ମୁମ୍ବାଇ: ପାର୍ବଣ ପୂର୍ବରୁ ସେୟାର ମାର୍କେଟରେ ସର୍ବକାଳୀନ ରେକର୍ଟ । ଇତିହାସ ରଚିଲା ସେୟାର ବଜାର । ଷ୍ଟକ ମାର୍କେଟରେ ଜବରଦସ୍ତ ଉତ୍ସାହ । ସର୍ବକାଳୀନ ରେକର୍ଡ ଭାଙ୍ଗିଲା ୩୦ ସେୟାର ଆଧାରିତ ବମ୍ବେ ଷ୍ଟକ ଏକ୍ସଚେଞ୍ଜ (BSE) ସୂଚକାଙ୍କ ସେନସେକ୍ସ । ପ୍ରଥମ ଥର ପାଇଁ ୮୫ ହଜାର ଅଙ୍କ ପାର କରିଛି ସେନସେକ୍ସ (SENSEX) । ସେହିପରି ୫୦ ସେୟାର ଆଧାରିତ ନ୍ୟାସନାଲ ଷ୍ଟକ ଏକ୍ସଚେଞ୍ଜ (NSE) ସୂଚକାଙ୍କ ନିଫ୍ଟ (nifty) ମଧ୍ୟ ଉପରମୁହାଁ ରହି ରେକର୍ଡ ସୃଷ୍ଟି କରିଛି ।
ରେକର୍ଡ କଲା ସେନସେକ୍ସ:
ସେୟାର ମାର୍କେଟ ପୁଣି ଥରେ ଏକ ନୂତନ ମାଇଲଖୁଣ୍ଟ ଅତିକ୍ରମ କରିଛି । ପ୍ରଥମ ଥର ପାଇଁ ସର୍ବକାଳୀନ ରେକର୍ଡ ସ୍ତର ଛୁଇଁଲା ସେନସେକ୍ସ । ବାଣିଜ୍ୟ ସପ୍ତାହର ଦ୍ବିତୀୟ ଦିନ (ମଙ୍ଗଳବାର) ସେନସେକ୍ସ ସର୍ବକାଳୀନ ରେକର୍ଡ ସୃଷ୍ଟି କରିଛି । ଆଜି ସକାଳେ ଷ୍ଟକ ବଜାର ଖୋଲିବା ପରେ ୮୪,୯୯୯.୭୬ ପଏଣ୍ଟରେ କାରବାର ଆରମ୍ଭ କରିଥିଲା । ଏହାପରେ ୧୦.୧୦ ମିନିଟ ସମୟରେ ୮୫ ମାର୍କ ପାର କରିଥିଲା ବିଏସଇ ସେନସେକ୍ସ । ପରେ ସେୟାର ବଜାରରେ ସେନସେକ୍ସ ୧୦୦ରୁ ଅଧିକ ପଏଣ୍ଟ ବୃଦ୍ଧି ପାଇ ୮୫,୧୦୬.୬୨ ପଏଣ୍ଟରେ ପହଞ୍ଚି ରେକର୍ଡ ସୃଷ୍ଟି କରିଛି । ଗତକାଲି (ସୋମବାର) ୮୪, ୯୨୮.୬୧ ପଏଣ୍ଟରେ କାରବାର ବନ୍ଦ କରିଥିଲା ବିଏସଇ ସେନସେକ୍ସ ।
| ଏହା ମଧ୍ୟ ପଢ଼ନ୍ତୁ...ସେୟାର ବଜାରରେ ଝଡ଼, ନିବେଶକଙ୍କ ବୁଡ଼ିଗଲା ୧୫ ଲକ୍ଷ କୋଟି - Share Market Highlights |