ହାଇଦ୍ରାବାଦ:ଆସନ୍ତାକାଲି(ଜାନୁଆରୀ 17) ସିନେମା ଲଭର୍ସ ଡେ' ଅବସରରେ ରିଲିଜ ହେଉଛି କଙ୍ଗନା ରାଣାୱତଙ୍କ ଫିଲ୍ମ 'ଏମରଜେନ୍ସି' । ଅନେକ ବାଦ ବିବାଦର ସମ୍ମୁଖୀନରେ ଶେଷରେ ପରଦାକୁ ଆସୁଛି ରାଜନୈତିକ ଡ୍ରାମା ଫିଲ୍ମ 'ଏମରଜେନ୍ସି' । ଏହି ଫିଲ୍ମରେ ଏହି ଚଳଚ୍ଚିତ୍ରଟି, 1975-1977 ଦୁଇ ବର୍ଷର ଭାରତର ଅନ୍ଧକାର ଅଧ୍ୟାୟ ଉପରେ ଆଧାରିତ । ଯେତେବେଳେ ତତ୍କାଳୀନ ପ୍ରଧାନମନ୍ତ୍ରୀ ଇନ୍ଦିରା ଗାନ୍ଧୀ 1975 ଜୁନ 25 ମଧ୍ୟରାତ୍ରିରୁ ଦେଶବ୍ୟାପୀ ଏମରଜେନ୍ସି ଘୋଷଣା କରିଥିଲେ । ଏପରି ସମୟରେ ଦର୍ଶକଙ୍କୁ ଆକୃଷ୍ଟ କରିବାକୁ କଙ୍ଗନାଙ୍କ ପ୍ରୟାସ କରିଛନ୍ତି । କଙ୍ଗନା ପ୍ରଥମ ଦିନ ପାଇଁ ଟିକେଟ ମୂଲ୍ୟ କେତେ ରହିଛି । ତାହା ସେ ସୋସିଆଲ ମିଡିଆରେ ସେୟାର କରିଛନ୍ତି । ଜାଣନ୍ତୁ ଟିକେଟ ମୂଲ୍ୟ କେତେ ?
ମାତ୍ର ଏତିକି ଟଙ୍କାରେ ଦେଖିପାରିବେ 'ଏମରଜେନ୍ସି'
କଙ୍ଗନା ଏକ୍ସରେ ଫିଲ୍ମର ଏକ ପୋଷ୍ଟର ସେୟାର କରି ଫିଲ୍ମର ଟିକେଟ ମୂଲ୍ୟ ନେଇ ସୂଚନା ଦେଇଛନ୍ତି । ଯେଉଁଥିରେ ଲେଖାଅଛି, 'ଜାନୁଆରୀ 17 ସିନେମା ଲଭର୍ସ ଡେ'ରେ ଏମରଜେନ୍ସି ମାତ୍ର 99 ଟଙ୍କାରେ ଦେଖିବାର ମଜାନିଅନ୍ତୁ ।' ଏହା ସେୟାର କରି ସେ କ୍ୟାପସନରେ ଲେଖିଛନ୍ତି, 'ଜାନୁଆରୀ 17 ଏମରଜେନ୍ସି ଡେ' । କହିରଖୁଛୁ କି, ଏହି ଫିଲ୍ମକୁ ବାଂଲାଦେଶରେ ବ୍ୟାନ କରାଯାଇଛି । ଦୁଇ ପଡ଼ୋଶୀ ଦେଶ ମଧ୍ୟରେ ରାଜନୈତିକ ସମ୍ପର୍କ ଉତ୍ତେଜନାପୂର୍ଣ୍ଣ ରହିଥିବାରୁ କଙ୍ଗନାଙ୍କ ଏହି ଫିଲ୍ମ ବାଂଲାଦେଶରେ ମୁକ୍ତିଲାଭ କରିବ ନାହିଁ ।