ହାଇଦ୍ରାବାଦ: ଆମେରିକାରେ ଜଣେ ଭାରତୀୟ ଛାତ୍ର ନିର୍ମମ ହତ୍ୟାର ଶିକାର ହୋଇଛନ୍ତି । ଏହି ଛାତ୍ର ଜଣକ ଆମେରିକାର ଜର୍ଜିଆ-ଲିଥୋନିଆରେ ଏମବିଏ ପଢୁଥିଲେ । ତାଙ୍କୁ ଏକ ଷ୍ଟୋରରେ ଗତ 16 ତାରିଖରେ ନିର୍ମମ ଭାବେ ହତ୍ୟା କରାଯାଇଛି । ଆକ୍ରମଣ ବେଳର ଭିଡିଓ ନିକଟରେ ଲାଗିଥିବା ସିସିଟିଭିରେ କଏଦ ମଧ୍ୟ ହୋଇଛି । ଏହି 25 ବର୍ଷୀୟ ଭାରତୀୟ ଛାତ୍ରଙ୍କ ନାମ ବିବେକ ସାଇନି ଓ ସେ ହରିୟାଣାର ପଞ୍ଚକୁଲାର ବାସିନ୍ଦା । ତେବେ ତାଙ୍କୁ ହାତୁଡିରେ ଆକ୍ରମଣ କରି ହତ୍ୟା କରିଥିବା ଯୁବକକୁ ବିବେକ ନିଜ ଘରେ ଆଶ୍ରୟ ଦେଇଥିଲେ । ପରେ ସେ ଆଶ୍ରୟ ଦେବାକୁ ମନା କରିବାରୁ ଏହି ବ୍ୟକ୍ତିଜଣକ ତାଙ୍କୁ ଆକ୍ରମଣ କରି ହତ୍ୟା କରିଥିବା ପୋଲିସର ପ୍ରାଥମିକ ତଦନ୍ତରୁ ଜଣାପଡିଛି ।
ତେବେ ଆମେରିକା ପୋଲିସର ପ୍ରାଥମିକ ତଦନ୍ତରେ ମିଳିଥିବା ଅନୁସାରେ, ହତ୍ୟାର ଶିକାର ହୋଇଥିବା ବିବେକ ପାଠ ପଢିବା ସହ ସ୍ଥାନୀୟ ଏକ ଷ୍ଟୋରରେ କ୍ଲର୍କ ଭାବେ ମଧ୍ୟ କାମ କରୁଥିଲେ । ସ୍ଥାନୀୟ ଜୁଲିଆନ ଫୌଲକନେର ନାମକ ଜଣେ ନିରାଶ୍ରୟ ବ୍ୟକ୍ତିଙ୍କ ସହ ତାଙ୍କ ପରିଚୟ ହୋଇଥିଲା । ସେ ରହିବା ପାଇଁ ଏହି ବ୍ୟକ୍ତିଜଣକୁ ନିଜ ଘରେ କିଛି ଦିନ ଆଶ୍ରୟ ଦେଇଥିଲେ ।