ହାଇଦ୍ରାବାଦ:ବଲିଉଡ ସୁପରଷ୍ଟାର ଆମୀର ଖାନଙ୍କ ଭଣଜା ଇମ୍ରାନ ଖାନ ତାଙ୍କର ପ୍ରଥମ ଚଳଚ୍ଚିତ୍ର 'ଜାନେ ତୁ ୟା ଜାନେ' ସହ ଡେବ୍ୟୁ କରିଥିଲେ । ତାଙ୍କର ଡେବ୍ୟୁ ଚଳଚ୍ଚିତ୍ର ଏକ ସୁପରହିଟ୍ ବୋଲି ପ୍ରମାଣିତ ହୋଇଥିଲା । କିନ୍ତୁ ଏହା ପରେ ଇମ୍ରାନ ଖାନଙ୍କ ଯାଦୁ ଲୋକଙ୍କ ଉପରେ କାମ କରିନଥିଲା ଏବଂ ସେ ଇଣ୍ଡଷ୍ଟ୍ରିରୁ ବିରତି ନେଇଥିଲେ । ବର୍ତ୍ତମାନ 9 ବର୍ଷ ପରେ ଇମ୍ରାନ ଖାନ ଅଭିନୟ ଜଗତକୁ ଫେରିବାକୁ ଯାଉଛନ୍ତି । ସେ 'ହାପି ପଟେଲ' ଫିଲ୍ମ ସହ କମବ୍ୟାକ କରୁଛନ୍ତି ।
ଇମ୍ରାନ ଖାନ ହାପି ପଟେଲ ସହ କମବ୍ୟାକ କରିବାକୁ ଯାଉଥିବା ବେଳେ ଏହି ଚଳଚ୍ଚିତ୍ରର ଆମୀର ଖାନଙ୍କ କ୍ୟାମିଓ ରୋଲ ଦେଖିବାକୁ ମିଳିବ । ହାପି ପଟେଲ ଫିଲ୍ମ ବିଷୟରେ କହିବାକୁ ଗଲେ ଏହା କମେଡିରେ ପରିପୂର୍ଣ୍ଣ ଏକ ଫିଲ୍ମ ହେବାକୁ ଯାଉଛି । ଏହି ଚଳଚ୍ଚିତ୍ରଟି ଆମୀର ଖାନଙ୍କ ପ୍ରଡକ୍ସନ୍ ହାଉସ୍ ଅଧୀନରେ ନିର୍ମିତ ହେଉଛି । ଏଥିସହ ଏହି ଫିଲ୍ମର ନିର୍ଦ୍ଦେଶନା ଦେବେ ଭୀର ଦାସ । ଏହି ଫିଲ୍ମ ସହ ଭୀର ନିର୍ଦ୍ଦେଶନାରେ ଡେବ୍ୟୁ କରିବେ । ଅଭିନୟ କ୍ୟାରିଅର ୧୭ ବର୍ଷ ପରେ ସେ ନିର୍ଦ୍ଦେଶନା କ୍ଷେତ୍ରରେ ପାଦ ଥାପିବେ ।