ଦିଲ୍ଲୀରେ ବିଜେପି ବାଜିମାତ : କେଜ୍ରିଓ୍ବାଲ-ସିସୋଦିଆ ଫ୍ଲପ୍, ମୋଦି କହିଲେ 'ଜନଶକ୍ତିର ବିଜୟ'

ଦିଲ୍ଲୀ ଆସନରୁ ବିଜେପି ପ୍ରାର୍ଥୀ ପ୍ରବେଶ ବର୍ମାଙ୍କ ଠାରୁ ହାରିଲେ କେଜ୍ରିଓ୍ବାଲ । ଜଙ୍ଗପୁରା ଆସନରୁ ବିଜେପି ପ୍ରାର୍ଥୀ ତରବିନ୍ଦର ମରାବାହଙ୍କ ଠାରୁ ପରାସ୍ତ ହୋଇଛନ୍ତି ସିସୋଦିଆ ।

ନୂଆଦିଲ୍ଲୀ: ଦିଲ୍ଲୀ ବିଧାନସଭା ନିର୍ବାଚନରେ ଆପ୍‌କୁ ଶକ୍ତ ଝଟକା । ଚୁରମାର ହେଲା ହ୍ୟାଟ୍ରିକ ବିଜୟ ଲକ୍ଷ୍ୟ । ମୋଦି ମ୍ୟାଜିକ ଆଗରେ କାମ ଦେଲାନି ଆପର ରଣନୀତି । ଝଡିଗଲା ଝାଡୁ, ଫୁଟିବ ପଦ୍ମ । ସତା ଗଲା, ଆସନ ବି ଗଲା । ବିଧାନସଭା ନିର୍ବାଚନରେ ଆପ୍‌ ଦଳର ହେଭିୱେଟଙ୍କ କ୍ଷେତ୍ରରେ ସବୁ ଗଣିତ ଭୁଲ ହୋଇ ଯାଇଛି । ନିଶ୍ଚିତ ବିଜୟ ଆସନରେ ପରାଜୟକୁ ସ୍ବୀକାର କରୁଥିବା ଦେଖିବାକୁ ମିଳିଛି । ନିର୍ବାଚନରେ ପରାସ୍ତ ହୋଇଛନ୍ତି ଆପ ମୁଖ୍ୟ ଅରବିନ୍ଦ କେଜ୍ରିଓ୍ବାଲ, ପୂର୍ବତନ ଉପମୁଖ୍ୟମନ୍ତ୍ରୀ ମନୀଷ ସିସୋଦିଆ ଓ ପୂର୍ବତନ ସ୍ବାସ୍ଥ୍ୟ ସତ୍ୟୈନ୍ଦ୍ର ଜୈନ ।

ହାରିଗଲେ କେଜ୍ରିଓ୍ବାଲ:

ଦିଲ୍ଲୀ ଆସନରୁ ପ୍ରଥମ ଥର ପାଇଁ ହାରିଛନ୍ତି କେଜ୍ରିଓ୍ବାଲ । 2013, ରୁ ସେ ଏଠାରେ ବିଜୟୀ ହୋଇ ଆସୁଥିଲେ । କ୍ରମାଗତ 3ଥର ବିଜୟୀ ପରେ ଚତୁର୍ଥ ଥର ମଧ୍ୟ ଆପ ପତାକା ଉଡାଇବାକୁ ରଣନୀତି ପ୍ରସ୍ତୁତ କରିଥିଲେ । କିନ୍ତୁ ଚଳିତ ଥର ସବୁ ପ୍ଲାନ ଫେଲ ହୋଇଛି । ବିଜେପି ପ୍ରାର୍ଥୀ ପ୍ରବେଶ ବର୍ମାଙ୍କ ଠାରୁ 3 ହାଜରରୁ ଉର୍ଦ୍ଧ୍ବ ଭୋଟରେ ହାରିଛନ୍ତି କେଜ୍ରିଓ୍ବାଲ ।

#WATCH | On #DelhiElection2025, AAP national convener and former Delhi CM, Arvind Kejriwal, " we accept the mandate of the people with great humility. i congratulate the bjp for this victory and i hope they will fulfil all the promises for which people have voted them. we have… pic.twitter.com/VZOwLS8OVH

— ANI (@ANI) February 8, 2025

ସିସୋଦିଆ-ସତ୍ୟୈନ୍ଦ୍ର ଜୈନ ପରାସ୍ତ:

ସେହିପରି ଜଙ୍ଗପୁରା ଆସନରୁ ବିଜେପି ପ୍ରାର୍ଥୀ ତରବିନ୍ଦର ମରାବାହଙ୍କଠାରୁ ପରାସ୍ତ ହୋଇଛନ୍ତି ସିସୋଦିଆ । ପୂର୍ବତନ ଉପମୁଖ୍ୟମନ୍ତ୍ରୀ ସିସୋଦିଆ ଆମ ଆଦମୀ ପାର୍ଟିର ନମ୍ବର ଟୁ ନେତା ଥିଲେ । ସେପଟେ ଶାକୁର ବସ୍ତି ଆସନରୁ ବିଜେପି ପ୍ରାର୍ଥୀ କର୍ଣ୍ଣେଲ ସିଂହଙ୍କଠାରୁ ହାରିଛନ୍ତି ଆପ୍ ର ଅନ୍ୟତମ ବଡ଼ ନେତା ସତ୍ୟୈନ୍ଦ୍ର ଜୈନ । ଏହି ତିନି ନେତା ମଦ ଦୁର୍ନାତି ମାମଲାରେ ଗିରଫ ହୋଇ ଜେଲ ଯାଇଥିଲେ । ବେଲ୍‌ରେ ଆସିବା ପରେ ନିର୍ବାଚନ ଲଢ଼ିଥିଲେ ।

#WATCH | On CM's face, BJP candidate from New Delhi assembly seat Parvesh Verma says, " in our party, the legislative party decides (cm's face) and then the party leadership approves it. so the party's decision will be acceptable to everyone.

he further says, "i thank the voters… pic.twitter.com/NZ16jCstOp

— ANI (@ANI) February 8, 2025

ଜିତିଲେ ଆତିଶୀ:

ଗୋ଼ଟିଏ ପଟେ ଦଳର ଟାଣୁଆ ନେତା ହାରୁଥିବା ବେଳେ ଅନ୍ୟ ପଟେ ମୁଖ୍ୟମନ୍ତ୍ରୀ ଆତିଶୀ ମାର୍ଲିନା ନିଜର ସମ୍ମାନ ବଞ୍ଚାଇଛନ୍ତି । କାଲକାଜି ବିଧାନସଭା ଆସନରୁ ବିଜେପିର ରମେଶ ବିଧୁରିଙ୍କୁ ପରାସ୍ତ କରି ସେ ବିଜୟୀ ହୋଇଛନ୍ତି ଆତିଶୀ ।

#WATCH | Outgoing CM and AAP candidate from Kalkaji assembly seat, Atishi greets the people of her constituency after registering her victory against BJP's Ramesh Bidhuri#DelhiElections2025 pic.twitter.com/NTMA13Rm4O

— ANI (@ANI) February 8, 2025

ମୋଦିଙ୍କୁ ଭରସା କଲେ ଦିଲ୍ଲୀବାସୀ:

ଦିଲ୍ଲୀରେ ବମ୍ଫର ବିଜୟ ପଥରେ ବିଜେପି । 27 ବର୍ଷ ପରେ ଦିଲ୍ଲୀରେ ଶାସନ କ୍ଷମତାକୁ ଫେରୁଛି ବିଜେପି ସରକାର । ଏଥର ଆପ୍‌ ନୁହଁ ବିଜେପି ଉପରେ ଭରସା କରିଛନ୍ତି ଜନତା । ମୋଦିଙ୍କୁ ଦିଲ୍‌ ଦେଇଛନ୍ତି ରାଜଧାନୀବାସୀ । ସରକାର ଗଠନ ଖୁସିରେ ଦିଲ୍ଲୀ ଛାତି ଉପରେ ଆରମ୍ଭ ହୋଇଯାଇଛି ବିଜେପିର ସେଲିବ୍ରେସନ ।

#WATCH | Delhi: BJP workers celebrate outside party office as the party is set to form the government in Delhi

As of now, BJP has won 11 seats and is leading on 37 seats. #DelhiElections2025 pic.twitter.com/ziTpIrIHX0

— ANI (@ANI) February 8, 2025

ମାଟି କାମୁଡିଲା ଆପ୍‌, କଂଗ୍ରେସର ଚିହ୍ନ ନାହିଁ :

ସେପଟେ ଆପ୍‌କୁ ନିର୍ବାଚନରେ ଲାଗିଛି ଶକ୍ତ ଝଟକା । ଆମ ଆଦମୀ ପାର୍ଟିର ପୁଣି ଥରେ ସରକାର ଗଠନ ଲକ୍ଷ୍ୟକୁ ଧୂଳିସାତ କରିଛି ବିଜେପି । ଅନ୍ୟପଟେ କଂଗ୍ରେସ ଖାତା ଖୋଲିବାରେ ବିଫଳ ହୋଇଛି । କୌଣସି ଗୋଟିଏ ଆସନରେ ଲିଡ ମଧ୍ୟ କରିବାକୁ ସକ୍ଷମ ହୋଇନାହିଁ ଗ୍ରାଣ୍ଡ ଓଲଡ ପାର୍ଟି ।

On #DelhiElections2025, PM Narendra Modi tweets, " jana shakti is paramount. development wins, good governance triumphs. i bow to my dear sisters and brothers of delhi for this resounding and historic mandate to bjp. we are humbled and honoured to receive these blessings. it is… pic.twitter.com/Oa5WVAfxiK

— ANI (@ANI) February 8, 2025