ନୂଆଦିଲ୍ଲୀ: ଖୁବଶୀଘ୍ର କେନ୍ଦ୍ରୀୟ ସରକାରୀ କର୍ମଚାରୀଙ୍କ ପାଇଁ ବଡ ଘୋଷଣା କରିବାକୁ ଯାଉଛନ୍ତି ମୋଦି ସରକାର । ଦଶହରା ନଚେତ ଦୀପାବଳି ପୂର୍ବରୁ କେନ୍ଦ୍ରୀୟ କର୍ମଚାରୀଙ୍କୁ ବଡ ଭେଟି ଦେଇପାରନ୍ତି ସରକାର । ଚଳିତ ମାସରେ କେନ୍ଦ୍ରୀୟ କର୍ମଚାରୀଙ୍କ ମହଙ୍ଗା ଭତ୍ତା ବୃଦ୍ଧି କରିପାରନ୍ତି କେନ୍ଦ୍ର ସରକାର । ଗତବର୍ଷ ଅକ୍ଟୋବର 19 ତାରଖରେ ସରକାର 4 ପ୍ରତିଶତ ଡିଏ ବୃଦ୍ଧି କରିଥିବା ବେଳେ ଚଳିତ ବର୍ଷ 3ରୁ 4 ପ୍ରତିଶତ ବଢାଇ ପାରନ୍ତି ବୋଲି ଆଶା କରାଯାଉଛି । ଆପଣଙ୍କୁ କହିରଖୁଛୁ ଯେ, ଯଦି ସରକାର ଅକ୍ଟୋବର ମାସରେ ମହଙ୍ଗା ଭତ୍ତା ବୃଦ୍ଧି ଘୋଷଣା କରନ୍ତି, ତେବେ ଯେୁଁ କେନ୍ଦ୍ରୀୟ କର୍ମଚାରୀଙ୍କ ବେସିକ ଦରମା ମାସକୁ 18 ହଜାର ରହିଛି ସେମାନନଙ୍କ 540ରୁ 720 ଟଙ୍କା ପର୍ଯ୍ୟନ୍ତ ଦରମା ବଢିପାରେ ।
ସପ୍ତମ ବେତନ କମିଶନ ଅନୁଯାୟୀ DA କେତେ ବୃଦ୍ଧି ଆଶା କରାଯାଏ?
ଯଦି କାହାର ଦରମା ମାସକୁ 30,000 ଟଙ୍କା ଏବଂ ତାଙ୍କର ବେସିକ ଦରମା 18,000 ଟଙ୍କା, ତେବେ ତାଙ୍କୁ ବର୍ତ୍ତମାନ 9,000 ଟଙ୍କା ମହଙ୍ଗା ଭତ୍ତା ମିଳିପାରେ । ଯାହା ବେସିକ ଦରମାର ବେତନର 50 ପ୍ରତିଶତ ଅଟେ । 3 ପ୍ରତିଶତ ମହଙ୍ଗା ବୃଦ୍ଧି ପରେ କର୍ମଚାରୀଙ୍କୁ ମାସକୁ 9,540 ଟଙ୍କା ମିଳିବ । ଯଦି 4 ପ୍ରତିଶତ DA ବୃଦ୍ଧି ହୁଏ ତେବେ କର୍ମଚାରୀଙ୍କୁ ପ୍ରତି ମାସରେ 9,720 ଟଙ୍କା ମହଙ୍ଗା ଭତ୍ତା ମିଳିବ ।
କାହାକୁ DA ଦିଆଯାଏ ?
ସରକାରୀ କର୍ମଚାରୀଙ୍କୁ ମହଙ୍ଗା ଭତ୍ତା ଦିଆଯାଇଥିବାବେଳେ ପେନ୍ସନ୍ଭୋଗୀଙ୍କୁ DR ଦିଆଯାଉଛି । ବର୍ତ୍ତମାନ ଏକ କୋଟିରୁ ଅଧିକ କେନ୍ଦ୍ରୀୟ କର୍ମଚାରୀ ଏବଂ ପେନସନଭୋଗୀ 50 ପ୍ରତିଶତ ମହଙ୍ଗା ଭତ୍ତା ପାଉଛନ୍ତି । ଚଳିତବର୍ଷ ମାର୍ଚ୍ଚ ମାସରେ କେନ୍ଦ୍ର ସରକାର ମହଙ୍ଗା ଭତ୍ତାକୁ 4 ପ୍ରତିଶତ ବଢାଇ ବେସିକ ଦରମାକୁ 50 ପ୍ରତିଶତ କରିଥିଲେ । ସରକାର ପ୍ରିୟଙ୍କା ରିଲିଫ୍ (DR) କୁ 4 ପ୍ରତିଶତ ବୃଦ୍ଧି କରିଛନ୍ତି। ସେହିପରି ଡିଆର ମଧ୍ୟ 4 ପ୍ରତିଶତ ବଢାଇଥିଲେ ।
DA ଏବଂ DR କ’ଣ?
ସରକାରୀ କର୍ମଚାରୀଙ୍କୁ ମହଙ୍ଗା ଭତ୍ତା (Dearness Allowance) ଦିଆଯାଉଥିବା ବେଳେ ପେନସନଭୋଗୀଙ୍କୁ ମହଙ୍ଗା ରିଲିଫ୍ (DR) ପାଇଥାନ୍ତି । ଏହି ଦୁଇ ଭତ୍ତାକୁ ବର୍ଷକୁ 2 ଥର ଜାନୁଆରୀ ଏବଂ ଜୁଲାଇରେ ସଂଶୋଧିତ ହୁଏ । କିନ୍ତୁ ସରକାର ଏହା କେବେ ଘୋଷଣା କରିବେ ସେନେଇ କିଛି ନିର୍ଦ୍ଧିଷ୍ଟ ତାରିଖ ବା ମାସ ନାହିଁ । ବର୍ତ୍ତମାନ 10 ଲକ୍ଷରୁ ଅଧିକ କେନ୍ଦ୍ରୀୟ ସରକାରୀ କର୍ମଚାରୀ ଏବଂ ପେନସନଭୋଗୀ 50 ପ୍ରତିଶତ ନିର୍ଦ୍ଧାରିତ DAରୁ ଉପକୃତ ହେଉଛନ୍ତି ।
ଓଡ଼ିଶା ସରକାର ବଢ଼ାଇ ପାରନ୍ତି ମହାଙ୍ଗା ଭତ୍ତା ?
ସାଧାରଣତଃ ବର୍ଷକୁ ଦୁଇ ଥରସରକାରୀ କର୍ମଚାରୀଙ୍କ ମହଙ୍ଗା ଭତ୍ତା (Dearness Allowance) ବଢ଼ିଥାଏ । ପ୍ରଥମେ କେନ୍ଦ୍ର ସରକାର ବଢ଼ାନ୍ତି । ପରେ ରାଜ୍ୟ ସରକାରଗୁଡ଼ିକ ମହଙ୍ଗା ଭତ୍ତା ବଢ଼ାଇଥାନ୍ତି । କେନ୍ଦ୍ର ସରକାର ଗତ ମାର୍ଚ୍ଚମାସରେ ମହଙ୍ଗା ଭତ୍ତା ବଢ଼ାଇ ଥିବା ବେଳେ, ଚଳିତ ମାସ ପୁଣି ବଢ଼ାଇ ପାରନ୍ତି । ସେହିପରି ଓଡ଼ିଶା ସରକାର ମଧ୍ୟ, କେନ୍ଦ୍ର ସରକାରଙ୍କ ମହଙ୍ଗା ଭତ୍ତା ବୃଦ୍ଧି ଘୋଷଣା ପରେ, ରାଜ୍ୟ ସରକାରୀ କର୍ମଚାରୀମାନଙ୍କ ପାଇଁ ମହଙ୍ଗା ଭତ୍ତା ଘୋଷଣା କରି ପାରନ୍ତି । ତେବେ ଓଡ଼ିଶା ସରକାର ଏଥର ମହଙ୍ଗା ଭତ୍ତା (Dearness Allowance) କେତେ ପ୍ରତିଶତ ବଢ଼ାଇବେ , ତାହା ଉପରେ ନଜର ରହିଛି ।
