ହାଇଦ୍ରାବାଦ: ଫିଲ୍ମ ଫାଇଟରର ସଫଳତା ପରେ ହ୍ରିତିକ ରୋଶନ ତାଙ୍କର ଆଗାମୀ ଫିଲ୍ମ 'ଓ୍ବାର ୨' ର ସୁଟିଂ ପାଇଁ ବ୍ୟସ୍ତ ଅଛନ୍ତି । 'ଓ୍ବାର'ର ସଫଳତା ପରେ ବର୍ତ୍ତମାନ ଫିଲ୍ମର ଦ୍ୱିତୀୟ ଭାଗକୁ ଅଧିକ ଆକ୍ସନ୍ ଫିଲ୍ମ ନିର୍ମାଣ କରାଯାଉଛି | ଏହି ଫିଲ୍ମରେ ଓସ୍କାର ବିଜେତା ଚଳଚ୍ଚିତ୍ର ଆରଆରଆର ଷ୍ଟାର ଏବଂ ସାଉଥ ସୁପରଷ୍ଟାର ଜୁନିଅର ଏନଟିଆର ନଜର ଆସିବେ। ନିକଟରେ ଫିଲ୍ମର ସୁଟିଂ ଆରମ୍ଭ ହୋଇଥିବା ବେଳେ ସେଟରୁ ଉଭୟ ଷ୍ଟାରଙ୍କର ଫୋଟ ସାମ୍ନାକୁ ଆସିଛି | ବର୍ତ୍ତମାନ ଓ୍ବାର 2 ର ସେଟରୁ ଆଉ ଏକ ଫଟୋ ସାମ୍ନାକୁ ଆସିଛି।
ତେବେ ଏହି ଫଟୋକୁ ଫ୍ରାନ୍ସର ମହାବାଣିଜ୍ୟଦୂତ ଜିନ-ମାର୍କ ସେରେ ଚାର୍ଲେଟ ତାଙ୍କର ଏକ୍ସ ହ୍ୟଣ୍ଡେଲରେ ସେୟାର କରିଛନ୍ତି । ଜିନ ମାର୍କ ହ୍ରିତିକ ରୋଶନଙ୍କ ବହୁତ ବଡ ଫ୍ୟାନ । ତେଣୁ ସେ ଅଭିନେତା ହ୍ରିତକଙ୍କୁ ଦେଖା କରିବାକୁ ମୁମ୍ବାଇରେ ଚାଲିଥିବା ସୁଟିଂ ସେଟକୁ ଯାଇ ତାଙ୍କ ସହ ଫଟୋ ଉଠାଇ ଥିଲେ । ହ୍ରିତିକ ରୋଶନଙ୍କ ସହ ଫଟୋ ସେୟାର କରି ଜିନ ମାର୍କ ଲେଖିଛନ୍ତି ଯେ,' ମୁଁ ହ୍ରିତିକଙ୍କ ବହୁତ ବଡ ଫ୍ୟାନ । ଦ୍ବିତୀୟ ଥର ପାଇଁ ମୁଁ ତାଙ୍କ ସହ ଦେଖା ହୋଇଛି । ଏହା ପୂର୍ବରୁ ମୁଁ ତାଙ୍କୁ ଦେଖା କରିବାକୁ ବିକ୍ରମ ବେଦାଙ୍କ ସେଟକୁ ଯାଇଥିଲି । ମୁଁ ତାଙ୍କର ଆତିଥ୍ୟ ପାଇଁ ଧନ୍ୟବାଦ ଦେଉଛି ଆଉ ତାଙ୍କର ଏହି ପ୍ରୋଜେକ୍ଟ ପାଇଁ ଶୁଭକାମନା ଜଣାଉଛି ।