ଚେନ୍ନାଇ:ଗୁଗୁଲ ମ୍ୟାପକୁ ଭରସା କରି ଫସିଲେ ଗାଡ଼ି ଚାଳକ । ଗୁଗୁଲ ମ୍ୟାପ ଅନୁସରଣ କରି ଯିବାବେଳେ ସିଢି ଉପରକୁ ଚଢିଗଲା ଗାଡ଼ି । ଆଉ ସେହି ସ୍ଥାନରେ ଗାଡିଟି ଫସି ରହିଥିଲା । ତାମିଲନାଡୁ, କେରଳ ଏବଂ କର୍ଣ୍ଣାଟକର ଟ୍ରାଇ-ଜନକ୍ସନ କୁହାଯାଉଥିବା ଗୁଡାଲୁରରେ ଏଭଳି ଘଟଣା ଦେଖିବାକୁ ମିଳିଛି । ପରବର୍ତ୍ତୀ ସମୟରେ ସ୍ଥାନୀୟ ଲୋକଙ୍କ ସହାୟତାରେ ଗାଡ଼ିଟି ସେଠାରୁ ଉଦ୍ଧାର ହୋଇଛି । ଗାଡ଼ିରେ ଥିବା ସମସ୍ତ ଯାତ୍ରୀ ସୁରକ୍ଷିତ ଥିବା ଜଣାପଡ଼ିଛି ।
ବର୍ତ୍ତମାନ ଡିଜିଟାଲର ଯୁଗ ଚାଲିଛି । ତେଣୁ ଯେ କେହେବି ଟେକ୍ନୋଲୋଜି ଉପରେ ନିର୍ଭରଶୀଳ । ଯଦି କେହି କୌଣସି ସ୍ଥାନକୁ ଯାଉଛନ୍ତି ଆଉ ରାସ୍ତା ବିଷୟରେ ଅବଗତ ନାହାନ୍ତି ତେବେ ହାତ ପାହାନ୍ତାରେ ରାସ୍ତାର ସୂଚନା ଦିଏ ମୋବାଇଲ । ଅର୍ଥାତ୍ ଗୁଗୁଲ ମ୍ୟାପର ବ୍ୟବହାର କରି ଆମେ ସହଜରେ ଠିକଣା ପାଇପାରୁ । ହେଲେ ବେଳେବେଳେ ଗୁଗୁଲ୍ ମ୍ୟାପ୍ ଏପରି କିଛି ରାସ୍ତା ଦେଖାଏ ଯେଉଁଥିପାଇଁ ହଇରାଣ ହରକତ ହେବାକୁ ପଡିଥାଏ ।
ଏହାର ଉଦାହରଣ ଦେଖିବାକୁ ମିଳିଛି ତାମିଲନାଡୁର ଗୁଡାଲୁରରେ । ତେବେ ଗୁଡାଲୁର ଏକ ପାହାଡି ଇଲାକା ହୋଇଥିବାବେଳେ ଜଣେ ବ୍ୟକ୍ତି ନିଜର ସାଙ୍ଗମାନଙ୍କ ସହ ସେଠାକୁ ଯାତ୍ରା କରୁଥିଲେ । ବନ୍ଧୁମାନେ ମିଶି ବୁଲିବାକୁ ଯାଇଥିଲେ । ହେଲେ ସମ୍ପୃକ୍ତ ସ୍ଥାନର ରାସ୍ତା ବିଷୟରେ ଅବଗତ ନଥିଲେ । ତେବେ ସେଠାରୁ କର୍ଣ୍ଣାଟକକୁ ଫେରିବା ବାଟରେ ଗାଡ଼ି ଚଳାଉଥିବା ବ୍ୟକ୍ତି ଜଣଙ୍କ ରାସ୍ତା ବିଷୟରେ ଜାଣିବା ପାଇଁ ଗୁଗୁଲ ମ୍ୟାପର ବ୍ୟବହାର କରିଥିଲେ ।