ହାଇଦ୍ରାବାଦ: ମହାକୁମ୍ଭ ମେଳା 2025 ରେ ବଲିଉଡ ତାରକାଙ୍କ ମଧ୍ୟ ଉପସ୍ଥିତି ଦେଖିବାକୁ ମିଳିଛି । ମହାକୁମ୍ଭରେ, ଜଣକ ପରେ ଜଣେ ସେଲିବ୍ରିଟି ବୁଡ଼ ପକାଇବାକୁ ସଙ୍ଗମରେ ପହଞ୍ଚିଛନ୍ତି । ସେହିପରି ବର୍ତ୍ତମାନ ବଲିଉଡ ଅଭିନେତ୍ରୀ ପୁନମ ପାଣ୍ଡେ ମଧ୍ୟ ପ୍ରୟାଗରାଜରେ ପହଞ୍ଚି ବୁଡ଼ ପକାଇଛନ୍ତି । ପୁନମ ପାଣ୍ଡେ ତାଙ୍କ ସୋସିଆଲ ମିଡିଆ ଆକାଉଣ୍ଟରେ ସ୍ନାନ କରିବାର ଫଟୋ ଏବଂ ଭିଡିଓ ସେୟାର କରିଛନ୍ତି । ପୁନମ ପାଣ୍ଡେ କହିଛନ୍ତି ଯେ ମହାକୁମ୍ଭରେ ମୋର ସମସ୍ତ ପାପ ଧୋଇ ହୋଇଯାଇଛି ।
କୁମ୍ଭମେଳାରେ ବୁଡ଼ ପକାଇଲେ ପୁନମ ପାଣ୍ଡେ
ପୁନମ ପାଣ୍ଡେ ମହାକୁମ୍ଭରେ ତାଙ୍କର ପାପ ଧୋଇଛନ୍ତି । ପୁନମ ପାଣ୍ଡେ ଇନଷ୍ଟାଗ୍ରାମରେ ମହାକୁମ୍ଭରୁ ତାଙ୍କ ସ୍ନାନର ଭିଡିଓ ଏବଂ ଫଟୋ ସେୟାର କରିଛନ୍ତି । ଏହି ଫଟୋଗୁଡ଼ିକୁ ସେୟାର କରି ପୁନମ ପାଣ୍ଡେ ଲେଖିଛନ୍ତି, ମୋର ସମସ୍ତ ପାପ ଧୋଇ ହୋଇଯାଇଛି । ଏହା ପରେ, ପୁନମ ପାଣ୍ଡେଙ୍କୁ କେତେବେଳେ ଘାଟରେ ତ କେତେବେଳେ ଡଙ୍ଗାରେ ପକ୍ଷୀମାନଙ୍କୁ ଖାଇବାକୁ ଦେଉଥିବାର ଦେଖିବାକୁ ମିଳିଛି ।
ପୁନମ ପାଣ୍ଡେଙ୍କ ମୃତ୍ୟୁ ଗୁଜବ
କହିରଖୁଛୁ କି, ଗତ ବର୍ଷ ପୁନମ ପାଣ୍ଡେ ତାଙ୍କ ମୃତ୍ୟୁର ଗୁଜବ ପ୍ରଚାର କରି ଇଣ୍ଡଷ୍ଟ୍ରିରେ ହଇଚଇ ସୃଷ୍ଟି କରିଥିଲେ । ପୁନମ ତାଙ୍କ ଟିମ୍ ମାଧ୍ୟମରେ ସୂଚନା ଦେଇଥିଲେ ଯେ ତାଙ୍କର କର୍କଟ ରୋଗରେ ମୃତ୍ୟୁ ହୋଇଛି । ସେହି ସମୟରେ, ଅନେକ ଷ୍ଟାର ଏହାକୁ ସତ୍ୟ ଭାବିଥିଲେ ଏବଂ ଅଭିନେତ୍ରୀଙ୍କ ମୃତ୍ୟୁରେ ଦୁଃଖ ପ୍ରକାଶ କରିିଥିଲେ । ଘଟଣାର କିଛି ଦିନ ପରେ ପୁନମ ପାଣ୍ଡେ ସୋସିଆଲ ମିଡିଆରେ ଆସି କହିଥିଲେ ଯେ ସେ କର୍କଟ ରୋଗ ବିଷୟରେ ସଚେତନତା ସୃଷ୍ଟି କରିବା ପାଇଁ ଏପରି କରିଛନ୍ତି । ଏହା ପରେ, ଲୋକମାନେ ଏବଂ ସେଲିବ୍ରିଟିମାନେ ପୁନମ ପାଣ୍ଡେଙ୍କୁ ଟ୍ରୋଲ କରିବା ସହ ଖୁବ ବର୍ଷିଥିଲେ ।
ଏହା ମଧ୍ୟ ପଢନ୍ତୁ: ବଲିଉଡରୁ ବୃନ୍ଦାବନ: କୁମ୍ଭମେଳାରେ ସନ୍ୟାସ ନେଲେ ୯୦ ଦଶକର ଗ୍ଲାମର ଗର୍ଲ
ସୂଚନା ଥାଉ କି, ୧୩ ଜାନୁଆରୀରେ ଆରମ୍ଭ ହୋଇଥିବା ମହାକୁମ୍ଭ ୨୦୨୫ ୨୬ ଫେବୃଆରୀ ପର୍ଯ୍ୟନ୍ତ ଚାଲିବ । ଏହି ମେଗା ମେଳା ଉତ୍ତର ପ୍ରଦେଶର ପ୍ରୟାଗରାଜରେ 45 ଦିନ ଧରି ଅନୁଷ୍ଠିତ ହେଉଛି । ମନ୍ତ୍ରୀ, ରାଜନେତାଙ୍କ ଠାରୁ ଆରମ୍ଭ କରି ସେଲିବ୍ରିଟି ସମସ୍ତେ ସ୍ନାନ କରି ପୁଣ୍ୟ ଅର୍ଜନ କରିଛନ୍ତି । ଯେଉଁଥିରେ ଅମିତା ଶାହାଙ୍କ ଠାରୁ ଆରମ୍ଭ କରି ରେମା ଡିସୁଜା, ପୂର୍ବତନ ଅଭିନେତ୍ରୀ ମମତା କୁଲକର୍ଣ୍ଣି, ହେମା ମାଳିନୀ, ଅନୁପମ ଖେର, ଅଦା ଶର୍ମା, ଗୁରୁ ରନ୍ଧାୱା ଏବଂ ଶଙ୍କର ମହାଦେବନଙ୍କ ନାମ ଅନ୍ତର୍ଭୁକ୍ତ । ନବେ ଦଶକର ବେଶ ଲୋକପ୍ରିୟ ବଲିଉଡ ଅଭିନେତ୍ରୀ ମମତା କୁଲକର୍ଣ୍ଣି କୁମ୍ଭମେଳାରେ ନିଜ ପିଣ୍ଡ ଦାନ କରି ସନ୍ୟାସ ଗ୍ରହଣ କରିଛନ୍ତି । କିନ୍ନର ଆଖଡାରେ ସାମିଲ ନେଇ ନାଁ ପରିବର୍ତ୍ତନ ମଧ୍ୟ କରିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
