ହାଇଦ୍ରାବାଦ:ଆଜି ଭାରତୀୟ ସେନା ଦିବସ । ଏହି ଅବସରରେ ଅଭିନେତା ସନ୍ନି ଦେଓଲ ଓ ବରୁଣ ଧୱନ ଉଭୟ ଦେଶର ସୈନିକଙ୍କ ସହ ସମୟ ବିତାଇଛନ୍ତି । ସୋସିଆଲ ମିଡିଆରେ ସେମାନଙ୍କ ସହ କିଛି ଫଟୋ ସେୟାର କରି ଦେଶର ପ୍ରକୃତ ହିରୋମାନଙ୍କ ସାହସ, ତ୍ୟାଗ ଏବଂ ସମର୍ପଣକୁ ମଧ୍ୟ ସଲାମ କରିଛନ୍ତି ।
ସେନା ଦିବସରେ ରିୟଲ ହିରୋଙ୍କୁ ସମ୍ମାନ
ସନ୍ନି ଦେଓଲ ଇନଷ୍ଟାଗ୍ରାମରେ ଅନେକ ଭିଡିଓ ଏବଂ ଫଟୋ ସେୟାର କରିଛନ୍ତି । ଏକ ଭିଡିଓରେ, ଅଭିନେତା ଏବଂ ଯବାନ 'ଭାରତ ମାତା କୀ ଜୟ' ସ୍ଲୋଗାନ ଦେଉଥିବା ଦେଖିବାକୁ ମିଳିଛି । ଅନ୍ୟ ଫଟୋଗୁଡ଼ିକରେ, ବଲିଉଡ ଅଭିନେତା ଯବାନଙ୍କ ସହ ଫଟୋ ଉଠାଇବା ଏବଂ ସେମାନଙ୍କ ସହ କୁସ୍ତି କରୁଥିବା ନଜର ଆସିଛନ୍ତି । ପୋଷ୍ଟଟି ସେୟାର କରି ଅଭିନେତା କ୍ୟାପସନରେ ଲେଖିଛନ୍ତି, "ସେତେବେଳେ, ବର୍ତ୍ତମାନ ଏବଂ ସର୍ବଦା ଆମ ବୀରମାନଙ୍କ ସାହସ, ତ୍ୟାଗ ଏବଂ ସମର୍ପଣକୁ ସଲାମ । ଭାରତୀୟ ସେନା ଦିବସର ଶୁଭେଚ୍ଛା । ହିନ୍ଦୁସ୍ତାନ ଜିନ୍ଦାବାଦ, ସେନା ଦିବସ ।"
ସେହିପରି ବରୁଣ ଧୱନ ସେନା ଦିବସରେ ସୈନିକଙ୍କ ସହ ଏକ ସେଲ୍ଫି ସେୟାର କରି କ୍ୟାପସନରେ ଲେଖିଛନ୍ତି - 'ଏହି ସେନା ଦିବସରେ ଭାରତର ପ୍ରକୃତ ନାୟକମାନଙ୍କୁ ସମ୍ମାନ କରନ୍ତୁ । ତାଙ୍କ ସହିତ ରହି ମୁଁ ଗର୍ବିତ ।' କହିରଖୁଛୁ କି, ଭାରତରେ ପ୍ରତିବର୍ଷ ଜାନୁଆରୀ 15 ତାରିଖରେ ସେନା ଦିବସ ପାଳନ କରାଯାଏ । ଏହି ଦିବସଟି ଲେଫ୍ଟନାଣ୍ଟ ଜେନେରାଲ କେଏମ କାରିଆପ୍ପାଙ୍କ ସମ୍ମାନାର୍ଥେ ପାଳନ କରାଯାଏ । ସେ ୧୫ ଜାନୁଆରୀ ୧୯୪୯ରେ ଭାରତୀୟ ସେନାର ପ୍ରଥମ କମାଣ୍ଡର-ଇନ୍-ଚିଫ୍ ଭାବରେ ଦାୟିତ୍ୱ ଗ୍ରହଣ କରିଥିଲେ ।
ଏହା ମଧ୍ୟ ପଢନ୍ତୁ:'ବର୍ଡର 2'ରେ ବରୁଣ ଧୱନଙ୍କ ଏଣ୍ଟ୍ରି, ସନ୍ନି ଦେଓଲଙ୍କ ସହ ପ୍ରଥମ ଥର ପାଇଁ ସେନା ଭୂମିକାରେ ଆସିବେ ନଜର
ସନ୍ନି ଦେଓଲ ଓ ବରୁଣ ଧୱନଙ୍କ ୱାର୍କପ୍ରଣ୍ଟ ବିଷୟରେ କହିବାକୁ ଗଲେ, ଅଭିନେତାଙ୍କର ଅନେକ ଫିଲ୍ମ ଅଛି । ଖୁବ୍ଶୀଘ୍ର ଉଭୟ ତାରକା 'ବର୍ଡର ୨'ରେ ନଜର ଆସିବେ, ଯେଉଁଥିରେ ଅଭିନେତା-ଗାୟକ ଦିଲଜିତ ଦୋସାଞ୍ଜ, ଏବଂ ଆହାନ ସେଟ୍ଟୀ ମଧ୍ୟ ଗୁରୁତ୍ୱପୂର୍ଣ୍ଣ ଭୂମିକାରେ ଅଛନ୍ତି । ଫିଲ୍ମ ନିର୍ମାତାମାନେ ନିକଟରେ 'ବର୍ଡର 2'ର ଟିଜର ରିଲିଜ କରିଛନ୍ତି । 'ବର୍ଡର 2' ଫିଲ୍ମଟି ଗଣତନ୍ତ୍ର ଦିବସ ଅବସରରେ 26 ଜାନୁଆରୀ 2026 ରେ ସିନେମା ହଲରେ ମୁକ୍ତିଲାଭ କରିବ ।
ବ୍ୟୁରୋ ରିପୋର୍ଟ, ଇଟିଭି ଭାରତ
