ହାଇଦ୍ରାବାଦ:ନିକଟରେ ବଲିଉଡ କୁଇନ କଙ୍ଗନା ରାଣାୱତଙ୍କ 'ଏମରଜେନ୍ସି' ସହପରଦାକୁ ଫେରୁଛନ୍ତି । ଅନେକ ବାଦ ବିବାଦ ପରେ ଶେଷରେ ଫିଲ୍ମ ଚଳିତ ମାସରେ ପରଦାକୁ ଆସିବାକୁ ଥିବା ବେଳେ ଫିଲ୍ମଟୁ 2ଟି ଟ୍ରେଲର ରିଲିଜ ହୋଇଛି । ଏଥିରେ କଙ୍ଗନାଙ୍କୁ ପୂର୍ବତନ ପ୍ରଧାନମନ୍ତ୍ରୀ ଇନ୍ଦିରା ଗାନ୍ଧୀଙ୍କ ଭୂମିକାରେ ଦେଖିବାକୁ ମିଳିଥିବା ବେଳେ କଙ୍ଗନା ଏହି ଟ୍ରାନ୍ସଫରମେସନ ଲୁକ ସମସ୍ତଙ୍କ ଦୃଷ୍ଟି ଆକର୍ଷଣ କରିଛି । ବର୍ତ୍ତମାନ କଙ୍ଗନା ଟ୍ରାନ୍ସଫରମେସନ ଲୁକର ଝଲକ ଦେଖାଇଛନ୍ତି । ଯେଉଁଥିରେ ସେ କିପରି ଇନ୍ଦିରା ଗାନ୍ଧୀଙ୍କ ବନିବାର ଟ୍ରାନ୍ସଫରମେସନ ଯାତ୍ରା ଦେଖାଇଛନ୍ତି ।
କଙ୍ଗନା ଏମିତି ବନିଲେ ଇନ୍ଦିରା ଗାନ୍ଧୀ
ଭିଡିଓଟି କଙ୍ଗନାଙ୍କ ସ୍କ୍ରିନ ଟ୍ରାନ୍ସଫରମେସନରୁ ଆରମ୍ଭ ହୋଇଛି ଯେଉଁଥିରେ ସେ ମେକଅପ୍ କଳାକାରଙ୍କୁ ଛୋଟ ବିବରଣୀ ବିଷୟରେ ପଚାରୁଛନ୍ତି । କଙ୍ଗନା ସେହି ଭିଡିଓରେ ତାଙ୍କ କେଶ ଠାରୁ ଆରମ୍ଭ କରି କଥାବାର୍ତ୍ତା ଶୈଳୀ ପର୍ଯ୍ୟନ୍ତ ସବୁକିଛିର ଝଲକ ଦେଖାଇଛନ୍ତି । ଭିଡିଓ ଶେଷରେ କଙ୍ଗନା କହିଛନ୍ତି। 'ଇଣ୍ଡିଆ ଇଜ ଇନ୍ଦିରା ଏବଂ ଇନ୍ଦିରା ଇଜ ଇଣ୍ଡିଆ'। ଏହି ଭିଡିଓ ସେୟାର କରି କଙ୍ଗନା ଲେଖିଛନ୍ତି, 'ଭାରତୀୟ ଇତିହାସର ସବୁଠାରୁ ଶକ୍ତିଶାଳୀ ମହିଳା ଇନ୍ଦିରା ଗାନ୍ଧୀଙ୍କ ପାଇଁ ମୋର ପରିବର୍ତ୍ତନ'। ପ୍ରୋଥେଟିକ୍ସ ଏବଂ ମେକଅପ୍ ପାଇଁ ଏକାଡେମୀ ପୁରସ୍କାର ବିଜେତା ଡେଭିଡ ମଲିନୋଭସ୍କିଙ୍କ ଦ୍ୱାରା କଳାକାରନାମା ସହ ଏହି ସୁନ୍ଦର ପରିବର୍ତ୍ତନକୁ ଦେଖନ୍ତୁ । 17 ଜାନୁୟାରୀ 2025 ରେ ପ୍ରେକ୍ଷାଳୟରେ ଏମରଜେନ୍ସି ମୁକ୍ତିଲାଭ କରିବ ।
ଏମରଜେନ୍ସି ଟ୍ରେଲର