ହାଇଦ୍ରାବାଦ:ଥାଲାପତି ବିଜୟ ତାମିଲ ଚଳଚ୍ଚିତ୍ର ଇଣ୍ଡଷ୍ଟ୍ରିର ସବୁଠାରୁ ବଡ ତାରକାମାନଙ୍କ ମଧ୍ୟରୁ ଅନ୍ୟତମ, ତାଙ୍କ କ୍ୟାରିଅରରେ ତିନି ଦଶନ୍ଧି ଧରି ସେ ଅନେକ ବ୍ଲକବଷ୍ଟର ହିଟ୍ ଦେଇଛନ୍ତି ଏବଂ ତାଙ୍କର ଚମତ୍କାର ଅଭିନୟ ସହ ଲକ୍ଷ ଲକ୍ଷ ହୃଦୟ ଜିତିଛନ୍ତି । ଥାଲାପତି ବିଜୟଙ୍କ ଭାରତ ସମେତ ବିଶ୍ୱରେ ଅନେକ ଫ୍ୟାନ୍ସ ରହିଛନ୍ତି । ସାଉଥରେ ଅଭିନେତାଙ୍କ ପାଇଁ ଭିନ୍ନ କ୍ରେଜ ରହିଛି । ଏପରି ସମୟରେ ଥାଲାପତିଙ୍କ ଫିଲ୍ମ ରିଲିଜ ହେବା ଫ୍ୟାନ୍ସଙ୍କ ପାଇଁ କୌଣସି ସେଲିବ୍ରେସନ ଠାରୁ କମ ନୁହେଁ ।
ପରଦାକୁ ଆସିଲା GOAT
ଆଜି, ସେପ୍ଟେମ୍ୱର 5 (ଗୁରୁ ଦିବସ) ଅବସରରେ ରିଲିଜ ହୋଇଛି ସୁପରଷ୍ଟାରଙ୍କ ଫିଲ୍ମ 'ଦ ଗ୍ରେଟେଷ୍ଟ ଅଫ୍ ଅଲ୍ ଟାଇମ(ଗୋଟ)' (GOAT) । ଏପରି ସମୟରେ ସାଉଥରେ ଥାଲାପତିଙ୍କ ଫିଲ୍ମ ରିଲିକୁ ନେଇ ଜୋରଦାର ସେଲିବ୍ରେସନର ମାହୋଲ ଦେଖିବାକୁ ମିଳିଛି । ହଲ ସାମ୍ନାରେ ଫ୍ୟାନ୍ସ ଢୋଲ ବଜାଇ, ବାଣ ଫୁଟାଇ ନାଚ ଗୀତରେ ଧୁମଧାମରେ 'GOAT' ଫିଲ୍ମ ରିଲିଜକୁ ପାଳନ କରିଛନ୍ତି । ଯାହାର ଭିଡିଓ ଏବେ ସୋସିଆଲ ମିଡିଆର ଖୁବ ଭାଇରାଲ ହେବାରେ ଲାଗିଛି ।
'GOAT' ରିଲିଜ ସେଲିବ୍ରେସନ
ଆଜି ଭୋଟ ସକାଳ 4ଟାରୁ ସାଉଥରେ 'ଗୋଟ' ଶୋ' ଆରମ୍ଭ ହୋଇଥିବା ବେଳେ ଅଭିନେତାଙ୍କ ଫ୍ୟାନ୍ସଙ୍କ ମଧ୍ୟରେ ଫିଲ୍ମକୁ ନେଇ ଭିନ୍ନ କ୍ରେଜ ଦେଖିବାକୁ ମିଳିଛି । ପ୍ରଥମ ଦିନର ପ୍ରଥମ ଶୋ' ଦେଖିବାକୁ ଥିଏଟରରେ ବେଶ ଭିଡ଼ ପରିଲକ୍ଷିତ ହୋଇଛି । ଏପରି ସମୟରେ ଚେନ୍ନାଇ, ବାଙ୍ଗାଲୋର, କେରଳ, ତେଲେଙ୍ଗାନା ରାଜ୍ୟର ଅନେକ ଥିଏଟର ବାହାରେ ଫ୍ୟାନ୍ସ ଫିଲ୍ମ ରିଲିଜ ସେଲିବ୍ରେସନ କରିଛନ୍ତି । ଚେନ୍ନାଇର ରୋହିନୀ ଥିଏଟର ବାହାରେ ବିଜୟଙ୍କ ବ୍ୟାନରରେ କ୍ଷୀର ଢାଳି ଫିଲ୍ମ ରିଲିଜକୁ ସେଲିବ୍ରେସନ କରିଛନ୍ତି । ସେହିପରି ଅନ୍ୟ ଥିଏଟର ସାମ୍ନାରେ ମଧ୍ୟ ଥାଲାପତିଙ୍କ ଫ୍ୟାନ୍ସ ବାଣ ଫୁଟାଇ ନାଚ ଗୀତରେ ଫିଲ୍ମ ରିଲିଜକୁ ପାଳନ କରୁଥିବା ନଜର ଆସିଛନ୍ତି ।