Budget In One Rupee: ଜାଣନ୍ତୁ କେଉଁଠୁ ଆସିବ ପଇସା, କେଉଁଠି ହେବ ଖର୍ଚ୍ଚ - rupee budget

Union Budget 2024: ୨୦୨୪-୨୫ ଆର୍ଥିକ ବର୍ଷ ପାଇଁ ଆଜି ସଂସଦରେ ଆଗତ ହୋଇଛି ପୂର୍ଣ୍ଣାଙ୍ଗ ବଜେଟ୍ । କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ ବଜେଟ ଉପସ୍ଥାପନ କରିଛନ୍ତି । ମୋଟ ବଜେଟକୁ ୧ ଟଙ୍କା ହିସାବ କଲେ କେତେ ପଇସା କେଉଁ କ୍ଷେତ୍ରରୁ ଆସିବ ଓ କେଉଁଠି ଖର୍ଚ୍ଚ ହେବ ଜାଣନ୍ତୁ..

ନୂଆଦିଲ୍ଲୀ: ଆଜି ଲୋକସଭାରେ ୨୦୨୪-୨୫ ଆର୍ଥିକ ବର୍ଷ ପାଇଁ ଆଗତ ହୋଇଛି ପୂର୍ଣ୍ଣାଙ୍ଗ ବଜେଟ୍ । ମୋଦି ସରକାରଙ୍କ ତୃତୀୟ ପାଳିର ସାଧାରଣ ବଜେଟ ଉପସ୍ଥାପନ ହୋଇଛି । କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ ଲଗାତାର ସପ୍ତମ ଥର ଲାଗି ବଜେଟ ଉପସ୍ଥାପନ କରିଛନ୍ତି । ସାଧାରଣ ବଜେଟରେ କୃଷକ, ଯୁବକ ଓ ମହିଳାଙ୍କୁ ଅଧିକ ଗୁରୁତ୍ବ ଦିଆଯାଇଛି । ଏହାସହ ନିଯୁକ୍ତି ଓ ଦକ୍ଷତା ବିକାଶ ଉପରେ ମଧ୍ୟ ବିଶେଷ ଗୁରୁତ୍ବ ଦିଆଯାଇଛି । ବଜେଟରେ ଅର୍ଥମନ୍ତ୍ରୀ ଯାହା ବ୍ୟୟବରାଦ କରିଛନ୍ତି ତାହା କେଉଁଠୁ ଆସିବ ଓ କେଉଁ କ୍ଷେତ୍ରରେ ଖର୍ଚ୍ଚ ହେବ ? ମୋଟ ବଜେଟକୁ ୧ ଟଙ୍କା ହିସାବ କଲେ କେତେ ପଇସା କେଉଁ କ୍ଷେତ୍ରରୁ ଆସିବ ଓ କେତେ ପଇସା କେଉଁ କ୍ଷେତ୍ରକୁ ଯିବ ଆସନ୍ତୁ ଜାଣିବା ।

Rupee Comes From (ETV Bharat)

ଟଙ୍କାଟିଏ କେଉଁ କ୍ଷେତ୍ରରୁ ଆସିବ ?

1. ଋଣ ଓ ଅନ୍ୟାନ୍ୟ ଦେୟ-27 ପଇସା
2. କର୍ପୋରେଟ୍‌ ଟିକସ-17 ପଇସା
3. ଆୟକର-19 ପଇସା
4. ସୀମା ଶୁକ୍ଳ-4 ପଇସା
5. ଜିଏସଟି -18 ପଇସା
6. କେନ୍ଦ୍ରୀୟ ଅବକାରୀ ଟିକସ-5 ପଇସା
7. ଅଣ ଟିକସ ରାଜସ୍ବ-9 ପଇସା
8. ଅଣ ଋଣ ପୁଞ୍ଜି ରସିଦ-1 ପଇସା

Rupee Goes To (ETV Bharat)

ଟଙ୍କାଟିଏ କେଉଁ କ୍ଷେତ୍ରକୁ ଯିବ ?

1. ରାଜ୍ୟ ଟିକସ ଓ ଶୁକ୍ଳ ଭାଗ-21 ପଇସା
2. ସୁଧ ପରିଶୋଧ-19 ପଇସା
3. କେନ୍ଦ୍ରୀୟ ସ୍କିମ୍‌-16 ପଇସା
4. ଅର୍ଥ ଆୟୋଗ ଓ ଅନ୍ୟାନ୍ୟ ବ୍ୟୟ- 9 ପଇସା
5. କେନ୍ଦ୍ର ପ୍ରୟୋଜିତ ସ୍କିମ୍‌- 8 ପଇସା
6. ପ୍ରତିରକ୍ଷା- 8ପଇସା
7. ସବସିଡି- 6 ପଇସା
8. ପେନସନ- 4 ପଇସା
9. ଅନ୍ୟାନ୍ୟ ବ୍ୟୟ- 9 ପଇସା

ସୂଚନା ଥାଉ କି ବିକଶିତ ଭାରତ ମିଶନକୁ ଦୃଷ୍ଟିରେ ରଖି ଚଳିତ ବଜେଟ ପ୍ରସ୍ତୁତ କରାଯାଇଥିବା ଅର୍ଥମନ୍ତ୍ରୀ କହିଛନ୍ତି । ଭିତ୍ତିଭୂମି, ଶିଳ୍ପ, ବାଣିଜ୍ୟ, ଯୋଗାଯୋଗ, ନିଯୁକ୍ତି, ଦକ୍ଷତା ବିକାଶ, ରେଳ, ପ୍ରତିରକ୍ଷା ସମେତ ବିଭିନ୍ନ କ୍ଷେତ୍ର ପାଇଁ ବ୍ୟୟବରାଦ ହୋଇଛି । ପ୍ରମୁଖ ମନ୍ତ୍ରଣାଳୟ ଯେପରିକି ସଡକ ପରିବହନ ଏବଂ ରାଜପଥ ଶକ୍ତି ମନ୍ତ୍ରଣାଳୟ 2,65,808 କୋଟି ବ୍ୟୟବରାଦ ହୋଇଥିବା ବେଳେ କୃଷି କ୍ଷେତ୍ର ଲାଗି 1,51,851 କୋଟି, ଗୃହ ମନ୍ତ୍ରଣାଳୟ ଲାଗି 1,50,983 କୋଟି, ଶିକ୍ଷା ଲାଗି 1,25,638 କୋଟି, ଆଇଟି ଏବଂ ଟେଲିକମ ପାଇଁ 1,16,342 କୋଟି, ସ୍ୱାସ୍ଥ୍ୟ ଓ ପରିବାର କଲ୍ୟାଣ ପାଇଁ 89,287 68,769 କୋଟି, ସାମାଜିକ କଲ୍ୟାଣ ପାଇଁ 56,501 କୋଟି, ଗ୍ରାମୀଣ ବିକାଶ ପ୍ରତିରକ୍ଷା ପାଇଁ 4,54,773 କୋଟି ଓ ବାଣିଜ୍ୟ ଏବଂ ଶିଳ୍ପ ଲାଗି 47,559 କୋଟି ବ୍ୟୟ ବରାଦ ହୋଇଛି ।

ପଢନ୍ତୁ ବଜେଟ ସମ୍ପର୍କିତ ଅନ୍ୟ କିଛି ଖବର

ବ୍ୟୁରୋ ରିପୋର୍ଟ, ଇଟିଭି ଭାରତ