ହାଇଦ୍ରାବାଦ: 'ପୁଷ୍ପା 2' ବକ୍ସ ଅଫିସରେ ପ୍ରତିଦିନ ଭଲ ରୋଜଗାର କରୁଛି । ଏହି ଚଳଚ୍ଚିତ୍ର ସାରା ବିଶ୍ୱରେ 1800 କୋଟିରୁ ଅଧିକ ଟଙ୍କା ଆୟ କରିଛି । 'ବାହୁବଲୀ 2' ରେକର୍ଡ ଭାଙ୍ଗି ଦ୍ୱିତୀୟ ସର୍ବାଧିକ ଆୟ କରିଥିବା ଫିଲ୍ମ ହୋଇଥିବା ବେଳେ ବର୍ତ୍ତମାନ ଏହା 2000 କୋଟି ଆୟ କରିଥିବା 'ଦଙ୍ଗଲ' ରେକର୍ଡ ଭାଙ୍ଗିବାକୁ ପ୍ରସ୍ତୁତ । ଏହି ସମୟରେ ନିର୍ମାତାମାନେ ଫିଲ୍ମର ରୋଜଗାର ବଜାୟ ରଖିବା ପାଇଁ ଓ ନୂଆ ରେକର୍ଡ ପାଇଁ ଏକ ନୂଆ ରଣନୀତି ପ୍ରସ୍ତୁତ କରିଛନ୍ତି । 'ପୁଷ୍ପା ୨: ଦ ରୁଲ' ଖୁବ୍ ଶୀଘ୍ର ଏହାର ରିଲୋଡ୍ ଭର୍ସନ ସହ ପ୍ରେକ୍ଷାଳୟକୁ ଆସିବ ।
ଏହି ଦିନ ରିଲିଜ 'ପୁଷ୍ପା ୨' ରିଲୋଡ୍ ଭର୍ସନ
'ପୁଷ୍ପା ୨'ର ନିର୍ମାତା ଅଲ୍ଲୁ ଅର୍ଜୁନଙ୍କ ପ୍ରଶଂସକଙ୍କୁ ଏକ ବଡ଼ ଉପହାର ଦେଇଛନ୍ତି। ନିର୍ମାତାମାନେ ଘୋଷଣା କରିଛନ୍ତି ଯେ ଅଲ୍ଲୁ ଅର୍ଜୁନ ଷ୍ଟାରର ଏବଂ ସୁକୁମାରଙ୍କ ନିର୍ଦ୍ଦେଶିତ ଏହି ଚଳଚ୍ଚିତ୍ରରେ 20 ମିନିଟର ବୋନସ ଫୁଟେଜ ଯୋଡାଯିବ। ନିର୍ମାତାମାନେ ପ୍ରକାଶ କରିଛନ୍ତି ଯେ 'ପୁଷ୍ପା ୨'ର ରିଲୋଡ ଭର୍ସନ ଜାନୁଆରୀ 11 ରୁ ପ୍ରେକ୍ଷାଳୟରେ ଦେଖିବାକୁ ମିଳିବ। ଇନଷ୍ଟାଗ୍ରାମରେ ପୋଷ୍ଟ କରି ନିର୍ମାତାମାନେ ଏହି ସୂଚନା ଦେଇଛନ୍ତି।
'ପୁଷ୍ପା ୨' ବିଶ୍ୱବ୍ୟାପୀ କଲେକ୍ସନ
'ପୁଷ୍ପା ୨' 5 ଡିସେମ୍ବର 2024 ରେ ପରଦାରେ ଆସିଥିଲା । ଫିଲ୍ମ ରିଲିଜ ହେବାର ଏକ ମାସରୁ ଅଧିକ ସମୟ ବିତିଛି ଏବଂ ଏହା ପ୍ରତିଦିନ କୋଟି କୋଟି ଟଙ୍କା ରୋଜଗାର କରୁଛି । ଏହି ଚଳଚ୍ଚିତ୍ର ସାରା ବିଶ୍ୱରେ 1831 କୋଟିରୁ ଅଧିକ ବ୍ୟବସାୟ କରିଛି ଏବଂ ବିଶ୍ୱରେ ଦ୍ୱିତୀୟ ସର୍ବାଧିକ ଆୟ କରିଥିବା ଭାରତୀୟ ଚଳଚ୍ଚିତ୍ର ହୋଇପାରିଛି ।
ଏହା ମଧ୍ୟ ପଢନ୍ତୁ: 'ପୁଷ୍ପା 2' ସ୍କ୍ରିନିଂରେ ଦଳାଚକଟା ମାମଲା, ହସ୍ପିଟାଲରେ ଗୁରୁତର ଶିଶୁକୁ ଭେଟିଲେ ଅଲ୍ଲୁ ଅର୍ଜୁନ
'ପୁଷ୍ପା ୨' ଭାରତୀୟ କଲେକ୍ସନ
ସେହିପରି ସାକନିକଙ୍କ ରିପୋର୍ଟ ଅନୁଯାୟୀ ଭାରତରେ ମଙ୍ଗଳବାର ଦିନ 'ପୁଷ୍ପା ୨' 8.80 ପ୍ରତିଶତ ହ୍ରାସ ରେକର୍ଡ କରିଛି । ଚଳଚ୍ଚିତ୍ର ରିଲିଜ ହେବାର 34 ତମ ଦିନରେ ମାତ୍ର 2.28 କୋଟି ଟଙ୍କା ରୋଜଗାର କରିଛି । ଏହା ହେଉଛି 34 ଦିନ ମଧ୍ୟରେ 'ପୁଷ୍ପା 2' ର ସର୍ବନିମ୍ନ ରୋଜଗାର । ଓପନିଂ ସପ୍ତାହରେ, 'ପୁଷ୍ପା 2' 725.8 କୋଟି ଟଙ୍କା ଆୟ କରିଥିଲା ଏବଂ ଦ୍ୱିତୀୟ ସପ୍ତାହରେ 264.8 କୋଟି ଟଙ୍କା ଆୟ କରିଥିଲା । ତୃତୀୟ ଏବଂ ଚତୁର୍ଥ ସପ୍ତାହରେ ଏହା ଯଥାକ୍ରମେ 129.5 କୋଟି ଏବଂ 69.65 କୋଟି ଟଙ୍କା ଆୟ କରିଛି । ପଞ୍ଚମ ସପ୍ତାହରେ, ଏହି ଫିଲ୍ମ 34 ଦିନରେ 21.23 କୋଟି ଟଙ୍କା ଆୟ କରିଛି, ଯେଉଁଥିରେ ଶୁକ୍ରବାର ଦିନ 3.75 କୋଟି, ଶନିବାର ଦିନ 5.5 କୋଟି, ରବିବାର ଦିନ 7.2 କୋଟି, ସୋମବାରରେ 2.5 କୋଟି, ମଙ୍ଗଳବାର ଦିନ 2.5 କୋଟି ଟଙ୍କା ରହିଛି ବୁଧବାର 2.28 କୋଟି ଟଙ୍କା ରୋଜଗାର କରିଛି । 34 ଦିନ ମଧ୍ୟରେ ଭାରତୀୟ ବକ୍ସ ଅଫିସରେ 'ପୁଷ୍ପା 2' ର ମୋଟ ସଂଗ୍ରହ 1210.98 କୋଟି ଟଙ୍କା ହୋଇଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
