ହାଇଦ୍ରାବାଦ: 'ପୁଷ୍ପା 2: ଦ ରୁଲ୍' ବକ୍ସ ଅଫିସରେ ଧମାକା କରିବା ପରେ ଏବେ ଓଟିଟିରେ ରାଜ୍ । ଆନୁଷ୍ଠାନିକ ଭାବରେ ଏକ ରିଲୋଡେଡ୍ ଭର୍ସନ ସହ ଓଟିଟି ପ୍ଲାଟଫର୍ମ ନେଟଫ୍ଲିକ୍ସରେ ରିଲିଜ କରିଛି । ଡିସେମ୍ବର 5, 2024 ରେ ଥିଏଟରରେ ମୁକ୍ତିଲାଭ କରିଥିବା ଏହି ଫିଲ୍ମଟି ଏହାର ଆକର୍ଷଣୀୟ କାହାଣୀ ଏବଂ ଆକ୍ସନ୍ ସିକ୍ୱେନ୍ସ ସହିତ ଦର୍ଶକଙ୍କୁ ମୋହିତ କରିଥିଲା । ଥିଏଟର ସଂସ୍କରଣ 200 ମିନିଟ୍ ଥିଲା କିନ୍ତୁ ପରେ ଜାନୁଆରୀ 17, 2025 ରେ "ରିଲୋଡେଡ୍ ଭର୍ସନ" ସହ 220 ମିନିଟ୍ ସହ ଓଟିଟିରେ ରିଲିଜ ହୋଇଛି । ବର୍ତ୍ତମାନ Netflix ରେ ଉପଲବ୍ଧ, ସ୍ୱତନ୍ତ୍ର OTT ରିଲିଜରେ ଚାରି ମିନିଟ୍ ପୂର୍ବରୁ କେବେ ଦେଖାଯାଇନଥିବା ଫୁଟେଜ୍ ରହିଛି, ଯାହା ମୋଟ ରନଟାଇମ୍ 223 ମିନିଟ୍ ଅଛି ।
ବହୁ ଭାଷାରେ ଉପଲବ୍ଧ
'ପୁଷ୍ପା 2' ତେଲୁଗୁ, ତାମିଲ, ମାଲାୟଲମ ଏବଂ ହିନ୍ଦୀ ସମେତ ଅନେକ ଭାଷାରେ ଉପଲବ୍ଧ । ଏହା ସୁନିଶ୍ଚିତ କରେ ଯେ ବିଭିନ୍ନ ଅଞ୍ଚଳର ପ୍ରଶଂସକମାନେ ସେମାନଙ୍କ ପସନ୍ଦର ଭାଷାରେ ସିନେମାଟିକ୍ ଦୃଶ୍ୟ ଉପଭୋଗ କରିପାରିବେ ।
'ପୁଷ୍ପା 2' ବକ୍ସ ଅଫିସରେ ନୂଆ ରେକର୍ଡ
ପୁଷ୍ପା 2: ଦ ରୁଲ୍ ରିଲିଜ୍ ହେବା ପରଠାରୁ ଅନେକ ବକ୍ସ ଅଫିସ୍ ରେକର୍ଡ ଭାଙ୍ଗିଛି । ଫିଲ୍ମ 50ରୁ ଅଧିକ ଦିନ ଯାଏଁ ଥିଏଟରରେ ଜଲୱା ଦେଖାଇଥିଲା । ଇଣ୍ଡଷ୍ଟ୍ରି ଟ୍ରାକର ସାକନିଲ୍କଙ୍କ ଅନୁଯାୟୀ, ଫିଲ୍ମଟି 56 ଦିନରେ ଆନୁମାନିକ 0.17 କୋଟି ଟଙ୍କା ରୋଜଗାର କରିଥିଲା, ଯାହା ଏହାର ମୋଟ ଘରୋଇ ସଂଗ୍ରହକୁ 1,232.94 କୋଟି ଟଙ୍କାରେ ପହଞ୍ଚାଇଛି । 'ପୁଷ୍ପା 2' ଏସ୍ ଏସ୍ ରାଜାମୌଲିଙ୍କ 'ବାହୁବଲୀ 2' ଭାରତରେ 1030.42 କୋଟି ଏବଂ ବିଶ୍ୱରେ 1788 କୋଟି ଟଙ୍କା ଆୟ କରିଥିଲା । ବର୍ତ୍ତମାନ ଏହାର ରେକର୍ଡ ଭାଙ୍ଗି ପୁଷ୍ପା 2 ଦ୍ୱିତୀୟ ସର୍ବାଧିକ ଆୟ କରିଥିବା ଫିଲ୍ମ ହୋଇଛି । ବିଶ୍ୱସ୍ତରରେ, 'ପୁଷ୍ପା 2' 1,800 କୋଟି ଟଙ୍କାରୁ ଅଧିକ ଆୟ କରିଛି । ଏହିପରି ସର୍ବାଧିକ ଆୟକାରୀ ଭାରତୀୟ ଫିଲ୍ମ ଏବଂ 800 କୋଟି ଟଙ୍କାର ହିନ୍ଦୀ କ୍ଲବରେ ଅଗ୍ରଣୀ ଭୂମିକା ଗ୍ରହଣ କରିଛି ।
ଏହା ମଧ୍ୟ ପଢନ୍ତୁ: ରିଲିଜର ମାସେ ପରେ ବି ରାଜ୍ କରୁଛି 'ପୁଷ୍ପା 2', ଭାରତରେ 1200 କୋଟି କଲା ପାର୍
'ପୁଷ୍ପା 2' ବିଷୟରେ କହିବାକୁ ଗଲେ, ନିର୍ଦ୍ଦେଶକ ସୁକୁମାରଙ୍କ 'ପୁଷ୍ପା ୨: ଦ ରୁଲ' 'ପୁଷ୍ପା: ଦ ରାଇଜ'ର ସିକ୍ବେଲ ଅଟେ । ଯାହା 2021 ଡିସେମ୍ବରରେ ମୁକ୍ତିଲାଭ କରିବା ପରେ ବକ୍ସ ଅଫିସ୍ରେ ଧମାକା କରିଥିଲା । ତେବେ ପ୍ରଥମ ଭାଗ ପରି 2ୟ ଭାଗ ମଧ୍ୟ ବକ୍ଲବ୍ଲଷ୍ଟର ହୋଇଛି । ଓପନିଂ ଦିନ ଠାରୁ ଫିଲ୍ମ ଜୋରଦାର କଲେକ୍ସନ କରିଛି । ଫିଲ୍ମରେ ଅଲ୍ଲୁ ଅର୍ଜୁନ, ରଶ୍ମିକା ମନ୍ଦାନା, ଫାହାଦ୍ ଫାସିଲ, ସୁନୀଲ, ଅଜୟ, ରାଓ ରମେଶ, ଅନାସୁୟା ଏବଂ ଅନ୍ୟ କଳାକାର ନଜର ଆସିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
