ନୂଆଦିଲ୍ଲୀ: ରାଜ୍ୟସଭା ନିର୍ବାଚନ ପାଇଁ ଆଜି ନାମାଙ୍କନ ଭରିବେ ଦଳର ପୂର୍ବତନ ଅଧ୍ୟକ୍ଷା ସୋନିଆ ଗାନ୍ଧୀ । ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂଙ୍କ ସ୍ଥାନରେ କଂଗ୍ରେସର ସୋନିଆ ଗାନ୍ଧୀ ରାଜସ୍ଥାନରୁ ରାଜ୍ୟସଭା ସାଂସଦ ହେବା ନେଇ ଚର୍ଚ୍ଚା ହେଉଛି । ଏହାରି ମଧ୍ୟରେ ଆଜି ସକାଳ 8ଟାରୁ ଦିଲ୍ଲୀରୁ ଜୟପୁର ଅଭିମୁଖେ ଯାତ୍ରା କରିଛନ୍ତି ସୋନିଆ ଗାନ୍ଧି। ସୂଚନା ଅନୁସାରେ, ପୂର୍ବାହ୍ନ 11ଟା ସମୟରେ ସୋନିଆ ଗାନ୍ଧୀ ରାଜସ୍ଥାନ ବିଧାନସଭା ପରିସରରେ ରିଟର୍ଣ୍ଣିଂ ଅଧିକାରୀଙ୍କ ନିକଟରେ ନାମାଙ୍କନ ଦାଖଲ କରିବେ । ସୋନିଆ ଗାନ୍ଧୀ ନାମାଙ୍କନ ଦାଖଲ କରିବା ସମୟରେ କଂଗ୍ରେସ ନେତା ରାହୁଲ ଗାନ୍ଧୀ, କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖଡ଼ଗେ, ରାଜସ୍ଥାନର ପୂର୍ବତନ ମୁଖ୍ୟମନ୍ତ୍ରୀ ଅଶୋକ ଗେହେଲତ ଏବଂ ପୂର୍ବତନ ଉପ ମୁଖ୍ୟମନ୍ତ୍ରୀ ସଚିନ ପାଇଲଟ ଉପସ୍ଥିତ ରହିବା ନେଇ ସୂଚନା ରହିଛି ।
ନାମାଙ୍କନ ସମୟରେ ଉପସ୍ଥିତ ରହିବେ ରାହୁଲ: ନାମାଙ୍କନ ଦାଖଲ ପାଇଁ କଂଗ୍ରେସର ପୂର୍ବତନ ସଭାପତି ସୋନିଆ ଗାନ୍ଧୀ ସକାଳ 9 ଟାରେ ଜୟପୁରରେ ପହଞ୍ଚିଛନ୍ତି । ତାଙ୍କ ସହ ଅଛନ୍ତି ରାହୁଲ ଗାନ୍ଧୀ । ଜୟପୁର ବିମାନ ବନ୍ଦରରୁ ରାହୁଲ ଏବଂ ସୋନିଆ ପୂର୍ବତନ ମୁଖ୍ୟମନ୍ତ୍ରୀ ଅଶୋକ ଗେହଲତଙ୍କ ବାସଭବନକୁ ଯିବା ନେଇ ସୂଚନା ରହିଛି । ଏହାପରେ ପ୍ରାୟ 11ଟା ସମୟରେ ସେ ନାମାଙ୍କନ ଦାଖଲ କରିବା ପାଇଁ ବିଧାନସଭା ଯିବେ । ରାଜସ୍ଥାନ ସବୁଠାରୁ ସୁରକ୍ଷିତ ସ୍ଥାନ ହୋଇଥିବା ନେଇ ଚର୍ଚ୍ଚା ହେଉଛି । ସୋନିଆ ଗାନ୍ଧୀଙ୍କୁ ସ୍ବାଗତ କରିବା ପାଇଁ ମଙ୍ଗଳବାର ଦିନ ହିଁ ସମସ୍ତ ବିଧାୟକଙ୍କୁ ଡକାଇ ଦିଆଯାଇଥିଲା । ଅନ୍ୟପକ୍ଷେ ସୋନିଆ ଗାନ୍ଧୀଙ୍କୁ ରାଜ୍ୟସଭାକୁ ପଠାଇବା ପ୍ରସ୍ତାବରେ ସମସ୍ତ କଂଗ୍ରେସ ଶାସିତ ରାଜ୍ୟ ମଧ୍ୟ ସହମତି ରହିଥିବା କୁହାଯାଇଛି ।
ଏହା ମଧ୍ଯ ପଢ଼ନ୍ତୁ: କାଲି ରାଜ୍ୟସଭା ପାଇଁ ନାମାଙ୍କନ ଭରିବେ ସୋନିଆ, ଆଜି ରାତି ସୁଦ୍ଧା ସ୍ଥିର ହେବ ରାଜ୍ୟ