ହାଇଦ୍ରାବାଦ:ଜାନୁଆରୀ ୨୫ ରେ ଭାରତ ସରକାର ପଦ୍ମ ପୁରସ୍କାର ସମ୍ମାନିତ ବ୍ୟକ୍ତିଙ୍କ ନାଁ ଘୋଷଣା କରିଛନ୍ତି । ଏଥିରେ ୧୩୨ ଜଣଙ୍କୁ ପଦ୍ମ ପୁରସ୍କାର ୨୦୨୪ ସମ୍ମାନରେ ସମ୍ମାନିତ କରାଯିବ । ଏହି ତାଲିକାରେ ଭାରତୀୟ ସିନେମାରେ ଅବଦାନ ପାଇଁ ମେଗାଷ୍ଟର ଚିରଞ୍ଜୀବୀଙ୍କୁ ପଦ୍ମ ବିଭୂଷଣ ସମ୍ମାନ ପାଇଁ ମନୋନୀତ ହୋଇଛନ୍ତି । ତେବେ ଏହି ଘୋଷଣା ପରେ ଫ୍ୟାନ୍ସଙ୍କ ମହଲରେ ଖୁସି ଏବଂ ସେଲିବ୍ରେସନର ମାହୋଲ ଦେଖିବାକୁ ମିଳିଛି । ଏହି ପରିପ୍ରେକ୍ଷୀରେ ପ୍ରଶଂସକମାନେ ନିଆରା ଢଙ୍ଗରେ ଶୁଭେଚ୍ଛା ଜଣାଇଛନ୍ତି । ଅଭିନେତାଙ୍କ ଫଟୋ ନ୍ୟୁୟର୍କର ଟାଇମ ସ୍କୋୟାର ବିଲବୋର୍ଡରେ ପ୍ରଦର୍ଶିତ କରି ଏହି ସଫଳତା ପାଇଁ ତାଙ୍କୁ ଶୁଭକାମନା ଜଣାଇଛନ୍ତି ।
ଚିରଞ୍ଜୀବୀଙ୍କ ଫ୍ୟାନ୍ସ କୁଣ୍ଡାଭରଫୁ ଶ୍ରୀନିବାସ ନାଇଡୁ ଏବଂ ଟିମି ଚିଡଲା ନ୍ୟୁୟର୍କର ଟାଇମ୍ସ ସ୍କୋୟାରରେ ଅଭିନେତାଙ୍କ ଫଟୋ ପ୍ରଦର୍ଶନ କରି ଶୁଭେଚ୍ଛା ଜଣାଇଛନ୍ତି । ଏଥିରେ ସେ ଏକ ବାର୍ତ୍ତା ମଧ୍ୟ ଦେଇଛନ୍ତି । ଏଥିରେ ଲେଖାଅଛି, 'ଭାରତର ସବୁଠାରୁ ସମ୍ମାନଜନକ ତଥା ସର୍ବୋଚ୍ଚ ନାଗରିକ ପୁରସ୍କାର ପଦ୍ମ ବିଭୂଷଣ ହାସଲ କରିଥିବାରୁ ମେଗାଷ୍ଟାରଙ୍କୁ ଅଭିନନ୍ଦନ ।' ଟାଇମ୍ସ ସ୍କୋୟାରରେ ଚିରଞ୍ଜୀବୀଙ୍କ ଫଟୋ ବର୍ତ୍ତମାନ ସମସ୍ତ ସୋସିଆଲ ମିଡିଆ ପ୍ଲାଟଫର୍ମରେ ଭାଇରାଲ ହେବାରେ ଲାଗିଛି ।