ହାଇଦ୍ରାବାଦ:ବକ୍ସ ଅଫିସରେ ସୂରିୟା, ବବି ଦେଓଲ, ଦିଶା ପାଟାନୀଙ୍କ ଅଭିନୀତ ଫିଲ୍ମ 'କଙ୍ଗୁୱା' ନିଜ ଜଲୱା ଦେଖାଇପାରୁନି । ଫିଲ୍ମ ନଭେମ୍ୱର 14ରେ ରିଲିଜ ହୋଇଥିବା ବେଳେ ବର୍ତ୍ତମାନ ଏହାର ରିଲିଜର ଏକ ସପ୍ତାହ ବିତିଗଲାଣି । ଓପନିଂ ପରେ ଏହି ଚଳଚ୍ଚିତ୍ର କ୍ରମାଗତ ଭାବରେ ଏକକ ସଂଖ୍ୟାରେ ଆୟ କରୁଛି । 350 କୋଟି ବଜେଟରେ ନିର୍ମିତ ଏହି ଫିଲ୍ମ ଏହାର 50 ପ୍ରତିଶତ ପୁନରୁଦ୍ଧାର କରିବା କଷ୍ଟକର ହୋଇପଡୁଛି, କାରଣ ଦିନ ଯେତିକି ପାଖେଇ ଆସୁଛି ଫିଲ୍ମର କଲେକ୍ସନ୍ ଗ୍ରାଫ୍ ହ୍ରାସ ପାଉଛି । ଜାଣନ୍ତୁ ଫିଲ୍ମ କେତେ ଆୟ କରିଛି ?
'କଙ୍ଗୁୱା' ବକ୍ସ ଅଫିସ କଲେକ୍ସନ
'କଙ୍ଗୁୱା' ରିଲିଜର ଅଷ୍ଟମ ଦିନରେ ପହଞ୍ଚିଛି । ସାକନିକଙ୍କ ରିପୋର୍ଟ ଅନୁଯାୟୀ, ନଭେମ୍ବର 21 (ଦ୍ୱିତୀୟ ଗୁରୁବାର)ରେ ଫିଲ୍ମଟି ପ୍ରାୟ 2 କୋଟି ଟଙ୍କା କଲେକ୍ସନ କରିଛି । ଏପର୍ଯ୍ୟନ୍ତ ଫିଲ୍ମ 100 କୋଟି ମଧ୍ୟ ଆୟ କରିପାରିନାହିଁ । ଫିଲ୍ମ ରିଲିଜର ପ୍ରଥମ ଦିନରେ 24 କୋଟି ଟଙ୍କା ସହ ଓପନିଂ କରିଥିଲା । ଦ୍ୱିତୀୟ ଦିନରେ ଫିଲ୍ମର ଆୟ 9.5 କୋଟି ଟଙ୍କା ଥିଲା । ଏହି ଚଳଚ୍ଚିତ୍ର ତୃତୀୟ ଦିନରେ 9.85 କୋଟି, ଚତୁର୍ଥ ଦିନରେ 10.25 କୋଟି, ପଞ୍ଚମ ଦିନରେ 3.15 କୋଟି ଏବଂ ଷଷ୍ଠ ଦିନରେ 3.25 କୋଟି ଟଙ୍କା ଆୟ କରିଛି । ସେହିପରି 7ମ ଦିନରେ 2.4 କୋଟି ଏବଂ ଅଷ୍ଟମ ଦିନରେ 2 କୋଟି କଲେକ୍ସନ କରିଛି । ତେବେ ଫିଲ୍ମର ମୋଟ କଲେକ୍ସନ 64.40 ହୋଇଛି ।
- ପ୍ରଥମ ଦିନ- 24 କୋଟି
- ଦ୍ୱିତୀୟ ଦିନ- 9.5 କୋଟି
- ତୃତୀୟ ଦିନ- 9.85 କୋଟି
- ଚତୁର୍ଥ ଦିନ- 10.25 କୋଟି
- ପଞ୍ଚମ ଦିନ- 3.15 କୋଟି
- ଷଷ୍ଠ ଦିନ- 3.25 କୋଟି
- ସପ୍ତମ ଦିନ- 2.4କୋଟି
- ଅଷ୍ଟମ ଦିନ- 2 କୋଟି