ହାଇଦ୍ରାବାଦ:ସେପ୍ଟେମ୍ୱର 27ରେ ରିଲିଜ ହେବାକୁ ଯାଉଛି ଜୁନିଅର ଏନଟିଆରଙ୍କ ଫିଲ୍ମ 'ଦେବରା ପାର୍ଟ- 1' । ଏହାର ଟ୍ରେଲର ରିଲିଜ୍ ହେବା ପରଠାରୁ ପ୍ରଶଂସକଙ୍କ ମଧ୍ୟରେ ଉତ୍ସାହ ଦେଖିବାକୁ ମିଳିଛି । ମାତ୍ର ଆଉ ଦୁଇ ଦିନର ଅପେକ୍ଷା4 । ପରଦାକୁ ଆସୁଛି ଫିଲ୍ମ । ତେବେ ରିଲିଜ ପୂର୍ବରୁ ଫିଲ୍ମ ଆଡଭାନ୍ସ ବୁକିଂ ରେକର୍ଡ କଲାଣି । ପ୍ରଥମ ଦିନର ଫିଲ୍ମ ଦେଖିବା ପାଇଁ ଜୋରଦାର ଟିକେଟ ବିକ୍ରି ହେଉଥିବା ବେଳେ ଫିଲ୍ମ ଆଡଭାନ୍ସ ବୁକିଂରେ ବମ୍ପର କଲେକ୍ସନ କରିସାରିଲାଣି ।
'ଦେବରା ପାର୍ଟ-1' ରିଲିଜ ପୂର୍ବରୁ କଲାଣି ଏତିକି କଲେକ୍ସନ
ସାକନିଲ୍କର ରିପୋର୍ଟ ଅନୁଯାୟୀ, ଜୁନିଅର ଏନଟିଆରର ଏହି ଚଳଚ୍ଚିତ୍ରର ପ୍ରଥମ ଦିନ ପାଇଁ ସାରା ଦେଶରେ 7 ଲକ୍ଷ 34 ହଜାର 761 ଟିକେଟ୍ ପୂର୍ବରୁ ବିକ୍ରି ହୋଇସାରିଛି । ଯେଉଁଥିରେ ଫିଲ୍ମ ରିଲିଜ୍ ପୂର୍ବରୁ 18.78 କୋଟି ଟଙ୍କା ରୋଜଗାର କରିସାରିଛି ଏବଂ ପ୍ରାୟ 29.10 କୋଟି ଟଙ୍କା ଆୟ କରିଛି । ଏଥିରେ ତେଲୁଗୁ ଭାଷାରେ 7 ଲକ୍ଷ 19 ହଜାର 608 ଟିକେଟ୍ ର ସର୍ବାଧିକ ଆଡଭାନ୍ସ ବୁକିଂ କରାଯାଇଛି । ଏପର୍ଯ୍ୟନ୍ତ ଫିଲ୍ମର 13 ହଜାର 3 ଶହ 24 ଟିକେଟ୍ ହିନ୍ଦୀରେ ପୂର୍ବରୁ ବିକ୍ରି ହୋଇସାରିଛି । କନ୍ନଡରେ 'ଦେବରା ପାର୍ଟ- 1' ପାଇଁ ଏପର୍ଯ୍ୟନ୍ତ 100 ଟିକେଟ୍ ଆଡଭାନ୍ସ ବୁକିଂ ହୋଇଥିବା ବେଳେ 1678 ଟିକେଟ୍ ତାମିଲରେ ବୁକ୍ ହୋଇଛି । ସେହିପରି ମାଲାୟାଲମରେ ପ୍ରଥମ ଦିନ ପାଇଁ ଫିଲ୍ମ 56 ଟି ଟିକେଟ୍ ବିକ୍ରି କରିସାରିଛି । ଏହିପରି ବୁଧବାର ସକାଳ ପର୍ଯ୍ୟନ୍ତ 'ଦେବରା ପାର୍ଟ- 1' ର ବିଶ୍ୱରେ ମୋଟ ଆଡଭାନ୍ସ ବୁକିଂରେ 50 କୋଟି ଆୟ କରିସାରିଲାଣି ।
ଏହା ମଧ୍ୟ ପଢନ୍ତୁ:ଆସିଲା 'ଦେବରା' ଟ୍ରେଲର; ଆକ୍ସନ ଅବତାରରେ ଜୁନିଅର NTR, ସୈଫ ଖଳନାୟକ