ଚେନ୍ନାଇରେ ୨୪ତମ ପର୍ଯ୍ୟଟନ ମେଳା, ଆକର୍ଷଣ ସାଜିଲା 'ରାମୋଜୀ ଫିଲ୍ମ ସିଟି'

Ramoji Film City Arena Setup In Tourism Fair: ୨୪ତମ ପର୍ଯ୍ୟଟନ ମେଳାରେ ଆକର୍ଷଣ ସାଜିଛି ରାମୋଜୀ ଫିଲ୍ମ ସିଟି । ଦର୍ଶକମାନେ ଖୁବ ଉତ୍ସାହର ସହ ରାମୋଜୀ ଫିଲ୍ମ ସିଟି ବିଷୟରେ ପଚାରି ବୁଝିଛନ୍ତି । ଅଧିକ ପଢନ୍ତୁ

ଚେନ୍ନାଇ: ତାମିଲନାଡୁରନନ୍ଦମ୍ବକ୍କମଠାରେ ଆୟୋଜିତ ହୋଇଛି ୨୪ତମ ପର୍ଯ୍ୟଟନ ମେଳା (Tourism Fair) । ନିକଟରେ ଆରମ୍ଭ ହୋଇଥିବା ଏହି ମେଳା ଦକ୍ଷିଣ ଭାରତର ସବୁଠୁ ବଡ଼ ଟ୍ରାଭେଲ ଟ୍ରେଡ୍ ଫେୟାର ଭାବେ ଉଭା ହୋଇଛି । ଏହି ପ୍ରଦର୍ଶନୀରେ ଆକର୍ଷଣ ପାଲଟିଛି ରାମୋଜୀ ଫିଲ୍ମ ସିଟିର ଷ୍ଟଲ । ବିଭିନ୍ନ ରାଜ୍ୟର ପର୍ଯ୍ୟଟନ ବୋର୍ଡ ଏଥିରେ ଅଂଶ ଗ୍ରହଣ କରିଛନ୍ତି । ବିହାର, ଓଡ଼ିଶା, ଉତ୍ତରାଖଣ୍ଡ, କେରଳ, ମହାରାଷ୍ଟ୍ର, କର୍ଣ୍ଣାଟକ, ଦିଲ୍ଲୀ, ଗୁଜୁରାଟ, ଝାଡ଼ଖଣ୍ଡ ଏବଂ ତେଲେଙ୍ଗାନା ଏହି ମେଳାରେ ଅଂଶଗ୍ରହଣ କରିଛନ୍ତି । ବିଭିନ୍ନ ବେସରକାରୀ ହୋଟେଲ, ଟୁର୍ ଅପରେଟରସ ମାନେ ଏହି ପ୍ରଦର୍ଶନୀରେ ସାମିଲ ହୋଇଛନ୍ତି ।

Ramoji Film City

ସେହିପରି ନେପାଳ ଓ ଥାଇଲ୍ୟାଣ୍ଡ ଭଳି ଦେଶ ମଧ୍ୟ ଏହି ପ୍ରଦର୍ଶନୀରେ ଅଂଶ ଗ୍ରହଣ କରିଥିବା ଜଣାପଡ଼ିଛି । ଏହାସହ ଭାରତ ସରକାରଙ୍କ ପର୍ଯ୍ୟଟନ ମନ୍ତ୍ରାଳୟ ପକ୍ଷରୁ ନିଆଯାଉଥିବା ପଦକ୍ଷେପ ଗୁଡିକ ଏହି ମେଳାରେ ପ୍ରଦର୍ଶିତ ହୋଇଛି । ୩ଟି ଦେଶ ଓ ଭାରତର ୧୬ ରାଜ୍ୟର ୧୬୦ ଷ୍ଟଲ ଏହି ହଲରେ ଦେଖିବାକୁ ମିଳିଛି । ସେଗୁଡ଼ିକ ମଧ୍ୟରେ ଆକର୍ଷଣର କେନ୍ଦ୍ର ପାଲଟିଛି ରାମୋଜୀ ଫିଲ୍ମ ସିଟିର ଷ୍ଟଲ । ଏଠାକୁ ଆସୁଥିବା ଦର୍ଶକମାନେ ଖୁବ ଉତ୍ସାହର ସହ ରାମୋଜୀ ଫିଲ୍ମ ସିଟି ବିଷୟରେ ପଚାରି ବୁଝିଛନ୍ତି ।

ଏହି ବିଷୟରେ ରାମୋଜୀ ଫିଲ୍ମ ସିଟି ଟ୍ରେଡ୍ ୟୁନିଟର ସଦସ୍ୟ ହରି କ୍ରିଷ୍ଣନ କହିଛନ୍ତି, "ଖୁବଶୀଘ୍ର ରାମୋଜୀ ଫିଲ୍ମ ସିଟି ଏକ ନୂଆ ଘୋଷଣା କରିବାକୁ ଯାଉଛି । ଗ୍ରୀଷ୍ମ ଋତୁକୁ ନଜରରେ ରଖି ଫିଲ୍ମ ସିଟିକୁ ବୁଲି ଆସୁଥିବା ପର୍ଯ୍ୟଟକଙ୍କ ପାଇଁ ଭେଟି ଦିଆଯିବ । ଆକର୍ଷଣୀୟ ଅଫର ସହ ଏଠାରେ ବୁଲିବାର ମଜା ନେବେ ପର୍ଯ୍ୟଟକ । ଏଠାରେ ଫିଲ୍ମ ବାବଦରେ ତାଲିମ ମଧ୍ୟ ଦିଆଯାଉଛି । ତାଲିମନାଡୁରୁ ସିଧାସଳଖ ଫିଲ୍ମ ସିଟିକୁ ଆସିବା ପାଇଁ ସମସ୍ତ ସୁବିଧା ମଧ୍ୟ ଉପଲବ୍ଧ ରହିଛି ।"

ଅପରପକ୍ଷେ, ଫେୟାରଫେଷ୍ଟ ମିଡିଆ ଲିଃ ତଥା TTFର ଆୟୋଜକ ମହେଶ କହିଛନ୍ତି, "୨୪ତମ ପର୍ଯ୍ୟଟନ ମେଳାରେ ୧୬୦ଟି ବୁଥ୍ ରହିଛି । ରାମୋଜୀ ଫିଲ୍ମ ସିଟି ହେଉଛି ବିଶ୍ବର ଦ୍ବିତୀୟ ବୃହତ୍ତମ ଫିଲ୍ମ ସିଟି ଭାବେ ପରିଚିତ । ଏହି ମେଳାରେ ରାମୋଜୀ ଫିଲ୍ମସିଟି ଆମ ମେଳାରେ ସ୍ଥାନିତ ହୋଇଥିବାରୁ ଆମେ ବେଶ ଖୁସି । ସମସ୍ତେ ଅତି କମରେ ଥରେ ରାମୋଜୀ ଫିଲ୍ମ ସିଟି ଭଳି ଚମତ୍କାର ସ୍ଥାନକୁ ବୁଲିଯିବା ନିହାତି ଦରକାର । ଏହା ପର୍ଯ୍ୟଟକଙ୍କ ପାଇଁ ବେଶ ଆକର୍ଷଣୀୟ ସ୍ଥାନ ।"

ସେହିପରି ତାମିଲନାଡୁ ଟୁରିଜିମ ଫେୟାରର ଆଉ ଜଣେ ଆୟୋଜକ କାଲାଇମାମଣି ଭିକେଟି ବାଲାନ କହିଛନ୍ତି, "କୋରୋନା ମହାମାରୀ ପରେ ପର୍ଯ୍ୟଟନ କ୍ଷେତ୍ର ଭୁଶୁଡି ପଡିଥିଲା । ଏହାଦ୍ବାରା ସେମାନଙ୍କର 50 ପ୍ରତିଶତ ପୁଞ୍ଜି ନଷ୍ଟ ହୋଇଗଲା । ବିଶେଷ ଭାବେ ଏଠାରେ ଥିବା ହୋଟେଲ ଗୁଡିକୁ ବହୁ ପରିମାଣର କ୍ଷତି ସହିବାକୁ ପଡ଼ିଥିଲା । ଧୀରେ ଧୀରେ କୋରୋନାର ପ୍ରକୋପ କମିବା ପରେ ପର୍ଯ୍ୟଟକଙ୍କ ଆଗମନ ହେବାକୁ ଲାଗିଲା । ଆଉ ଏବେ ଏହାକୁ ପୁଣି ଥରେ ପୂର୍ବ ସ୍ଥିତି ଫେରାଇ ଆଣିବା ଦିଗରେ ପ୍ରୟାସ ଶେଷ ହୋଇଛି ।"

ସେପଟେ ହିନ୍ଦୁସ୍ତାନ ବିଶ୍ବବିଦ୍ୟାଳୟର ପ୍ରଫେସର ଶ୍ରୀନିବାସନ କହିଛନ୍ତି, ପ୍ରତିବର୍ଷ ଆମେ ଚେନ୍ନାଇରୁ ଛାତ୍ରଛାତ୍ରୀଙ୍କୁ ଧରି ଏଜୁକେସନାଲ ଟୁରରେ ଯାଇଥାଉ । ସେଠାରେ ଛାତ୍ରଛାତ୍ରୀମାନେ ସିନେମା ସୁଟିଂ ଦେଖିପାରିବେ । ଏହାସହ ସେମାନେ ଛାତ୍ରମାନଙ୍କୁ ରିହାତି ମୂଲ୍ୟ ମଧ୍ୟ ପ୍ରଦାନ କରନ୍ତି । ସେମାନେ କମ୍ ମୂଲ୍ୟରେ ଗୁଣାତ୍ମକ ଖାଦ୍ୟ ଯୋଗାନ୍ତି । ରାମୋଜୀ ଫିଲ୍ମସିଟି ପରିବାର ସହ ପରିଦର୍ଶନ କରିବା ପାଇଁ ମଧ୍ୟ ଏକ ଉପଯୁକ୍ତ ସ୍ଥାନ ଅଟେ ।"