ହାଇଦ୍ରାବାଦ: ସାଉଥ ଲୋକପ୍ରିୟ ତାରକା ଜୁନିଅର ଏନଟିଆରଙ୍କ କେବଳ ଦେଶରେ ନୁହଁ ବିଦେଶରେ ମଧ୍ୟ ବେଶ ଫ୍ୟାନ ଫୋଲୋର୍ସ ରହିଛନ୍ତି । ନିକଟରେ ଆରଆରଆର ସହ ଧମାକା କରିଥିବା ଅଭିନେତା ଏବେ ବଲିଉଡରେ ନିଜର ଜଲୱା ଦେଖାଇବାକୁ ଯାଉଛନ୍ତି । ସେ ୱାର୍-୨ରେ ବଲିଉଡରେ ଡେବ୍ୟୁ କରିବାକୁ ଯାଉଥିବା ବେଳେ ଫିଲ୍ମ ଏହି ଫିଲ୍ମକୁ ଉତ୍ସାହର ସହ ଅପେକ୍ଷା କରିଛନ୍ତି । ଏହାରି ମଧ୍ୟରେ ଜୁନିଅର ଏନଟିଆରଙ୍କ ଏକ ଭିଡିଓ ଭାଇରାଲ ହେବାରେ ଲାଗିଛି ଯେଉଁଥିରେ ସେ ପାପାରାଜି ଉପରେ ରାଗିଥିବାର ନଜର ଆସିଛନ୍ତି । ଏହି ଭିଡିଓ ସାମ୍ନାକୁ ଆସିବା ପରେ ଫ୍ୟାନ୍ସ ତାଙ୍କୁ ଟ୍ରୋଲ କରୁଛନ୍ତି ।
ସୋସିଆଲ ମିଡିଆରେ ଜଣେ ପାପାରାଜିଙ୍କ ଦ୍ୱାରା ସେୟାର ହୋଇଥିବା ଭିଡିଓରେ ଜୁନିଆର ଏନଟିଆର ଏକ ହୋଟେଲ ଭିତରକୁ ଏଣ୍ଟ୍ରି କରନ୍ତି । ଏହି ସମୟରେ ପାପାରାଜି ତାଙ୍କୁ କ୍ୟାମେରାରେ କଏଦ କରିବାକୁ ଯାଉଥିବା ବେଳେ ଏନଟିଆର ସେହି ପାପରାଜିଙ୍କ ଉପରେ ତାତିଥିବା ନଜର ଆସିଛନ୍ତି । ଏହି ସମୟରେ ସେ ହ୍ୱାଇଟ ଆଉଟଫିଟରେ ନଜର ଆସିଥିବା ବେଳେ ଫୋନରେ କାହାସହ କଥା ହେଉଥିଲେ । ପାପରାଜିଙ୍କ ଉପରେ ଜୋରରେ ପାଟି କରିଥିଲେ । ଏହି ଭିଡିଓ ଏବେ ଭାଇରାଲ ହେଉଛି । ଫଳରେ ସେ ଟ୍ରୋଲର ଶିକାର ହୋଇଛନ୍ତି ।
କେହି କେହି ତାଙ୍କୁ ସମ୍ପୂର୍ଣ୍ଣ ସମର୍ଥନ କରୁଥିବାବେଳେ ଅନ୍ୟମାନେ ତାଙ୍କ ଆଚରଣକୁ ଭୁଲ ବୋଲି କହୁଛନ୍ତି । ଜଣେ ୟୁଜର୍ସ ଲେଖିଛନ୍ତି, ବଲିଉଡ ଏବଂ ଟଲିଉଡ ସମସ୍ତେ ତାଙ୍କୁ ବୟକଟ କରିବା ଉଚିତ । ଅନ୍ୟ ଜଣେ ୟୁଜର୍ସ ଲେଖିଛନ୍ତି ଯେ ଲାଗୁଛି ଯେ ସେ ତାଙ୍କ ସଫଳତାକୁ ହଜମ କରିବାରେ ସକ୍ଷମ ନୁହଁନ୍ତି । ଅନ୍ୟ ଜଣେ ଲେଖିଛନ୍ତି, ଏହା ହେଉଛି ତେଲୁଗୁ ତାରକାଙ୍କ ମନୋଭାବ । ଆଉ କିଛି ୟୁଜର୍ସ ତାଙ୍କ ସପକ୍ଷରେ ବାହାରି କହିଛନ୍ତି, ସେ ଜଣେ ମଣିଷ, ତାଙ୍କୁ ବଞ୍ଚିବାକୁ ଦିଅ ।
ଏହା ମଧ୍ୟ ପଢନ୍ତୁ:'ୱାର ୨' ସେଟରୁ ହ୍ରିତିକ-ଏନଟିଆରଙ୍କ ଫଟୋ ଲିକ୍, ଆକ୍ସନ ଅବତାର ଦେଖି ଉତ୍ସାହିତ ଫ୍ୟାନ୍ସ
ସୂଚନା ଥାଉ କି, ପାପାରାଜିଙ୍କ କିଛି ଏପରି କାମ ପାଇଁ ବେଳେବେଳେ ସେମାନଙ୍କୁ ତାରକା ମାନଙ୍କ କ୍ରୋଧର ଶିକାର ହେବାକୁ ପଡେ । କିଛି ଦିନ ପୂର୍ବେ ନୋରା ଫତେହି ପାପାରାଜିଙ୍କ ଉପରେ ଅସନ୍ତୋଷ ବ୍ୟକ୍ତ କରିଥିଲେ ଏବଂ ସେ କହିଥିଲେ ଯେ ସେମାନେ ତାଙ୍କ ବ୍ୟକ୍ତିଗତ ଅଂଶକୁ ଜୁମ୍ କରୁଛନ୍ତି । ଏହା ପୂର୍ବରୁ ସାହିଦ କପୁର ମଧ୍ୟ ପାପାରାଜିଙ୍କ ଉପରେ ବିରକ୍ତ ପ୍ରକାଶ କରିଥିଲେ । ତେବେ ନୋରା ଏବଂ ସାହିଦଙ୍କ ପରେ ଏବେ ଜୁନିଅର ଏନଟିଆର ପାପାରାଜିଙ୍କ ଉପରେ ବର୍ଷିଛନ୍ତି ।
