲାପତା ଲେଡିସ'କୁ ନେଇ ଚର୍ଚ୍ଚାରେ ରହିଛନ୍ତି । କିରଣ ଏହି ଫିଲ୍ମର ନିର୍ଦ୍ଦେଶନା ଦେଇଛନ୍ତି । 'ଲାପତା ଲେଡିସ' ଘୋଷଣା ହେବା ଦିନ ଠାରୁ ଫ୍ୟାନ୍ସ ଫିଲ୍ମକୁ ନେଇ ଉତ୍ସାହିତ ଥିବା ବେଳେ ଆଜି ଏହି ଫିଲ୍ମର ଦମଦାର ଟ୍ରେଲର ରିଲିଜ ହୋଇଛି । ମାର୍ଚ୍ଚ ୧ରେ ପରଦାକୁ ଆସିବ ଫିଲ୍ମ ।
ଜିଓ ଷ୍ଟୁଡିଓ ଅଫିସିଆଲ ୟୁଟ୍ୟୁବରେ 'ଲାପତା ଲେଡିସ' ର ଟ୍ରେଲର ରିଲିଜ କରିଛନ୍ତି । ୨.୨୫ ମିନିଟର ଟ୍ରେଲର 'ଲାପତା ଲେଡିଜ'ର ଖୁବ ମଜାଳିଆ ରହିଛି । ଟ୍ରେଲର ବିଷୟରେ କହିବାକୁ ଗଲେ, ଏଥିରେ ଅଭିନେତା ବିବାହ କରିବା ପରେ ନିଜ ସ୍ତ୍ରୀକୁ ଘରକୁ ଆଣିଥାଏ, ହେଲେ ନବବଧୂ ଜଣକ ରାସ୍ତାରେ ବଦଳି ଯାଆନ୍ତି ଏବଂ ଯେତେବେଳେ ଘରର ଦ୍ବାରରେ ନବବଧୂଙ୍କୁ ସ୍ବାଗତ କରାଯାଏ ସେତେବେଳେ ଜଣାପଡେ ଯେ ଅଭିନେତାଙ୍କ ସ୍ତ୍ରୀ ବଦଳିଯାଇଛନ୍ତି । ଏହା ପରେ, ସେ ତାଙ୍କ ପ୍ରକୃତ ପତ୍ନୀଙ୍କୁ ଖୋଜିବା ଆରମ୍ଭ ହୁଏ, ଯାହା ବହୁତ ମଜାଦାର ଅଟେ ।
ଏହି ଚଳଚ୍ଚିତ୍ରରେ ବଲିଉଡ ଲୋକପ୍ରିୟ ତାରକା ରବି କିଶନ, ନିତାଂଶି ଗୋୟଲ, ପ୍ରତୀଭା ସନ୍ତା, ସ୍ପର୍ଶ ଶ୍ରୀବାସ୍ତବ ଏବଂ ଛାୟା କଦମ ମୁଖ୍ୟ ଭୂମିକାରେ ଅଭିନୟ କରିଛନ୍ତି । ଟ୍ରେଲର ଏହି ସମସ୍ତ ତାରକାଙ୍କ ଝଲକ ଦେଖିବାକୁ ମିଳିଛି । ଜିଓ ଷ୍ଟୁଡିଓ ଦ୍ବାରା ନିର୍ମିତ ଏହି ଫିଲ୍ମର ନିର୍ଦ୍ଦେଶନା ଦେଇଛନ୍ତି କିରଣ ରାଓ । ଆମୀର ଖାନ, କିରଣ ରାଓ ଏବଂ ଜ୍ୟୋତି ଦେଶ ପାଣ୍ଡେ ଏହି ଚଳଚ୍ଚିତ୍ର ନିର୍ମାଣ କରିଛନ୍ତି । ଏହି ଚଳଚ୍ଚିତ୍ରରେ ଅନ୍ୟ ଷ୍ଟାର କାଷ୍ଟ ହେଉଛନ୍ତି ଭାସ୍କର ଝା, ଦୁର୍ଗେଶ କୁମାର, ଗୀତା ଅଗ୍ରୱାଲ, ପଙ୍କଜ ଶର୍ମା, ରଚନା ଗୁପ୍ତା, ଅବୀର ଜୈନ, କିର୍ତ୍ତୀ ଜୈନ, ଦାଉଦ ହୁସେନ୍, ସମର୍ଥ ମୋହର, ସତେନ୍ଦ୍ର ସୋନି, ରବି କପାଡିଆ ଏବଂ କିଶୋର ସୋନି। ଏହି ଫିଲ୍ମ ଚଳିତ ବର୍ଷ ମାର୍ଚ୍ଚ ୧ ରେ ରିଲିଜ ହେବ ।
ଏହା ମଧ୍ୟ ପଢନ୍ତୁ:ଅଲଗା ହେଲେ କିରଣ ଆମୀର, ମିମ୍ସରେ ଭର୍ତ୍ତି ସୋସିଆଲ ମିଡିଆ
କହିରଖୁଛୁ କି, ଆମୀର ଖାନ ପ୍ରଥମ ପତ୍ନୀ ରୀନା ଦତ୍ତାଙ୍କୁ ଛାଡପତ୍ର ଦେବା ପରେ କିରଣ ରାଓଙ୍କୁ ଦ୍ବିତୀୟ ବିବାହ କରିଥିଲେ । ୨୦୨୧ରେ ଆମୀର କିରଣଙ୍କୁ ମଧ୍ୟ ଛାଡପତ୍ର ଦେଇଥିଲେ । ତେବେ କିରଣ ରାଓ ଜଣେ ନିର୍ମାତା, ଲେଖକ ଏବଂ ନିର୍ଦ୍ଦେଶକ ଅଟନ୍ତି । ନିର୍ମାତା ଭାବେ ଅନେକ ଫିଲ୍ମ ପ୍ରସ୍ତୁତ କରିଥିବା ବେଳେ 'ଧୋବି ଘାଟ' (୨୦୧୦) ଫିଲ୍ମ ସହ ସେ ନିର୍ଦ୍ଦେଶନାରେ ଡେବ୍ୟୁ କରିଥିଲେ । ବର୍ତ୍ତମାନ 'ଲାପତା ଲେଡିସ' ହେଉଠି ତାଙ୍କ ନିର୍ଦ୍ଦେଶିତ ଦ୍ବିତୀୟ ଫିଲ୍ମ ।
