ନୂଆଦିଲ୍ଲୀ: ଜବାହାରଲାଲ ନେହେରୁ ବିଶ୍ବବିଦ୍ୟାଳୟ (JNU)ରେ ପୁଣି ଉତ୍ତେଜନା ପରିସ୍ଥିତି ଦେଖାଦେଇଛି । ଅଖିଳ ଭାରତୀୟ ବିଦ୍ୟାର୍ଥୀ ପରିଷଦ(ABVP) ଏବଂ ବାମପନ୍ଥୀ ଗୋଷ୍ଠୀ ଛାତ୍ରଙ୍କ ମଧ୍ୟରେ ପାରପିଟ୍ ହେବା ସହିତ ଗଣ୍ଡଗୋଳ ଦେଖାଦେଇଛି ।
ସୂଚନା ଅନୁସାରେ, ଗୁରୁବାର ରାତିରେ ସ୍କୁଲ ଅଫ୍ ଲାଙ୍ଗୁଏଜରେ ନିର୍ବାଚନ କମିଟି ସଦସ୍ୟ ଚୟନକୁ ନେଇ ଏକ ବୈଠକ ଅନୁଷ୍ଠିତ ହୋଇଥିଲା । ଏହି ସମୟରେ ବାମପନ୍ଥୀ ଗୋଷ୍ଠୀ ଏବିଭିପିକୁ ବୈଠକରେ କହିବା ପାଇଁ ସୁଯୋଗ ଦେଇନଥିଲେ । ଏହି କାରଣରୁ ପ୍ରଥମେ ବଚସା ହୋଇଥିବା ପରେ ଏହା ଉଗ୍ରରୂପ ଧାରଣ କରିଥିଲା । ଅଖିଳ ଭାରତୀୟ ବିଦ୍ୟାର୍ଥୀ ପରିଷଦ ଏବଂ ବାମପନ୍ଥୀ ଗୋଷ୍ଠୀ ମଧ୍ୟରେ ସଂଘର୍ଷ ହୋଇଥିଲା । ଦୁଇ ଗୋଷ୍ଠୀ ପରସ୍ପରକୁ ଆକ୍ରମଣ କରିଥିବା ଅଭିଯୋଗ ହୋଇଛି ।
ବାମପନ୍ଥୀ ଗୋଷ୍ଠୀର ଛାତ୍ରମାନେ ଏହାକୁ ଏବିଭିପିର ଗୁଣ୍ଡାଗର୍ଦ୍ଦି ବୋଲି କହିଛନ୍ତି । ଅଖିଳ ଭାରତୀୟ ବିଦ୍ୟାର୍ଥୀ ପରିଷଦର ଛାତ୍ରମାନେ ସେମାନଙ୍କୁ ବାଡିରେ ଆକ୍ରମଣ କରିଥିବା ଅଭିଯୋଗ କରିଛନ୍ତି । ଅନ୍ୟପଟେ ଏବିଭିପିର ଛାତ୍ରମାନେ ବାମପନ୍ଥୀ ଗୋଷ୍ଠୀକୁ ଦାୟୀ କରିଛନ୍ତି । ବାମପନ୍ଥୀ ଗୋଷ୍ଠୀର ଛାତ୍ରମାନେ ଏବିଭିପି ଛାତ୍ରଙ୍କୁ ଆକ୍ରମଣ କରିଥିବା ଅଭିଯୋଗ ହୋଇଛି । ତେବେ ଏହି ଘଟଣା ସହିତ ଜଡିତ ଅନେକ ଭିଡିଓ ସାମ୍ନାକୁ ଆସିଛି । ଯେଉଁଥିରେ ଛାତ୍ରମାନେ ପରସ୍ପରକୁ ଆକ୍ରମଣ କରୁଥିବା ନଜର ଆସିଛି । ତେବେ ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି । ଭାଇରାଲ ହୋଇଥିବା ଭିଡିଓରେ ଦେଖାଯାଇଛି ଯେ, ଜଣକୁ ଅନ୍ୟଜଣେ ବାଡିରେ ଆକ୍ରମଣ କରିଥିବା ଦେଖାଯାଇଛି । ଅନ୍ୟପଟେ ସାଇକେଲ ଉଠାଇ ମଧ୍ୟ ଆକ୍ରମଣ କରୁଥିବା ଦେଖାଯାଇଛି । ଛାତ୍ରମାନଙ୍କ ମୁଣ୍ଡରୁ ପ୍ରବଳ ରକ୍ତସ୍ରାବ ହେଉଛି ।