ହାଇଦ୍ରାବାଦ:ଆଜି ଏପ୍ରିଲ ୧୧ ଅବସରରେ ସାରା ଦେଶରେ ଇଦର ଧୁମ୍ ଦେଖିବାକୁ ମିଳିଛି । ଏହି ଅବସରରେ ସିନେପ୍ରେମୀଙ୍କୁ ମଧ୍ୟ ବଡ଼ ଉପହାର ମିଳିଛି । ଅକ୍ଷୟ କୁମାର ଏବଂ ଟାଇଗର ଶ୍ରଫଙ୍କ ଅଭିନୀତ ଚଳଚ୍ଚିତ୍ର 'ବଡେ ମିୟାଁ ଛୋଟେ ମିୟାଁ'କୁ ଉତ୍ସାହର ସହ ଅପେକ୍ଷା କରିଥିବା ବେଳେ ଶେଷରେ ପରଦାରେ ରିଲିଜ ହୋଇଛି ଫିଲ୍ମ । ତେବେ ପ୍ରଥମ ଦିନର ପ୍ରଥମ ଶୋ' ହାଉସଫୁଲ ଥିବା ବେଳେ ବର୍ତ୍ତମାନ ଫିଲ୍ମକୁ ନେଇ ନିଜର ରିଭ୍ୟୁ ସେୟାର କରିଛନ୍ତି ଫ୍ୟାନ୍ସ । ଆକ୍ସନରେ ଭରପୁର ଏହି ଫିଲ୍ମକୁ ଫ୍ୟାନ୍ସ ଶ୍ରେଷ୍ଠ ଆକ୍ସନ ଫିଲ୍ମ ଟ୍ୟାଗ ଦେଇଛନ୍ତି ।
ଏକ୍ସରେ 'ବଡେ ମିୟାଁ ଛୋଟେ ମିୟାଁ' ସୁନାମି ଦେଖିବାକୁ ମିଳିଛି । ଅନେକ ୟୁଜର୍ସ ଏବଂ ଫ୍ୟାନ୍ସ ଫିଲ୍ମ ଦେଖିବା ପରେ ନିଜର ପ୍ରତିକ୍ରିୟା ସେୟାର କରିଛନ୍ତି । ଜଣେ ୟୁଜର୍ସ ୪.୪/୫ ରେଟିଂ ଦେଇ ଲେଖିଛନ୍ତି, 'ବଡେ ମିୟାଁ ଛୋଟେ ମିୟାଁ' ବଲିଉଡ ଆକ୍ସନ ପାଇଁ ଏକ ନକ୍ଆଉଟ୍ ପିଚ୍! 'ବଡେ ମିୟାଁ ଛୋଟେ ମିୟାଁ'ହେଉଛି ଏକ ସିନେମାଟିକ୍ ଦୃଶ୍ୟ ଯାହା ଆପଣଙ୍କୁ ଆଶ୍ଚର୍ଯ୍ୟ କରିବ । ଏହି ଆକ୍ସନ୍-କମେଡି ପାୱାରହାଉସ୍ ଫିଲ୍ମକୁ ଏକ ଭିନ୍ନ ସ୍ତରକୁ ନେଉଛି ।
ଆଉ ଜଣେ ଲେଖିଛନ୍ତି, ଭାରତୀୟ ସିନେମା ଦ୍ୱାରା ନିର୍ମିତ ଏହା ହେଉଛି ଶ୍ରେଷ୍ଠ ଆକ୍ସନ୍ ଫିଲ୍ମ । ଯଦି ଏହା 5 ରେଟିଂ ମଧ୍ୟରୁ 4.5 ପାଇବ ତେବେ ମୁଁ ଆଶ୍ଚର୍ଯ୍ୟ ହେବି ନାହିଁ । ଅନ୍ୟ ଜଣେ ଲେଖିଛନ୍ତି, ''ଆକ୍ସନ ଏବଂ ଧମାକେଦାର ଫିଲ୍ମ । ଆଉ ଜଣେ ଲେଖିଛନ୍ତି, ଫିଲ୍ମଟି ମସାଲାରେ ଭରପୁର ରହିଛି । ଅକ୍ଷୟ ଏବଂ ଟାଇଗର ଓ ପୃଥ୍ୱୀରାଜଙ୍କ ଯୋଡ଼ି ମନ ଜିତୁଛି । ଆଉ ଜଣେ ଲେଖିଛନ୍ତି, ମୁଁ ଯାହା ଆଶା କରିଥିଲି ଫିଲ୍ମକୁ ନେଇ ତାହା ଠାରୁ ବେଶ ଦମଦାର ରହିଛି । ଫିଲ୍ମରେ ଆକ୍ସନ, କମେଡି, ଏଣ୍ଟରଟେନମେଣ୍ଟ ଭରପୁର ରହିଛି ।
ଏହା ମଧ୍ୟ ପଢନ୍ତୁ:'ବଡ଼େ ମିୟାଁ ଛୋଟେ ମିୟାଁ' ଟିଜର ରିଲିଜ, ଟାଇଗର-ଅକ୍ଷୟଙ୍କ ଆକ୍ସନ ଅବତାର ଉଡ଼ାଇଲା ହୋସ୍
'ବଡେ ମିୟାଁ ଛୋଟେ ମିୟାଁ' ଫିଲ୍ମ ବିଷୟରେ କହିବାକୁ ଗଲେ,ବାସୁ ଭଗ୍ନାନୀ ଏବଂ ଜ୍ୟାକି ଭଗ୍ନାନୀଙ୍କ ଦ୍ବାରା ପୂଜା ଏଣ୍ଟରଟେନମେଣ୍ଟ ବ୍ୟାନରରେ ନିର୍ମିତ ଏହି ଫିଲ୍ମ । 'ଭାରତ' ଏବଂ 'ସୁଲତାନ' ଫିଲ୍ମ ନିର୍ଦ୍ଦେଶକ ଅଲି ଅବ୍ବାସ ଜାଫର 'ବଡ଼େ ମିୟାଁ ଛୋଟେ ମିୟାଁ'ର ନିର୍ଦ୍ଦେଶନା ଦେଇଛନ୍ତି । ଏହି ଫିଲ୍ମ ଅଲ୍ଲିଙ୍କ ତୃତୀୟ ଇଦ୍ ରିଲିଜ ଫିଲ୍ମ ଅଟେ । ଏହି ଫିଲ୍ମ ସାରା ବିଶ୍ୱରେ ହିନ୍ଦୀ, ତେଲୁଗୁ ଓ ତାମିଲ, କନ୍ନଡ ଏବଂ ମାଲାୟାଲମ ଭାଷାରେ ରିଲିଜ ହୋଇଛି । ଏହି ଫିଲ୍ମରେ ଅକ୍ଷୟ, ଟାଇଗରଙ୍କ ବ୍ୟତୀତ ସାଉଥ ତାରକା ପୃଥ୍ବୀରାଜ ସୁକୁମାରନ ପ୍ରଥମ ଥର ପାଇଁ ଏକାଠି ନଜର ଆସିଛନ୍ତି । ଏହି ଫିଲ୍ମରେ ବଲିଉଡ ଅଭିନେତ୍ରୀ ସୋନାକ୍ଷୀ ସିହ୍ନା, ମାନୁଷୀ ଚିଲର୍ ଏବଂ ଆଲାୟା ଏଫ୍ ପ୍ରମୁଖ ମଧ୍ୟ ମୁଖ୍ୟ ଭୂମିକାରେ ଅଭିନୟ କରିଛନ୍ତି ।
