ହାଇଦ୍ରାବାଦ:ରାପର୍ ବାଦଶାହାଙ୍କ କ୍ଲବ ବାହାରେ ବୋମାମାଡ଼ । ମଙ୍ଗଳବାର ସକାଳେ ଚଣ୍ଡିଗଡ଼ର ସେକ୍ଟର 26 ରେ ବାଦଶାହାଙ୍କ ଦୁଇଟି ନାଇଟ୍ କ୍ଲବ ବାହାରେ ବିସ୍ଫୋରଣ ଘଟିଥିଲା । ବିସ୍ଫୋରଣ ପରେ ଏହି ଅଞ୍ଚଳରେ ଆତଙ୍କ ଖେଳିଯାଇଛି । ଚଣ୍ଡିଗଡ଼ର ଦୁଇଟି ନାଇଟ୍ କ୍ଲବ ମଧ୍ୟରୁ ଗୋଟିଏ ସେଭେଲ ବାର୍ ଆଣ୍ଡ ଲାଉଞ୍ଜର ଗାୟକ ତଥା ରାପର ବାଦଶାହାଙ୍କର ଅଟେ । ଏହି ବିସ୍ଫୋରଣରେ ସାମାନ୍ୟ କ୍ଷୟକ୍ଷତି ହୋଇଥିବା ବେଳେ କେହି ଆହତ ହୋଇନଥିବା ପୋଲିସ ସୂଚନା ଦେଇଛି ଏବଂ ଘଟଣାର ତଦନ୍ତ ଜାରି ରହିଛି ।
ବାଦଶାହାଙ୍କ କ୍ଲବ ବାହାରେ ବୋମାମାଡ଼
ସୂଚନାନୁସାରେ, ମଙ୍ଗଳବାର ସକାଳ ପ୍ରାୟ 3 ଟା ସମୟରେ ଦୁଇଜଣ ଦୁବୃର୍ତ୍ତ ମୋଟର ସାଇକେଲରେ ଆସି ଦୁଇଟି କ୍ଲବ, ସେଭିଲ କ୍ଲବ ଏବଂ ସଂଲଗ୍ନ ଦେଓରା କ୍ଲବ ଏବଂ ରେଷ୍ଟୁରାଣ୍ଟ ବାହାରେ ଦୁଇଟି ବୋମା ଫିଙ୍ଗିଥିଲେ । ଏହି କ୍ଲବଗୁଡିକ ମଧ୍ୟରୁ ଗୋଟିଏର ମାଲିକ ହେଉଛନ୍ତି ବାଦଶାହା । ଘଟଣା ପରେ ଅଭିଯୁକ୍ତମାନେ ପଳାଇ ଯାଇଥିଲେ । ପୋଲିସ କହିଛି ଯେ ଏହି ବିସ୍ଫୋରଣ ଯୋଗୁଁ ଦୁଇଟି କ୍ଲବ ଏବଂ ରେଷ୍ଟୁରାଣ୍ଟର ଅନେକ ଝରକା ଭାଙ୍ଗି ଯାଇଛି, କିନ୍ତୁ ସୌଭାଗ୍ୟବଶତଃ ଏଥିରେ କେହି ଆହତ ହୋଇନାହାଁନ୍ତି ।
ପୋଲିସର ତଦନ୍ତ ଜାରି
ଘଟଣାର ସୂଚନା ପାଇବା ପରେ ଚଣ୍ଡିଗଡ଼ ପୋଲିସର ଏକ ଟିମ୍ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଥିଲେ । ଏହା ସହ ଏକ ଫୋରେନସିକ୍ ଟିମ୍ ମଧ୍ୟ ଘଟଣାସ୍ଥଳରେ ପହଞ୍ଚି ନମୁନା ସଂଗ୍ରହ କରିଥିଲେ । ବର୍ତ୍ତମାନ ଅଭିଯୁକ୍ତମାନଙ୍କ ବିଷୟରେ ସୂଚନା ପାଇବା ପାଇଁ ପୋଲିସ ଆଖପାଖ ଅଞ୍ଚଳରେ ଥିବା ସିସିଟିଭି ଫୁଟେଜ ଯାଞ୍ଚ କରୁଛି । ଏହା ବ୍ୟତୀତ ପୋଲିସ କର୍ମଚାରୀମାନେ ଘଟଣାସ୍ଥଳରେ ଉପସ୍ଥିତ ଲୋକଙ୍କ ସହ କଥାବାର୍ତ୍ତା ମଧ୍ୟ କରୁଛନ୍ତି । ଚଣ୍ଡିଗଡ଼ ପୋଲିସର ଜଣେ ବରିଷ୍ଠ ଅଧିକାରୀ କହିଛନ୍ତି ଯେ ପ୍ରାଥମିକ ଅନୁସନ୍ଧାନରୁ ଜଣାପଡିଛି ଯେ ଏହି ଘଟଣା ବ୍ୟକ୍ତିଗତ ଶତ୍ରୁତା ବୋଲି ଆଶଙ୍କା କରାଯାଉଛି ଏବଂ ଅଭିଯୁକ୍ତକୁ ଧରିବା ପାଇଁ ସମସ୍ତ ଉଦ୍ୟମ ଚାଲିଛି ।
ଏହା ମଧ୍ୟ ପଢନ୍ତୁ:ବାଦଶାହା-ମୃଣାଲ ଠାକୁର ଡେଟିଂ ଚର୍ଚ୍ଚା, ମୁହଁ ଖୋଲିଲେ କଣ୍ଠଶିଳ୍ପୀ
'କେହି ଆହତ ହୋଇନାହାନ୍ତି'
ସେପଟେ ରେଷ୍ଟୁରାଣ୍ଟର ଜଣେ କର୍ମଚାରୀ କହିଛନ୍ତି, "ବିଳମ୍ବିତ ରାତିରେ ଏହି ଘଟଣା ଘଟିଥିଲା ଏବଂ ରେଷ୍ଟୁରାଣ୍ଟ ବନ୍ଦ ହୋଇଯାଇଥିଲା । ଉଚ୍ଚ ସ୍ୱର ଶୁଣି ଆମେ ବାହାରେ ଦୌଡ଼ିଯାଇ ଦେଖିଲୁ ଯେ କବାଟର ଗ୍ଲାସ ରାସ୍ତାରେ ଛିନ୍ନଛତ୍ର ହୋଇଯାଇଛି । ଆମେ ପୋଲିସ ନିକଟରେ ଅଭିଯୋଗ କରିଥିଲୁ। ବିସ୍ଫୋରଣ ସମୟରେ ରେଷ୍ଟୁରାଣ୍ଟ ଭିତରେ 8ଜଣ କର୍ମଚାରୀ ଥିବା ବେଳେ କେହି ମଧ୍ୟ ଆହତ ହୋଇନାହାନ୍ତି । ଆମ ପରିସରରେ ସ୍ଥାପିତ ସିସିଟିଭି କ୍ୟାମେରା କାମ କରୁନାହିଁ ।
ବ୍ୟୁରୋ ରିପୋର୍ଟ, ଇଟିଭି ଭାରତ
